Maite Artola

Wikipedia, Entziklopedia askea
Jump to navigation Jump to search
Maite Artola
Maite Artola 2012.jpg
Bizitza
Izen osoa Maite Artola Sarobe
Jaiotza Ibarra1972ko irailaren  13a (47 urte)
Herrialdea  Gipuzkoa, Euskal Herria
Hezkuntza
Heziketa Euskal Herriko Unibertsitatea : kazetaritza, soziologia
Hizkuntzak euskara
gaztelania
ingelesa
frantsesa
Jarduerak
Jarduerak kazetaria eta irrati-esataria
Enplegatzailea(k) Argia  (1993 -  1995)
Euskaldunon Egunkaria  (1994 -  1995)
Euskal Irrati Telebista  (1997 -
Euskadi Irratia  (1997 -
Lan nabarmenak Mezularia
Andromeda
Faktoria
Jasotako sariak

Maite Artola Sarobe (Ibarra, 1972ko irailaren 13a) euskal kazetaria da. Euskal Herriko Unibertsitatean Kazetaritzan lizentziatua; prentsan, telebistan nahiz irratian lan egindakoa da, betiere euskarazko komunikabideetan. Mezularia irratsaioan egindako lanagatik 2005eko Rikardo Arregi kazetaritza saria eta 2006ko Argia saria jaso zituen. 2013az geroztik Euskadi Irratiko Faktoria goizeko albistegiko gidaria da.

Biografia[aldatu | aldatu iturburu kodea]

Umetatik asko gustatzen zitzaion idaztea. Lehen ikasketak Ibarrako ikastolan egin zituen; BBB eta UBI, aldiz, Tolosan. 1989an unibertsitate ikasketak hasi zituen, EHUren Leioako kanpusean. Kazetaritza ikasteari ekin zion, eta 1995ean lizentziatu zen Informazio Zientzietan. Era berean, Kazetaritzako lehen urtea burutu ostean Soziologia ikasten hasi zen, eta bi karrerak aldi berean ikasten aritu zen. Soziologia karrera ere ia osorik gauzatu zuen, laugarren mailako ikasgai batzuk salbu.[1] Ikasle garaian Euskadi Irratian egin nahi zuen lan.[2]

Prentsa idatzian hasi zuen bere ibilbidea. 1993 eta 1995 bitartean Argia eta Egunkarian ibili zen lanean. Argian kultura arloko erredaktore burua izan zen, eta Egunkarian nazioartako ataleko erredaktore gisa aritu zen bekadun. Ondoren berehala hasi zen Euskadi Irratian lanean, 8 hilabeteko ordezkapen bat egin baitzuen. Hura bukatuta Ingalaterrara egin zuen alde, eta han zebilela Bruselara EITBko irratien korrespontsal joatea eskaini zioten. 1997an joan eta 2001erarte egon zen bertan. Lan horren ondoren hainbat herrialdetan aritu zen berriemaile berezi gisa, besteak beste Afganisanen eta Pakistanen, Afganistango gerrari buruzkoak kontatzeko, irratirako zein telebistarako kroniken bidez.[3] Nazioarteko beste zenbait gatazka armaturen berri ematea ere egokitu zitzaionː Belfastera bidali zuten Ipar Irlandako desarmea bertatik jarraitzeko, eta 2002ko maiatzean Jerusalemera joan zen, Bigarren Intifadaren jarraipena egitera.[4]

2001-2002 denboraldian Euskadi Irratiko Goizean behin saioan aritu zen, eta 2002-2003 denboraldian berriz asteburuetako albistegiak aurkeztu zituen. 2003an Mezularia arratsaldeko magazinaren arduradun gisa hasi zen, eta han iraun zuen 2009rarte. Bertan egindako lanarengatik 2005ean Rikardo Arregi kazetaritza saria jaso zuen, eta 2006an irrati saileko Argia saria. 2006an telebistan ere jardun zuen, ETB 1eko Galdezka saioa gidatuz Jaime Otamendi eta Mikel Reparazekin batera.[5] 2010ean Mertxe Ezeizaren lekukoa hartu zuen Andromeda genero ikuspegia lantzen zuen irratsaioko aurkezle gisa, 2012an saioa amaitu zen arte.

2012ko irailean Faktoria saioan esatari moduan aritu zen.[6] 2013an Faktoria albistegia zuzentzen hasi zen, Joxe Juan Ugalderen Albiste Faktoria-ren lekua hartuz.[7] Ordutik denboraldi guztietan lan horretan jarraitu du, gaur egunera arte.[8] Goizeko 7ː00etatik aurrera eta 10ː00ak bitartean entzuleei eguneko klabe nagusiak emateaz, analisirako bidea zabaltzeaz eta iritzia eskatzeaz arduratzen da, tertuliarako zein elkarrizketetarako tartearekin.[9] Ostiraletan ordu erdi inguruko elkarrizketa pausatuak egin ohi ditu.

Bizitza pertsonala[aldatu | aldatu iturburu kodea]

Aita famatu samarra da Tolosaldean, bere kirol erronkengatik.[1] 2009an semea izan zuen, ondorioz urtebeteko eszedentzia hartu zuen eta gerora lanaldi murriztuan aritu zen.[10] Gaur egun Tolosan bizi da, baina ez du Ibarra jaioterriarekiko lotura galdu.[11] Igeri egitea gustatzen zaio.[1]

Kanpo loturak[aldatu | aldatu iturburu kodea]

Erreferentziak[aldatu | aldatu iturburu kodea]

  1. a b c   Erostarbe, Gorka (2002), [https://www.berria.eus/hemeroteka/egunkaria/pdfa/?data=2002-10-24&orria=068&zenb=UzJRL1B2YnJ0RDR6MFpNcWFFMG9ldz09 «Bidaiatzeak balio izan dit Euskal Herria zilborra ez dela konturatzeko»], Euskaldunon Egunkaria, . Noiz kontsultatua: 2019-06-06 .
  2.   «'Prentsa-burua kazetari eta kazetaritzarako oztopo handia da'» Argia . Noiz kontsultatua: 2019-06-07 .
  3.   «MAITE ARTOLA: "Afganistanen ere badago Zero Eremua" 3/3», HABE IKASBIL, . Noiz kontsultatua: 2019-06-07 .
  4.   «Maite Artola CV» (PDF), euskadi.eus, . Noiz kontsultatua: 2019-06-07 .
  5.   «tolosaldekohitza.info : Maite Artola kazetariari elkarrizketa» www.tolosaldekohitza.info . Noiz kontsultatua: 2019-06-07 .
  6.   Fernandez, Josu «Kirolarien babesean aurkeztu dute Euskadi Irratiaren 30. urteurrena» Berria . Noiz kontsultatua: 2019-06-07 .
  7.   Garcia, Adrian «Asteburuko albistegiaz arduratzea proposatu diote Ugalderi» Berria . Noiz kontsultatua: 2019-06-07 .
  8.   Garcia, Adrian ««Beste gaiak alde batera utzi gabe, euskal munduaren erakusleihoa gara»» Berria . Noiz kontsultatua: 2019-06-07 .
  9.   Garcia, Adrian «Goizeko ordu tartea indartuko du Euskadi Irratiko programazioak» Berria . Noiz kontsultatua: 2019-06-07 .
  10.   Arrastoa, Amaia Agirre ««Motzean asko esatea artea da, bertsolaritza bezala»» Berria . Noiz kontsultatua: 2019-06-07 .
  11.   ««Nortasuna duen herria da, eta bere buruaz nahiko harro dagoena» - Ibarra» Tolosaldeko ataria . Noiz kontsultatua: 2019-06-07 .