Juan Telleria

Wikipedia, Entziklopedia askea
Jump to navigation Jump to search
Juan Telleria
Juantelleria.jpg
Bizitza
Jaiotza Zegama1895eko uztailaren  12a
Herrialdea  Gipuzkoa, Euskal Herria
Heriotza Madril1949ko otsailaren  25a (53 urte)
Hezkuntza
Heziketa Madrid Royal Conservatory Itzuli
Hizkuntzak gaztelania
Irakaslea(k) Beltran Pagola
Jarduerak
Jarduerak musikagilea eta piano-jotzailea
Genero artistikoa zarzuela
Musika instrumentua pianoa
Artikulu hau musikagile zegamarrari buruzkoa da; beste esanahietarako, ikus «Telleria».

Juan Telleria Arrizabalaga (Zegama, 1895eko uztailaren 12a - Madril, 1949ko otsailaren 25a), musikagile gipuzkoarra izan zen.

Biografia[aldatu | aldatu iturburu kodea]

Zazpi urte zituela umezurtz gelditu zen, aita eta ama galdu ondoren. Hori zela eta, Baldomero Telleria osaba apaiza haren eta lau anaien arduradun bihurtu zen. Berarekin solfeo, piano eta armonia ikasi zituen. 1911n Donostiara joan zen ikastera, Gipuzkoako Foru Aldundiak diruz lagundurik, eta German Cendoya eta Beltran Pagola irakasle izan zituen.

1915ean Madrilera joan zen, Conrado del Campo eta Fernández Alberdi maisuekin ikasiz. Musika konposatuz aurrera atera zen.

1917ko irailaren 29an "La Dama de Aitzgorri" lana estreinatu zuen Donostian, Gran Casino zelako tokian, eta urte bereko azaroaren 17an Madrilen, arrakasta handia lortuz.

1919an Parisera joan zen, zinema aretoetan pianoa jotzen jardunez, Donostian eta Madrilen egin bezala. Hortik Alemaniara mugitu zen.

1927 eta 1947 artean musika lirikoa egin zuen batik bat, "El joven pilotu", "El cabaret de la Academia", "Los Blasones" edo "Las viejas ricas" zartzuelak konposatuz.

Gainera, ganbara-musika eta erlijio-ereserki eta militarrak egin zituen, "Cara al sol" himno frankistaren egilea izanda.[1][2] Egun, Zegamako hilerrian lurperatuta dago. Frankismo garaian herri horren erdian musikariari eskainitako monumentua egon zen; Franco hil ondoren kendu egin zen.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

  • [1] Juan Telleria Auñamendi Enziklopedian.
Wikimedia Commonsen badira fitxategi gehiago, gai hau dutenak: Juan Telleria Aldatu lotura Wikidatan