Laboraria eta Laborarisa

Wikipedia, Entziklopedia askea
2006ko Urdiñarbeko maskaradako Laboraria eta Laborarisa.

Laboraria eta Laborarisa Zuberoako maskaradako gorrien taldeko bi pertsonaia dira. Lehenago biak mutilak izaten ziren. Gaur egun, ordea, neska batek antzezten du Laborarisa. Euskal nekazarien igandeetako janzkera eramaten dute: Laborariak brusa beltza, lepoko zapi gorria, boneta beltza, galtza ilunak (beltz edo grisak), oinetako beltzak eta, eskuan, akuilua; Laborarisak soineko iluna, kapela eta oinetako beltzak eta, eskuan, saski bat.[1]

Herri xehearen ordezkari hauek lehentasunezko lekuan esertzen dira bazkalondoko emanaldia ikusteko, Jauna eta Anderearen ondoan. Baina, hauek ez bezala, ez dute joküetan parte hartzen. Zenbait dantzetan (kadrillak, muxikoak, bralia) aritzen dira. Bralian sokaren azken dantzariak izaten dira.[1]

Erreferentziak[aldatu | aldatu iturburu kodea]

  1. a b Javier SANTAMARIA: Laboraria y Laborarisa Auñamendi Eusko Entziklopedia. Euskomedia.org.

Kanpo estekak[aldatu | aldatu iturburu kodea]