Kaldene (satelitea)

Wikipedia, Entziklopedia askea
Hona jauzi: nabigazioa, Bilatu
Kaldene (satelitea)
Aurkikuntza
Aurkitzailea Sheppard et. al.
Data 2000-11-26
Ezaugarri orbitala
Zeren satelite Jupiter
Eszentrikotasuna 0,2916094
Orbita-periodoa 699,33 egun
Inklinazioa 167,07085° (ekliptikarekiko)
Ezaugarri fisikoak
Masa 7,5 ×1013
Grabitatea azalean ≈0 m/s2
Albedoa 0,04

Kaldene (grekoa: Χαλδηνή), edo Jupiter XXI, Jupiter planetaren satelite natural bat da.

Ezaugarri fisikoak[aldatu | aldatu iturburu kodea]

Kaldene satelite txikia da (3,8 km-ko diametroa) eta erretrogradoa. Uste da 0,04ko albedoa duela, Jupiterren beste satelite batzuen antzera.

Karmeren taldeko satelitea da: 22.900.000 km eta 24.100.000 km arteko erradioarekin eta 164° eta 165,5°-ko bitarteko inklinazioarekin Jupiter orbitatzen duten satelite erretrogrado irregularrak dira talde horretako guztiak.

Aurkikuntza[aldatu | aldatu iturburu kodea]

Scott Sheppard-ek gidatutako Hawaiiko Unibertsitateko astronomo-talde batek aurkitu zuen, 2000ko azaroaren 26an. Aurkikuntzaren berri 2001eko urtarrilaren 5ean eman zen, Jupiterren beste hamar sateliteren aurkikuntzaren berriarekin batera.

Izendapena[aldatu | aldatu iturburu kodea]

Kaldene satelite-izena mitologia grekoko Kaldene pertsonaian du jatorria; Kaldene Zeusen maitaleetariko bat zen.

Hasieran, S/2000 J 10 izendapen sistematikoa eman zitzaion sateliteari; kode horrek adierazten du 2000an lehen aldiz ikusitako Jupiterren hamargarren satelitea zela. Kaldene behin betiko izena 2002ko urriaren 22an eman zitzaion, Jupiterren beste 10 sateliterekin batera.