Juan José Gerardi

Juan José Gerardi
Irudi gehiago
apezpiku laguntzaile 1984ko abuztuaren 14a - Elizbarrutia: Roman Catholic Archdiocese of Santiago de Guatemala (en) apezpiku tituludun 1984ko abuztuaren 14a - Elizbarrutia: Roman Catholic Diocese of Guardialfiera (en) elizbarrutiko apezpiku 1974ko abuztuaren 22a - 1984ko abuztuaren 14a ← José Julio Aguilar García (en) - Julio Edgar Cabrera Ovalle (en) → Elizbarrutia: Roman Catholic Diocese of Quiché (en) apezpiku katoliko 1967ko uztailaren 30a - elizbarrutiko apezpiku 1967ko maiatzaren 5a - ← Raimundo Martín (en) - Gerardo Flores (en) → Elizbarrutia: Roman Catholic Diocese of Verapaz, Cobán (en)
Bizitza
Jaiotza	Guatemalako Hiria, 1922ko abenduaren 27a
Herrialdea	Guatemala
Heriotza	Guatemalako Hiria, 1998ko apirilaren 26a (75 urte)
Heriotza modua	giza hilketa
Jarduerak
Jarduerak	giza eskubideen aldeko ekintzailea eta apaiz katolikoa
Sinesmenak eta ideologia
Erlijioa	Erromatar Eliza Katolikoa

Juan José Gerardi (Guatemalako Hiria, 1922ko abenduaren 27a - Guatemalako Hiria, 1998ko apirilaren 26a) guatemalar gotzain katolikoa eta giza eskubideen defendatzailea izan zen.

Bizitza

New Orleansen hasi zituen apaiz-ikasketak, eta 1946. urtean ordenatu zen apaiz, Guatemalan. Handik hamaika urtera, Verapazko (hiriburutik 200 bat kmra) gotzain izendatu zuten, eta, 1974. urtean, Quiché departamendukoa. Quiché Guatemalako departamendu pobreenetako bat da, Gerra Zibilean eraso gogorrenak jasan zituenetakoa; Gerardi gotzain izendatu zuten garaian, indarkeria-giroa zen han nagusi eta, ezkerreko gerrillen bilgune zelarik, gudarosteak gogor eraso zion eremu hari. Hain zuzen ere, gerrako gertakarien egia ezagutzeko asmoz Gerardik Oroimen Historikoa Berreskuratzeko antolatutako proiektuan (REMHI) aipatzen diren 442 hilketetatik gehienak gudarosteak egin zituen.

1980an, Gerardik gogor salatu zuen nekazariek espainiar enbaxada okupatu ondoren segurtasun-indarrek bertan egindako sarraskia, eta, handik gutxira, zenbait atentatu egin zizkioten; atentatuetatik onik atera zen, baina Costa Ricara erbesteratu behar izan zuen. 1984an, Guatemalako artzapezpiku-barrutiko gotzain-laguntzaile eta bikario orokor izendatu zuten. Kargu hartan zela sortu zuen REMHI proiektuari jarraipena ematen zion ODHA proiektua, Guatemalako indarkeriaren urteetako biktimen lekukotasunak jasoaz, egia ezagutzeko helburuarekin. 1998an amaitu zuen Guatemala: sekula gehiago ez idatzia, eta apirilaren 24an argitaletxera eramatea lortu zuen. 54 ordu geroago, ezezagun batek bere etxe aurrean hil zuen.

Erreferentziak

• Datuak: Q1380832
• Multimedia: Juan Gerardi