Koldo Almandoz

Koldo Almandoz
Irudi gehiago
Bizitza
Jaiotza	Donostia, 1973 (52/53 urte)
Herrialdea	Gipuzkoa, Euskal Herria
Hezkuntza
Heziketa	Nafarroako Unibertsitatea
Hizkuntzak	gaztelania
Jarduerak
Jarduerak	kazetaria, film-zuzendaria eta gidoilaria
Parte-hartzailea Tabakalera
Lan nabarmenak	ikusi Oreina Hondar ahoak

Koldo Almandoz (Donostia, 1973) zinegilea, kazetari eta gidoilari gipuzkoarra da.

Biografia

Formatu laburreko filmak eta dokumental alorrean egin du lan. Kultur eta sormen gaiak jorratu zituen berak zuzendu zuen The balde aldizkarian 15 urtez, 2002tik 2017 arte. Hainbat esparrutan ibilitako proiektu berritzailea (arteak, publizitatea, argazkigintza, surf, graffiti...).

Kazetaritzan, Euskadi Irratia, Egunkaria, Berria eta El Paísentzat lan egin du. Tarteka eta han-hemenka bere iritzi artikuluak argitaratzen ditu komunikabide ezberdinetan. Napartheid kolektiboko partaidea izan zen. Zinea, eta kultur gaiak ardatz dituzten ikastaro eta hitzaldi ezberdinak eman ditu. Gora Gora Kids garage-punk taldeko partaidea da. Bitxikeri gisa, 1996. urtean, belar metaren inguruan eginiko lan etnografiko eta sormenezkoa argitaratu zion Vianako Printze Erakundeak. EQZE eta Larrotxenen zine-eskolak ematen ditu.

Natasha (komikia)

Farmazia Beltza argitaletxeko editore, azken urteotan ¨Oreina Marea gora marea behera¨, ¨Argazpitituluak¨, ¨Igeri edo Ito¨ eta "Natasha" bezalako liburu bereziak argitaratu ditu

Zinema munduan rara avis horietako bat da. Formatu laburreko lanen defendatzailea, inongo korronte edo bandotan sartu gabe dihardu. Nazioarteko jaialdi ugari eta garrantzitsuetan aukeratua (Cannes, Rotterdam, Donostia, Gijón, Manchester, Teheran, Seul, ...) sari ugari jaso ditu fikzioa, dokumentala eta esperimentazioa uztartzen duten bere lan ezberdinek.

Filmografia

• Razielen Itzulera (1998).
• A dar ba kar
• Desio ehiztaria
• Belarra (2002).
• Amuak (2004).
• Midori (2006).
• Columba Palumbus
• Aurrescue
• Ahate Pasa (2009).
• Trikuaren Hiztegia
• Mantis Estroboscopica
• Deus et Machina (2012).
• Bandera (2013)
• Hubert Le Blon-en Azken Hegaldia (2014)
• Ttarttalo (Euskal Harriaren ABDak 2015)
• Sîpo Phantasma (2016) Film luzea
• Oreina (2018) Film luzea
• Hondar ahoak (2020) Telesail laburra
• Zeru ahoak (2025) Telesail laburra

Bibliografia

• Joxean Fernandez. "Euskal zinema: Zinemagileen hiru belaunaldi". Euskadiko Filmategia, Donostia. 2015.

Kanpo estekak

• Elkarrizketa Argian
• Lanak Vimeon

• Datuak: Q12261539
• Multimedia: Koldo Almandoz / Q12261539