2019ko Eurovision Abesti Lehiaketa

2019ko Eurovision Abesti Lehiaketa
Lehen finalerdia	Maiatzak 14, 2019
Bigarren finalerdia	Maiatzak 16, 2019
Finala	Maiatzak 18, 2019
Egoitza	Expo Tel Aviv, Tel Aviv
Aurkezlea(k)	Erez Tal; Bar Refaeli; Assi Azar; Lucy Ayoub
Antolatzailea	Israelgo Irrati-difusioko Korporazio Publikoa (KAN)
Partaide kopurua	41
Erretiratuak	Bulgaria; Ukraina
Irabazlea	"Arcade"; Duncan Laurence; Herbehereak
← Lisboa 2018	Rotterdam 2020; Rotterdam 2021 →

2019ko Eurovision Abesti Lehiaketa urtero ospatzen den Eurovision Abesti Lehiaketaren 64. edizioa izan zen. Tel Aviveko Expo Tel Aviv erakustazokan egin zen, Israelen. Ekitaldia hirugarren aldiz antolatu zuen Israelek. Finalerdiak maiatzaren 14an eta 16an izan ziren, eta final handia maiatzaren 18an.^[1] Aurkezleak Bar Refaeli, Erez Tal, Assi Azar eta Lucy Ayoub izan ziren.

Lehiaketako irabazlea Duncan Laurence bakarlari nederlandarra izan zen, "Arcade" kantuarekin. Herbehereen bosgarren garaipena izan zen. Bigarren postua Italiako Mahmoodentzat izan zen, "Soldi" kantuarekin. Errusiako Sergey Lazarevek, "Scream" abestiarekin, hirugarren postua lortu zuen; aurretik ere hirugarren gelditu zen Lazarev 2016ko edizioan. Epaimahai profesionalen gustukoena Ipar Mazedonia izan zen, eta telebozketaren gustokoena Norvegia.

41 herrialdek hartu zuten parte guztira, aurreko urtean baino bi gutxiagok.^[2] Australiari parte hartzeko gonbidapena luzatu zitzaion Europako Irrati-Telebista Batasunaren eskutik bosgarren urtez. Bulgariak partaidetzari uko egin zion, irrati-telebista publikoaren arazo ekonomikoak medio. Ukrainak parte hartzeko izena emana zuen, baina partaidetza bertan behera utzi zuen, 2014tik Errusiarekin daukan gatazka medio.^[3]

Kokapena

Historian hirugarren aldiz, lehiaketa Israelek antolatu zuen, herrialdeak 2018ko edizioa irabazi ondoren Nettaren eskutik. Aurretik Jerusalemen egin zen ekitaldia, birritan, 1979an eta 1999an. Lizitazio prozesu bat burutuz, 2018ko irailaren 13an Tel Aviveko Expo Tel Aviv erakustazoka hautatu zuten 2019ko egoitza bezala Israelgo Irrati-difusioko Korporazio Publikoak (KAN) eta Europako Irrati-Telebista Batasunak (EBU).

Erakustazoka honen bigarren pabiloia erabili zen ekitaldirako, non 10.000 pertsona inguru sar daitezkeen.

Hasiera batean, ekitaldia Jerusalemen egingo zela baieztatu zuen Benjamin Netanyahu Israelgo lehen ministroak. Hala ere, Jerusalemen estatusa dela eta, herrialde batzuek ekitaldiari boikot egiteko aukerarik baldin bazen, EBUk beste hiri edota herrialde bat aukeratuko zuela jakinarazi zion KAN korporazioari eta israeldar gobernuari, israeldar prentsaren arabera.^[4] Ondoren lizitazio prozesua zabaldu zen, eta Tel Avivez gain Jerusalem eta Eilat izan ziren hautagai ofizialak.^[5]

Formatua

Ikus-diseinua

Edizioaren leloa, Dare to dream (euskaraz "Ausartu amets egiten") 2018ko urriaren 28an aurkeztu zen, eta bere ikus-diseinua 2019ko urtarrilaren 8an. Batera jarrita izar bat osatzen duten hiru hiruki erakusten ditu logo nagusiak. Infografia, apainketa, eszenatokiaren diseinua, eta merchandisina, besteak beste, ikus-diseinu honetan oinarritu ziren.^[6]

