John Charles Fields

Wikipedia, Entziklopedia askea
Jump to navigation Jump to search
John Charles Fields
John charles fields.jpg
Bizitza
Jaiotza Hamilton1863ko maiatzaren 14a
Herrialdea  Kanada
Heriotza Toronto1932ko abuztuaren 9a (69 urte)
Hezkuntza
Heziketa Torontoko Unibertsitatea
Johns Hopkins Unibertsitatea
Hizkuntzak ingelesa
Jarduerak
Jarduerak matematikaria
Enplegatzailea(k) Torontoko Unibertsitatea
Jasotako sariak
Kidetza Royal Society
Sobietar Batasuneko Zientzien Akademia
Royal Society of Canada
Zientzien Errusiar Akademia

John Charles Fields (Hamilton, Ontario, Kanada, 1863ko maiatzaren 14a - Toronto, Ontario, Kanada, 1932ko abuztuaren 9a) kanadar matematikaria izan zen.

Biografia[aldatu | aldatu iturburu kodea]

Torontoko Unibertsitatean jaso zuen matematikako titulua 1884. urtean. Johns Hopkins Unibertsitatean ere ikasi zuen, eta 1889an matematikako irakasle izendatu zuten Allegheny Collegen.

1892tik aurrera Fieldsek Europan jardun zuen, Fuchs, Frobenius, Hensel, Schwarz eta Planckekin batera; oso urte garrantzitsuak izan ziren haren ikerlanaren garapenerako.

1902an Torontoko Unibertsitatean hasi zen irakasle-lanetan, eta hantxe egon zen hil arte. Urte horietan funtzio aljebraikoak ikertu zituen gehienbat.

Ohore asko jaso zituen bizitzan zehar. 1907an Kanadako Errege Elkarteko kide, eta 1913an Londresko Errege Elkarteko kide aukeratu zuten. 1924an Matematikarien Nazioarteko Kongresua ospatu zen Toronton, eta Fields izan zen mahaiburu. Hala ere, Fields ezagunagoa da matematikarientzako domina bat (Fields domina) sortu izanagatik. 1932ko Zuricheko Nazioarteko Kongresuan onartu zen ideia, eta lehenengo dominak 1936eko Osloko Kongresuan eman zizkieten Lars Ahlfors eta Jesse Douglas matematikariei.

Erreferentziak[aldatu | aldatu iturburu kodea]