Johañe Epherre

Artikulu hau euskaltzale altzaiarrari buruzkoa da; beste esanahietarako, ikus «Epherre».

Johañe Epherre
Bizitza
Jaiotza	Altzai, 1931ko uztailaren 31
Heriotza	2004ko apirilaren 5a (72 urte)
Hezkuntza
Hizkuntzak	euskara
Jarduerak
Jarduerak	poeta

Johañe Epherre (Altzai, 1931ko uztailaren 31 – Oloroe-Donamaria, 2004ko apirilaren 5a) zuberotar euskaltzale eta elizgizona izan zen.

Bizitza

Altzaiko Eiheraberrian sortua, Altzürüküko Epherretarren (Gilen Epherre barne) familia urruna zen.

Batxiler ikasketak Mauleko Saint-François ikastetxe katolikoan. 1955ean apaiztu zen eta irakasle sartu zen Naiko seminario txikian (Bearno, Okzitania).

Bikario ibili zen Kanbon (1958) eta Atharratzen (1959); erretore Eskiulan (1974) eta Atharratzen (1980).

Lanak

Gizon apala, euskararen aldeko bere ekimenak ugariak izan ziren.

• Gramatika ikasgaiak ematen zituen berak egindako koaderno batzuen bidez, batez ere aditzazkoak zirenak.
• Hiztegigintzan ere aritu zen.
• Sü Azia elkartearen sorreran esku hartu zuen. Horri esker bi luburuxka argitaratu ziren: Kadet Otsibarren Lehenago Gamere eta Jean-Baptiste Borthiriren koplek osatutakoa.
• Berak ere koplak idatzi zituen. Davantek bere erreferentziazko antologian Aita Lhande-n oroitzapenetan izenekoa hautatu zuen; Euskaltzaindiak 1977ko uztailaren 10ean Zalgizen Pierre Lhanderi egindako omenaldirako idatzitakoak ziren. Gure Herria aldizkariko 1976ko 5. alean agertu zen.

Iturriak

• Jean-Louis Davant: Zuberoako literaturaz. Antologia laburra, Euskaltzaindia, Bilbo, 2008; 133-135.or.

Ikus, gainera

• Gilen Epherre

Kanpo estekak

• Iturrietan aipatutako lehen liburua pdf.n.
• Egiategi-z geroztiko ziberotar idazleak artikulua, Davantek egina, Maule, 1981eko uztailaren 27an; ikus 6.or.

• Datuak: Q12260460