Aurkezleak

2019ko urtarrilak 8an, KAN eta EBUk lehiaketaren lau aurkezleak ezagutarazi zituen. Bar Refaeli nazioarteko supermodeloa da, Erez Tal eta Assi Azar Keshet 12 telebista kate pribatuko ohiko aurkezleak dira, eta Lucy Ayoub KANeko ohiko aurkezlea da.^[7]

Artista gonbidatuak

Lehen finalerdia aurreko urteko irabazle izan zen Nettak zabaldu zuen "Toy" abestuz, eta pausartean 1998ko garailea izan zen Dana Internationalek "Just the Way You Are" abestu zuen.^[8]

Bigarren finalerdiko pausartean, Shalva Band taldeak "A Million Dreams" abestu zuen.^[8]

Finala zabaltzeko, 1998ko irabazlea izan zen Dana Internationalek "Diva" eta "Tel Aviv" abestu zituen, 1973ko israeldar ordezkaria izan zen Ilanitek "Ey Sham" abestu zuen, eta 2015eko ordezkaria izan zen Nadav Guedjek "Golden Boy" abestu zuen. Lehiaketako emanaldien ondoren, Madonna nazioarteko superrizarrak "Like a Prayer" eta "Future" (Quavo raperoarekin) kantatu zituen.^[9] Horrez gain, aurreko urteko irabazlea izan zen Nettak "Nana Banana" kanta berria estreinatu zuen eta Conchita Wurst (2014ko irabazlea), Måns Zelmerlöw (2015eko irabazlea), Eleni Foureira (2018ko bigarren sailkatua), Verka Serduchka (2007ko bigarren sailkatua) eta Gali Atari (1979ko irabazlea) Eurovisioneko kanten pot-pourri batean aritu ziren. Idan Raichelek "Bo’ee – Come to Me" abestu zuen. Gal Gadot aktore eta modeloak agerpena egin zuen bideo batean.^[8]

Finalerdien zozketa

Herrialde partaideak bi finalerdietan banatzeko zozketa 2019ko urtarrilak 28an ospatu zen, Tel Aviveko Arte Museoan. Finalerdietako 36 partaideak 6 pototan kokatu ziren lehenik, bere bozketa joera historialaren arabera. Finalera zuzenik sailkatutako herrialdeek – Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Israel) – zein finalerditan zegokien botoa ematea ere erabaki zuen zozketak.^[10]

1. potoa	2. potoa	3. potoa	4. potoa	5. potoa	6. potoa
Albania Eslovenia Kroazia Mazedonia Montenegro Serbia	Danimarka Estonia Finlandia Islandia Norvegia Suedia	Armenia Azerbaijan Bielorrusia Errusia Georgia ~~Ukraina~~^{[z 1]}	Australia Irlanda Letonia Lituania Polonia Portugal	Austria Belgika Herbehereak Hungaria Txekia Suitza	Errumania Grezia Malta Moldavia San Marino Zipre

↑ Ukrainak bertan behera utzi zuen partaidetza, zozketa ondoren hilabete bat beranduago.

Lehiaketa

Lehiaketak bi finalerdi eta final bat izan zituen. Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Israel) zuzenki sailkatuak zeuden finalera. Gainontzako herrialdeak bi finalerdien artean banatu ziren, finalerdi bakoitzeko hamar lehen sailkatuak lortu zutelarik finalerako pasea.

Finalerdiak

Lehen finalerdia

Finalerdiko partaideez gain, Espainia, Frantzia eta Israeleri ere egokituko zitzaien botoa ematea. Taulan azpimarratutako herrialdeak pasa ziren finalera.


