Juan Garzia
| Juan Garzia | |
|---|---|
| Bizitza | |
| Jaiotza | Legazpi, 1955eko otsailaren 8a (63 urte) |
| Herrialdea |  Gipuzkoa, Euskal Herria |
| Familia | |
| Anai-arrebak |
ikusi
|
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | idazlea eta itzultzailea |
| Jasotako sariak |
ikusi
|
Juan Garzia Garmendia[1] (Legazpi, Gipuzkoa, 1955eko otsailaren 8a) euskal idazlea, euskalaria eta itzultzailea da. Filologia ikasi ondoren, irakasle aritu da urte askoan. Gaur egun, EHUko Euskara Zerbitzuan lan egiten du, eta lanpostu horretatik Zientzia Irakurle Ororentzat (ZIO) bilduma zuzendu du. Anaia du Joxerra Garzia idazle eta irakaslea.
2013an Euskaltzaindiak euskaltzain urgazle izendatu zuen.[2]
Eduki-taula
Biografia[aldatu | aldatu iturburu kodea]
Filologia ikasketak egin zituen Donostian eta Bartzelonan. Geroztik, irakasle jardun du hainbat urtez eta literatura itzulpen ugari egina da. Melville, Borges, Chesterton, Shakespeare, Primo Levi, Schwob, Beckett eta Rulforen obrak euskaratu ditu, besteak beste. 1999an, literatura itzulpen onenaren Euskadi saria irabazi zuen Jorge Luis Borgesen Ipuin hautatuak lanarekin. Bereak dira ere Akaso (1987) ipuin bilduma eta Itzalen itzal (1993) eta Fadoa Coimbran (1995) narrazio-lanak. Haur eta gazte literaturan Antonio Maria Labaien saria eskuratu zuen 1994an, Sudur puntan mundua lanagatik. Herri Ardularitzaren Euskal Erakundearen (IVAP) Institutuan itzulpengintza-irakasle jardun zuen denboraldi batez eta Joskera lantegi liburua argitaratu zuen 1997an, euskararen sintaxia hizpide zuela. Urte horretan bertan Txirritaren baratzea Norteko trenbidetik saiakera argitaratu zuen.
Idazlanak[aldatu | aldatu iturburu kodea]
Narrazioa[aldatu | aldatu iturburu kodea]
- Akaso (1987, Erein)
- Gabonak Gubbio-n (1992, Kutxa Fundazioa)
- Itzalen itzal (1993, Alberdania)
- Pernixio (1996, Erein)
Nobela[aldatu | aldatu iturburu kodea]
- Fadoa Coimbran (1995, Alberdania)
Saiakera[aldatu | aldatu iturburu kodea]
- Txirritaren baratzea Norteko trenbidetik (1997, Alberdania)
- Joskera lantegi (1997, IVAP)
Haur eta gazte literatura[aldatu | aldatu iturburu kodea]
- Sudur puntan mundua (1995, Alberdania)
Itzulpena[aldatu | aldatu iturburu kodea]
- Formen matxinada; Jorge Wagensberg (2007, EHU)
- Hamlet; William Shakespeare (2002, Ibaizabal)
- Pedro Paramo; Juan Rulfo (2001, Ibaizabal)
- Bizi alegiazkoak; Marcel Schwob (2002, Ibaizabal)
- Godoten esperoan; Samuel Beckett (2001, Alberdania)
- Aspernen paperak; Henry James (2000, Igela)
- Ipuin hautatuak; Jorge Luis Borges (1998, Ibaizabal)
- Sistema periodikoa; Primo Levi (1998, Alberdania)
- Ostegun izan zen gizona; G.K. Chesterton (1997, Ibaizabal)
- Soneto hautatuak ; William Shakespeare (1995, Alberdania)
- Bartleby izkribatzailea; Herman Melville (1991, 2016 Erein)
Erreferentziak[aldatu | aldatu iturburu kodea]
- ↑ Abizena Garzia idaztea, euskal herritar horren aukera pertsonala da. Izan ere, Euskaltzaindiak, euskara baturako, Gartzia onartu du deitura horren grafiatzat. Ikus Euskal Onomastikaren Datutegia.
- ↑ «Euskaltzaindiak hamalau euskaltzain urgazle izendatu ditu», Berria, 2013-02-25, http://berria.info/albisteak/76161/euskaltzaindiak_hamalau_euskaltzain_urgazle_izendatu_ditu.htm.
Kanpo loturak[aldatu | aldatu iturburu kodea]
- «Juan Garzia», Literaturaren Zubitegia.
- Juan Garziari elkarrizketa Volgako Batelariak blogean
