Muntadhar al-Zaidi

Wikipedia(e)tik
Hona jo: nabigazioa, Bilatu
منتظر الزيدي
Muntadhar al-Zaidi
Datu pertsonalak
Izen osoa Muntadhar al-Zaidi
Jaio 1979ko urtarrilaren 16 (35 urte)
Sadr Hiria, Bagdad (Irak)

Muntadhar al-Zaidi (منتظر الزيدي arabieraz) kazetari irakiarra da. Egipton kokatutako Al-Baghdadia TV telebista irakiarraren Irakeko berriemailea da. Al-Zaidik Irakeko Gerrako alargunen, umezurtzak eta haurrei buruzko erreportajeak egiten zituen.

2007ko azaroaren 16an ezezagun batzuek bahitu zuten Bagdaden. Hori baino lehen, Ameriketako Estatu Batuetako armadak bitan atxilotu zuten. 2008ko abenduaren 14an al-Zaidik bere zapatak jaurti zizkion George W. Bushi Bagdaden prentsaurreko bat ematen ari zenean, baina zapatek ez zuten inor kolpatu. Berehala atxilotua izan zen eta al-Zaidik zauriak jasan zituen. Atxilotzean torturatua izan zela salatu izan da.

2009ko otsailaren 20an epaitu zuten eta hiru urteko espetxe-zigorra ezarri zioten bisita ofizialean zegoen atzerriko estatuburu bat erasotzeagatik. Al-Zaidiren abokatuek epaiaren aurkako helegitea aurkeztu zuten. Azkenik zigorra murriztu egin zioten eta 2009ko irailaren 14an askatu zuten.

Commonsen badira fitxategi gehiago, gai hau dutenak: Muntadhar al-Zaidi Aldatu lotura Wikidatan