Praxidize (satelitea)

Praxidize (satelitea)
Irudi gehiago
Behaketa
Itxurazko magnitudea (V)	21,2
Gorputz-gurasoa	Jupiter
Aurkitzailea	Scott S. Sheppard (en) , David Clifford Jewitt (en) eta Yanga R. Fernández (en)
Aurkikuntza-data	2000ko azaroaren 23a
Honen izena darama	Praxidice (en)
Orbitaren ezaugarriak
Periapsis	16.992.165 km
Ardatzerdi handia	20.823.967 km
Eszentrikotasuna	0,184
Orbita-periodoa	613,9 egun
Makurdura orbitala	144,20594 °
Ezaugarri fisikoak
Diametroa	6,8 km
Masa	430 Pg
Albedoa	0,029
Behin-behineko izendapenak	S/2000 J 7

Praxidize (antzinako grezieraz: Πραξιδίκη), edo Jupiter XXVII, Jupiter planetaren satelite natural bat da.

Ezaugarri fisikoak

Praxidize satelite txikia da (7 km-ko diametroa) eta erretrogradoa. Uste da 0,04ko albedoa duela, Jupiterren beste satelite batzuen antzera. Kolore grisaxka du.

Anankeren taldeko satelitea da: 19.300.000 km eta 22.700.000 km arteko erradioarekin eta 150° inguruko inklinazioarekin Jupiter orbitatzen duten satelite erretrogrado irregularrak dira talde horretako guztiak. Jatorriz, asteroideak dira, Jupiterren grabitateak harrapatuak eta satelite bilakaraziak.

Aurkikuntza

Scott Sheppard-ek gidatutako Hawaiiko Unibertsitateko astronomo-talde batek aurkitu zuen, 2000ko azaroaren 23an. Aurkikuntzaren berri 2001eko urtarrilaren 5ean eman zen, Jupiterren beste hamar sateliteren aurkikuntzaren berriarekin batera.

Izendapena

Praxidize satelite-izena mitologia grekoko Praxidize pertsonaian du jatorria; Praxidize bidezko zigorraren jainkosa zen, eta Zeusen maitalea.

Hasieran, S/2000 J 7 izendapen sistematikoa eman zitzaion sateliteari; kode horrek adierazten du 2000n lehen aldiz ikusitako Jupiterren zazpigarren satelitea zela. Praxidize behin betiko izena 2002ko urriaren 22an eman zitzaion, Jupiterren beste 10 sateliterekin batera.

Kanpo estekak

• David Jewitt pages
• Scott Sheppard pages

• Datuak: Q16936
• Multimedia: Praxidike (moon) / Q16936