Jerzy Skolimowski

Wikipedia, Entziklopedia askea
Hona jauzi: nabigazioa, Bilatu
Jerzy Skolimowski
Jerzy Skolimowski.jpg
Bizitza
Jaiotza Łódź1938ko maiatzaren 5a (79 urte)
Herrialdea  Polonia
Familia
Ezkontidea(k) Elżbieta Czyżewska
Hezkuntza
Heziketa National Film School in Łódź
Hizkuntzak poloniera
Jarduerak
Jarduerak zinema zuzendaria, aktorea, margolaria, antzerkigilea eta gidoilaria
IMDb nm0804592

Jerzy Skolimowski (Łódź, Polonia, 1938 -) poloniar zinema zuzendaria da.

Biografia[aldatu | aldatu iturburu kodea]

Oso haurtzaro lazgarria izan zuen, Bigarren Mundu Gerrako gorabeherak zirela-eta. Gerra ondoren egin zituen lehen ikasketak, eta hogeita bat urte bete zituenerako, argitaratuta zituen bi olerki-bilduma eta antzerki-lan bat. Andrzej Wajda zinemagilearen eraginez Lodzeko zinemagintza-eskolan sartu zen, eta Berezitasunak: bat ere ez filma osatu zuen, eta zuzendari izatera iritsi zen aldez aurretik zuzendari-laguntzaile izateko araua bete gabe. Ordurako gidoigile ona zela erakutsia zuen, Roman Polanskirekin batera idatzitako Labana uretan filmeko gidoiarekin.

Skolimowskiren lehenengo filmetan nouvelle vagueren eragina nabarmentzen da, batez ere plano luzeen erabileran. 1967an Eskuak gora! filma egin zuen, baina zentsurarekin izandako gorabeheren ondorioz, erbestera alde egitea erabaki zuen. Londresen finkatu zen, baina hainbat lekutan lan egin zuen: Alemania, Frantzia, Italia, Estatu Batuak, Ingalaterra. Horrela, eta berak hala nahi ez zuen arren, zuzendari kosmopolitaren ospea irabazi zuen, eta trebetasunez egokitu zituen ingeles, alemaniar zein errusiar literaturako klasikoak, adibidez Robert Graves (Oihua) eta Ivan Turgeniev (Uholde eurien urtea) egileen lanekin egin zuenez.

Oso egile oparoa da, eta ez du beti arrakasta bera izan, baina bere zenbait film zinemagintzako klasiko bihurtu dira, adibidez Ezkutuko lana. Oro har sailkatzen zaila da, eta berdin landu ditu komedia, drama, film historikoa, suspensekoa edo gizarte-salaketa. Los Angelesen bizi izan zen 20 urtez, eta bertan margolari gisa aritu zen. Gerora, Poloniara itzuli zen, eta 2008. urtean, 17 urteren ondoren, film bat egin zuen: Cztery noce z Anną.

Filmografia[aldatu | aldatu iturburu kodea]

Zuzendari gisa[aldatu | aldatu iturburu kodea]

Aktore gisa[aldatu | aldatu iturburu kodea]

Sariak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Jerzy Skolimowski Aldatu lotura Wikidatan

Erreferentziak[aldatu | aldatu iturburu kodea]