Lourdes Munitxa

Wikipedia, Entziklopedia askea
Jump to navigation Jump to search
Lourdes Munitxa
Bizitza
Jaiotza Zornotza1948ko ekainaren  1a
Herrialdea  Bizkaia, Euskal Herria
Heriotza Zornotza2010eko uztailaren  9a (62 urte)
Jarduerak
Kidetza Eusko Alkartasuna
Euzko Alderdi Jeltzalea

Lourdes Munitxa Goxenola (Euba, Zornotza, Bizkaia, 1948ko ekainaren 1a - ib., 2010eko uztailaren 9a ) abertzale eta euskaltzale ezaguna izan zen. Mitin askotako hizlaria eta euskara bultzatzailea.

Biografia[aldatu | aldatu iturburu kodea]

​ Lourdes Munitxa Zornotzako Euba auzoan jaio zen, Munitxene baserrian, eta jaiotetxean bertan hil zen 62 urte zituela. Emakume egilea eta eragilea izan zen. Hainbat alorretan jardun zuen. ​

Auzoan[aldatu | aldatu iturburu kodea]

​Gaztetan Orueko Lagundi dantza taldearen bultzatzailea izan zen, baita Anaidi taldeko txistularia eta Orueko koruko abeslaria ere. Martzel Andrinuak sortutako euskarazko antzezlanetan ere parte hartu zuen. Eubako jai-batzordean urteetan jardun zuen euskal giroko jaiak antolatzen.

Euskara arloan[aldatu | aldatu iturburu kodea]

​ Gaztetatik murgildu zen euskararen biziberritze lanetan. ​ ­Agur­ aldizkarian Josu Arenazaren laguntzailea izan zen. ​ Jose Antonio Retolazak sustaturiko Kili-Kili umeentzako komiki-aldizkaria bultzatzen eta banatzen jardun zuen. ​ ­Euskerazaleak elkarteko Zuzendari Batzordeko kide izan zen (1970-1972).

Politikan[aldatu | aldatu iturburu kodea]

​Politika munduan militante eta hizlari jardun zuen EAJ-PNVko mitinetan, batez ere 1976-1977 urteetan, Garaikoetxea, Anasagasti, Manuel Irujo zein Balendin Enbeita bertsolariarekin, besteak beste. Bizkaiko ordezkaria izan zen EAJ-PNVren Aberri batzarrean. Udal Erakundeko batzarkidea izan zen kultura batzordeko arduradun gisa, Begoñako barrutitik. 1985an (EA) Eusko Alkartasunan afiliatu zen. 1994an Eusko Alkartasunako hautagaien zerrendan egon zen Europako Parlamenturako Diputatuen hauteskundeetan.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]