Sinope (satelitea)

Artikulu hau Jupiterren ilargiari buruzkoa da; beste esanahietarako, ikus «Sinope».

Sinope (satelitea)
Irudi gehiago
Behaketa
Itxurazko magnitudea (V)	18,1
Gorputz-gurasoa	Jupiter
Aurkitzailea	Seth Barnes Nicholson
Aurkikuntza-data	1914ko uztailaren 21a
Honen izena darama	Sinope (en)
Orbitaren ezaugarriak
Ardatzerdi handia	23.368.614 km
Eszentrikotasuna	0,25
Orbita-periodoa	−777,29 egun
Makurdura orbitala	158,6384 °
Ezaugarri fisikoak
Erradioa	19 km
Masa	75 Eg
Tenperatura	124 K
Albedoa	0,04

Sinope (grekoa: Σινώπη), edo Jupiter IX, Jupiter planetaren satelite natural bat da.

Ezaugarri fisikoak

Sinope satelite irregularra da, txikia (38 km-ko diametroa) eta erretrogradoa. Uste da 0,04ko albedoa duela, Jupiterren beste satelite batzuen antzera.

Haren espektro infragorria D motako asteroideena bezalakoa da. Espektro ikusgaian, satelitea gorrixka da. 2000. urtean Megaklite aurkitu zen arte, Sinope zen Jupiterren satelite ezagun ultraperiferikoena.

Orbita erretrogradoa du, oso inklinatua eta eszentrizitate handikoa. Pasifaeren taldeko satelitetzat hartu izan da maiz, baina Sinoperen batez besteko inklinazioa eta kolorea (gorrixka da, eta Pasifea, berriz, grisa) ez datoz bat taldeko gainerakoekin. Hori dela eta, litekeena da Sinope objektu berezia izatea, Pasifearen taldeko sateliteen jatorri berekoa ez izatea alegia.

Aurkikuntza

Seth Barnes Nicholson-ek aurkitu zuen, 1914ko uztailaren 21ean, Kaliforniako Lick behatokian.

Izendapena

Sinope satelite-izena mitologia grekoko Sinope pertsonaian du jatorria; Sinope ninfa bat zen.

Sinopek ez zuen izendapen ofizialik izan 1975 arte, Jupiterren beste zortzi sateliterekin batera (Nazioarteko Astronomia Batasunak ofizialki izendatutako lehenengo satelite-multzoa izan zen). Ordura arte, Jupiter IX izena erabili zen izendatzeko.

Kanpo estekak

• https://web.archive.org/web/20081008073721/http://www.geocities.com/saiza_2003/Moons/PicMoons.htm
• http://adsabs.harvard.edu//full/seri/PASP./0026//0000197.000.html
• http://adsabs.harvard.edu//full/seri/PASP./0051//0000093.000.html
• http://www.cfa.harvard.edu/iauc/02800/02846.html
• https://web.archive.org/web/20030805013031/http://www.ifa.hawaii.edu/~jewitt/papers/JSATS/SJ2003.pdf
• http://arxiv.org/abs/astro-ph/0312571