Maud Galeskoa

Maud Galeskoa
Irudi gehiago
Queen Consort of Norway (en) 1905eko azaroaren 18a - 1938ko azaroaren 20a ← Sophia of Nassau (en) - Sonia Norvegiakoa →
Bizitza
Jaiotzako izen-deiturak	Maud Charlotte Mary Victoria
Jaiotza	Marlborough House (en) , 1869ko azaroaren 26a
Herrialdea	Britainia Handia eta Irlandako Erresuma Batua  1927ko apirilaren 12a) Norvegia Erresuma Batua  (1927ko apirilaren 12a -
Lehen hizkuntza	Ingeles britainiarra
Heriotza	Sandringham House, 1938ko azaroaren 20a (68 urte)
Hobiratze lekua	Akershus gotorlekua
Heriotza modua	berezko heriotza: miokardio infartu akutua
Familia
Aita	Eduardo VII.a Erresuma Batukoa
Ama	Alexandra Danimarkakoa
Ezkontidea(k)	Haakon VII.a Norvegiakoa  (1896ko uztailaren 22a -  1938ko azaroaren 20a)
Seme-alabak	ikusi Olaf V.a Norvegiakoa
Haurrideak	ikusi Prince Albert Victor, Duke of Clarence and Avondale (en) Jurgi V.a Erresuma Batukoa Luisa Erresuma Batukoa Viktoria Erresuma Batukoa (1868-1935) Prince Alexander John of Wales (en)
Leinua	House of Saxe-Coburg and Gotha (en) Glücksburg-eko Etxea Windsorko etxea
Hezkuntza
Hizkuntzak	norvegiera ingelesa
Jarduerak
Jarduerak	ezkontidea
Parte-hartzailea wedding of Prince George, Duke of York, and Princess Mary of Teck (en)
Jasotako sariak	ikusi Dame Grand Cross of the Royal Victorian Order Decoration of the Royal Red Cross Royal Family Order of King Edward VII
Sinesmenak eta ideologia
Erlijioa	anglikanismoa

Maud Galeskoa (Maud Charlotte Mary Victoria; Londres, Erresuma Batua, 1869ko azaroaren 26a - ibidem, 1938ko azaroaren 20a) printzesa britainiarra izan zen, bere ezkontzagatik 1896tik aurrera Norvegiako printzesa eta 1906tik aurrera Norvegiako erregina ezkontidea bere senarra, Haakon VII.a, herrialde horretan koroatuak izan zirenean. Galesko Maud printzesa titulua ere bazuen, Galesko printzeen alaba baitzen, geroago Eduardo VII.a Erresuma Batuko erregea eta bere emazte Alexandra Danimarkako printzesa eta Erresuma Batuko erregina ezkontidearen alaba. Norvegiako lehen erregina izan zen 1319tik.

Bizitza

Hiru ahizpak Maud erdian agertzen da, Luisa (ezkerrean) eta Viktoria (eskuinean)

Lehen urteak

Maud Marlborough Housen jaio zen, Londresen. Eduardo VII.a Erresuma Batukoa eta Alexandra Danimarkakoaren alaba izan zen. Galesko printze-printzesen azken alaba izan zen. Jaiotzetik Maud Galesko printzesa deitu zioten. Maitekiro deitzen zioten Harry.

Maudek bere gurasoek Danimarkara, bere amaren lurraldera, urtero egiten zituzten ia bisita guztietan parte hartu zuen, eta sarritan lagundu zien amari eta ahizpei Norvegian eta Mediterraneo itsasoan zehar egindako itsas bidaietan. Bere ahizpa Viktoria eta Luisa printzesekin batera, bere amonaren eskutik, Viktoria Erresuma Batuko erreginaren eskutik, Indiako Koroaren Ordena Inperiala jaso zuen 1887an. Viktoria eta Albertoren Errege Ordenakoa ere bazen, baita Jerusalemgo Ospitaleko San Joan Ordenaren gurutze handikoa ere.

Mauden ezkontza Buckingham jauregian, Viktoria erreginaren aurrean.

Ezkontza

1896an Haakon VII.a Norvegiakoarekin ezkondu zen eta Olav V.a Norvegiakoaren gurasoak izan ziren. 1905ean Norvegiak independentzia lortu zuen Suediatik Haakon eta Maud errege zirela. 1906ko ekainaren 22an koroatu ziren.1896ko uztailaren 22an, Maud Danimarkako errege-familian sartu zen, Danimarkako Karlos printzearekin (gero Haakon VII:a Norvegiakoa) ezkondu zenean, Buckingham Jauregiko kaperan egindako zeremonia batean. Karlos Danimarkako Frederiko printzearen semea zen (ondoren Danimarkako errege Frederiko VIII.a), Mauden amaren neba. Eduardo printzeak, Mauden aitak, Appleton Houseko etxea oparitu zion, senar-emazteek Erresuma Batura egiten zituzten bisitetan bizileku izan zedin.

Danimarkako printzesa bezala, Maud bere senarrarekin bizi izan zen denbora gehiena herrialde hartan, Ingalaterrara bisita ugari eginez. Appleton Housen jaio zen 1903an senar-emazteen seme bakarra, Alexandro printzea.

Norvegiako erregina

Haakon eta Maud_1906

1905eko uztailean, Norvegiako parlamentuak (Storting) Norvegiak Suediarekin zuen batasuna desegin zuen eta koroa eskaini zion Danimarkako Karlos printzeari. Maud printzesa britainiarra zenez, Norvegiako parlamentuak ontzat jo zuen gertaera hori, Erresuma Batuarekin politikoki hurbiltzeko. Urte bereko azaroan, erreferendum batek monarkiaren alde egin zuen Norvegian, eta Karlos printzeak onartu egin zuen eskaintza. Karlosek bere izena aldatu zuen Haakon jarrita eta Alexandro printzearen izena ere Olaf jarrita. Haakon eta Maud Nidaros katedralean koroatu zituzten, Trondheim-en, 1906ko ekainaren 22an.

Norvegiako erregina zela, Maudek ongintza jarduerak izan zituen, bereziki haurren eta animalien babesarekin lotuta. Eskia praktikatzen ikasi zuen, bere aberri berrian oso ezaguna zen kirola. Kongsseteren errege egoitzan, Oslon, lorategi ingeles bat lantzen aritu zen. Artisten babeslea ere izan zen, eta bere luxuzko arroparengatik ezaguna.

Maud erregina Londresen hil zen 1938ko azaroaren 20an, 68 urte zituela, bihotzekoak jota, Erresuma Batuko hiriburuan ebakuntza egin eta egun gutxira eta 69. urtebetetzea baino 6 egun lehenago. Bere gorpuzkiak Norvegiara eraman zituzten Royal Oak korazatu britainiarrean, Akershus gazteluko mausoleoan lurperatzeko.

Bere omenez, Antartikako Maud Erreginaren Lurra eta Maud Erreginaren Mendiak eta Kanadako Nunavuteko Maud Erreginaren Golkoa izendatu zituzten. Trondheim-en Eskolaurreko Irakaskuntzarako Reina Maud Ikastetxea dago.

Ondorengotza

Erreginak arazoak izan zituen haurdun geratzeko. Seme bakarra izan zuen:

• Alexandro (1903-1991), Olaf V.a Norvegiako errege izena hartu zuen

Ordenak

• Victoria eta Albertoren Errege Ordenako lehen mailako dama. (Erresuma Batua)

Monograma.

Kanpo estekak

• Datuak: Q154423
• Multimedia: Maud of Wales / Q154423