Laura Garrido
.svg){kind=small}
Laura Garrido Knörr (Gasteiz, 1970eko abenduaren 25a) politikaria da. VIII. eta IX. legegintzaldietan Eusko Legebiltzarreko kidea izan da, PP alderditik. Zuzenbideko lizentziaduna eta Herri Administrazioetako masterduna (HAEE) da, eta Zientzia Politikoetako ikasketak ere burutu ditu. Alderdi Popularreko euskaldun bakanetako bat da.
Bizitza
[aldatu | aldatu iturburu kodea]Laura Garrido Gasteizen jaio zen, 1970eko abenduaren 25ean. Gasteizko Olabide Ikastolan ikasi zuen. Euskal Herriko Unibertsitatean Zuzenbidean lizentziatu zen eta Herri Arduralaritzaren Euskal Erakundean (IVAP-HAEE) Administrazio Publikoetan espezialista eta Zientzia Politikoetako ikasketak egin ditu.
Alderdi Popularreko (PP) kidea da, eta Barrundiko eta Lizartzako zinegotzia izan zen. 1999tik Arabako Batzar Nagusietako prokuradorea izan da, eta 2003an Arabako foru-ganbera horretan mahaiko lehen lehendakariorde bihurtu zen.
Garrido Eusko Legebiltzarreko kidea da 2006 urteaz geroztik.[1][2]
Lan eta Gizarte Gaietako idazkaria izan zen, eta Alderdi Popularraren Arabako zuzendaritza-batzordearen bozeramailea.[3] Gaur egun, Alderdi Popularraren exekutiba nazionaleko kide da.
PP alderdiko kargudunen artean, Laura Garrido da euskara dakien eta hitz egiten duen bakanetako bat.[4] Eta gehienetan bera izaten da PPren ordezkari, ETB 1eko hauteskunde-eztabaidetan edo euskaraz egindako tertulietan eta elkarrizketetan.[5][6][7]
2020ko urriaren 7an Euskal Autonomia Erkidegoko Alderdi Popularreko idazkari nagusi hautatu zuten.
Kargu politikoak
[aldatu | aldatu iturburu kodea]- Eusko legebiltzarkidea, VIII. eta IX. legegintzaldietan.
- Barrundiako zinegotzia (1999-2007).
- Lizartzako zinegotzia (2007-2011).
- Arabako Batzar Orokorretako lehendakariorde lehena (2003-3007).
Erreferentziak
[aldatu | aldatu iturburu kodea]- ↑ «Garrido Knörr, Laura - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2024-04-10).
- ↑ (Gaztelaniaz) IPARRAGUIRRE |, ANTTON. (2010-02-07). ««Algún día habrá una mujer lehendakari»» El Diario Vasco (Noiz kontsultatua: 2024-04-10).
- ↑ (Gaztelaniaz) Laura Garrido. 2024-01-03 (Noiz kontsultatua: 2024-04-10).
- ↑ «De la ikastola a edil en Barrundia». www.elcorreo.com. 10 de julio de 2008.
- ↑ «Hauteskunderik lehiatuenen lehen debate handia, gaur, ETB1en, Euskadi Irratian eta eitb.eus-en» EITB 2024-04-10 (Noiz kontsultatua: 2024-04-10).
- ↑ «Entrevista a Laura Garrido, esta noche, en 'Ahoz Aho +'». eitb.eus. 26 de septiembre de 2017.
- ↑ Berria. «Berria.eus» A20 Espainiako Gorteetarako hauteskundeak (Noiz kontsultatua: 2024-04-10).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q12262017
Multimedia: Laura Garrido / Q12262017
  |
Artikulu hau Arabako biografia baten zirriborroa da. Wikipedia lagun dezakezu edukia osatuz. |
- 1970eko jaiotzak
- Gizabanako biziak
- Arabako biografia zirriborroak
- Gasteiztarrak
- Arabako abokatuak
- Arabako politikariak
- Euskadiko Alderdi Popularreko politikariak
- Eusko Legebiltzarreko legebiltzarkideak IX. legegintzaldian
- Eusko Legebiltzarreko legebiltzarkideak X. legegintzaldian
- Eusko Legebiltzarreko legebiltzarkideak VIII. legegintzaldian
- Eusko Legebiltzarreko legebiltzarkideak XI. legegintzaldian
- Eusko Legebiltzarreko legebiltzarkideak XII. legegintzaldian
- Eusko Legebiltzarreko legebiltzarkideak XIII. legegintzaldian