Ordena	Herrialdea	Artista	Abestia	Euskarara itzulpena	Hizkuntza	Postua	Puntuak
01	Zipre	Tamta	"Replay"	Errepikapena	Ingelesa	9	149
02	Montenegro	D mol	"Heaven"	Zerua	Ingelesa	16	46
03	Finlandia	Darude feat. Sebastian Rejman	"Look Away"	Begirada kendu	Ingelesa	17	23
04	Polonia	Tulia	"Fire of Love (Pali się)"	Maitasun-sua (Sutan daude)	Poloniera, Ingelesa	11	120
05	Eslovenia	Zala Kralj & Gašper Šantl	"Sebi"	Zeure buruari	Esloveniera	6	167
06	Txekia	Lake Malawi	"Friend of a Friend"	Lagun baten laguna	Ingelesa	2	242
07	Hungaria	Joci Pápai	"Az én apám"	Neure aita	Hungariera	12	97
08	Bielorrusia	ZENA	"Like It"	Gustuko	Ingelesa	10	122
09	Serbia	Nevena Božović	"Kruna" (Круна)	Koroa	Serbiera^{[fe1 1]}	7	156
10	Belgika	Eliot	"Wake Up"	Esna zaitez	Ingelesa	13	70
11	Georgia	Oto Nemsadze	"Keep on Going"	Jarrai aurrera	Georgiera^{[fe1 2]}	14	62
12	Australia	Kate Miller-Heidke	"Zero Gravity"	Zero grabitatea	Ingelesa	1	261
13	Islandia	Hatari	"Hatrið mun sigra"	Gorrotoa nagusituko da	Islandiera	3	221
14	Estonia	Victor Crone	"Storm"	Ekaitza	Ingelesa	4	198
15	Portugal	Conan Osíris	"Telemóveis"	Mugikorrak	Portugesa	15	51
16	Grezia	Katerine Duska	"Better Love"	Maitasun hobea	Ingelesa	5	185
17	San Marino	Serhat	"Say Na Na Na"	Esan na na na	Ingelesa^{[fe1 3]}	8	150

↑ Errepikatzen diren bi lerro ingelesez.
↑ Esamolde bat abkhazieraz.
↑ Hiru hitz turkieraz.

Bigarren finalerdia

Finalerdiko partaideez gain, Alemania, Erresuma Batua eta Italiari ere egokituko zitzaien botoa ematea. Taulan azpimarratutako herrialdeak pasa ziren finalera.


Ordena	Herrialdea	Artista	Abestia	Euskarara itzulpena	Hizkuntza	Postua	Puntuak
01	Armenia	Srbuk	"Walking Out"	Irteten	Ingelesa	16	49
02	Irlanda	Sarah McTernan	"22"	—	Ingelesa	18	16
03	Moldavia	Anna Odobescu	"Stay"	Geratu	Ingelesa	12	85
04	Suitza	Luca Hänni	"She Got Me"	Hartu ninduen	Ingelesa	4	232
05	Letonia	Carousel	"That Night"	Gau hura	Ingelesa	15	50
06	Errumania	Ester Peony	"On a Sunday"	Igande batean	Ingelesa	13	71
07	Danimarka	Leonora	"Love is Forever"	Maitasuna betirako da	Ingelesa, Frantsesa^{[fe2 1]}	10	94
08	Suedia	John Lundvik	"Too Late for Love"	Beranduegi maitasunerako	Ingelesa	3	238
09	Austria	PÆNDA	"Limits"	Mugak	Ingelesa	17	21
10	Kroazia	Roko	"The Dream"	Ametsa	Ingelesa, Kroaziera	14	64
11	Malta	Michela	"Chameleon"	Kameleoia	Ingelesa	8	157
12	Lituania	Jurij Veklenko	"Run with the Lions"	Lehoiekin korrika egin	Ingelesa	11	93
13	Errusia	Sergey Lazarev	"Scream"	Garrasi	Ingelesa	6	217
14	Albania	Jonida Maliqi	"Ktheju tokës"	Herrialdera itzulera	Albaniera	9	96
15	Norvegia	KEiiNO	"Spirit in the Sky"	Zeruko espiritua	Ingelesa^{[fe2 2]}	7	210
16	Herbehereak	Duncan Laurence	"Arcade"	Joko-aretoa	Ingelesa	1	280
17	Ipar Mazedonia	Tamara Todevska	"Proud"	Harro	Ingelesa	2	239
18	Azerbaijan	Chingiz	"Truth"	Egia	Ingelesa	5	224

↑ Lerro batzuk danieraz eta alemanez ere.
↑ Errepikatzen den lerro bat ipar samieraz.

Finala

26 herrialdek hartu zuten parte finalean, eta 41 herrialdek eman zuten botoa.


