Txerrero
| Txerreroa | |
|---|---|
| Zuberoako maskarada gorria | |
 Txerreroa, 2011ko Santa Graziko maskaradak | |
| Datu biografikoak |
Txerreroa Zuberoako maskaradetako pertsonaia da, Maskarada gorriko kidea. Berak irekitzen du maskarada, eskuan daraman zaldi kimazko erratzarekin jendea bazterraraziz.[1] Aitzindaria da, hots, dantzari nagusietako bat.
Buruan, urrez eta zilarrez brodatutako boneta gorria darama. Soinean jaka gorria, urrez apaindutako bularralde zuriarekin, larruzko gerrikoa kobrezko 8-10 txilinekin, belus beltzezko zaragoilak (belaunetarainoko galtzak), urre koloreko xingola eta litsez apainduak, galtzerdi zuriak eta azpantar beltzak.[2]
Jantziaren aldaketak denboran
[aldatu | aldatu iturburu kodea]Beste garai batzuetan jantzia ezberdina zen. XX. mendeko jantziarekiko desberdintasun batzuk dira: Hirukoloredun borla txapelean, borla gorriak praken muturretan eta belaunetan eramaten zen. XIX. mendean ordea aldaketa nabariagoak zeuden. Txapela lumaduna zen, jantzia kolore askotarikoa eta kolore ezberdinetako galtzerdiak zeraman, bata gorria bestea zuria.[3]
Sinesmenak
[aldatu | aldatu iturburu kodea]Erratzaren astintzea dantzariei bidea irekitzeko balio arren, izpiritu gaiztoak uxatzeko dela ere sinesten da.
Bere lanbideari buruzko teoriak badaude, nahiz eta bere dantzan honen inguruko aztarnarik ez egon. Izenaren etimologia jarraituz txerrizaina dela esaten da. Jendea zabaltzen duenez Zamaltzainaren mezularia dela ere pentsatzen da.[3]
Erreferentziak
[aldatu | aldatu iturburu kodea]- ↑ Aitzindariak. Etxahun alkartea, web.archive.org (kontsulta data: 2023-2-17).
- ↑ Santamaria, Javier. Txerreroa. Auñamendi Entziklopedia [on line], 2023, aunamendi.eusko-ikaskuntza.eus (kontsulta data: 2023-2-17).
- ↑ a b «Txerreroa - Auñamendi Eusko Entziklopedia» aunamendi.eusko-ikaskuntza.eus (kontsulta data: 2025-05-31).
Kanpo estekak
[aldatu | aldatu iturburu kodea]
Datuak: Q12268356
| Zuberoako maskaradak | ||
|---|---|---|
|
Gorriak : Txerreroa • Gatuzaina • Kantiniersa • Zamaltzaina • Entseinaria • Marexalak • Khestuak • Jauna eta Anderea • Laboraria eta Laborarisa • Kükülleroak | ||