Ordena	Herrialdea	Artista	Abestia	Euskarara itzulpena	Hizkuntza	Postua	Puntuak^{[f 1]}
01	Malta	Michela	"Chameleon"	Kameleoia	Ingelesa	14	107
02	Albania	Jonida Maliqi	"Ktheju tokës"	Herrialdera itzulera	Albaniera	17	90
03	Txekia	Lake Malawi	"Friend of a Friend"	Lagun baten laguna	Ingelesa	11	157
04	Alemania	S!sters	"Sister"	Ahizpa	Ingelesa	25	24
05	Errusia	Sergey Lazarev	"Scream"	Garrasi	Ingelesa	3	370
06	Danimarka	Leonora	"Love is Forever"	Maitasuna betirako da	Ingelesa, Frantsesa^{[f 2]}	12	120
07	San Marino	Serhat	"Say Na Na Na"	Esan na na na	Ingelesa^{[f 3]}	19	77
08	Ipar Mazedonia	Tamara Todevska	"Proud"	Harro	Ingelesa	7	305
09	Suedia	John Lundvik	"Too Late for Love"	Beranduegi maitasunerako	Ingelesa	5	334
10	Eslovenia	Zala Kralj & Gašper Šantl	"Sebi"	Zeure buruari	Esloveniera	15	105
11	Zipre	Tamta	"Replay"	Errepikapena	Ingelesa	13	109
12	Herbehereak	Duncan Laurence	"Arcade"	Joko-aretoa	Ingelesa	1	498
13	Grezia	Katerine Duska	"Better Love"	Maitasun hobea	Ingelesa	21	74
14	Israel	Kobi Marimi	"Home"	Etxea	Ingelesa	23	35
15	Norvegia	KEiiNO	"Spirit in the Sky"	Zeruko espiritua	Ingelesa^{[f 4]}	6	331
16	Erresuma Batua	Michael Rice	"Bigger Than Us"	Gu baino handiagoa	Ingelesa	26	11
17	Islandia	Hatari	"Hatrið mun sigra"	Gorrotoa nagusituko da	Islandiera	10	232
18	Estonia	Victor Crone	"Storm"	Ekaitza	Ingelesa	20	76
19	Bielorrusia	ZENA	"Like It"	Gustoko	Ingelesa	24	31
20	Azerbaijan	Chingiz	"Truth"	Egia	Ingelesa	8	302
21	Frantzia	Bilal Hassani	"Roi"	Erregea	Frantsesa, Ingelesa	16	105
22	Italia	Mahmood	"Soldi"	Dirua	Italiera^{[f 5]}	2	472
23	Serbia	Nevena Božović	"Kruna" (Круна)	Koroa	Serbiera^{[f 6]}	18	89
24	Suitza	Luca Hänni	"She Got Me"	Arazi ninduen	Ingelesa	4	364
25	Australia	Kate Miller-Heidke	"Zero Gravity"	Zero grabitatea	Ingelesa	9	284
26	Espainia	Miki	"La venda"	Benda	Gaztelania	22	54

↑ Finala ospatu eta lau egun geroago, Bielorrusiar epaimahaiaren emaitzak gaizki gehitu zirela adierazi zuen EBUk, eta hau zuzentzeak emaitza ofizialetan aldaketa batzuk eragin zituen.
↑ Lerro batzuk danieraz eta alemanez ere.
↑ Hiru hitz turkieraz.
↑ Errepikatzen den lerro bat ipar samieraz.
↑ Bi lerro arabieraz.
↑ Errepikatzen diren bi lerro ingelesez.

Gertakariak

Boikot eskaerak

Israeldar estatuaren aurkako "Boikota. Desinbertsioa. Zigorra" kanpaina jarraituz, ekitaldiari boikota egiteko deialdiak egin zituzten alderdi eta artista batzuek. Hala ere, aurreko urteko herrialde partaide guztiek jarraitu zuten lehiaketan bi salbuespen ezik, eta bi salbuespenek (Bulgaria eta Ukraina) bestelako arrazoiengatik egin zioten uko partaidetzari.

Ukrainaren partaidetza

Ukrainan Vidbir 2019 lehiaketak erabaki behar zuen nor izango ote zen Ukrainako ordezkaria Eurovisionen. 2019ko otsailaren 23an jokatu zen Vidbir 2019-en finala, eta Maruv abeslariak irabazi zuen "Siren Song" abestiarekin. Hala ere, Ukrainako telebista erakunde publikoak kontratu bat aurkeztu zion Maruvi Eurovisionen bere izena emateko, eta 48 orduko epea eman zion sinatzeko. Kontratu honen klausula deigarriena Errusian kontzertuak emateari uko egitea zen, eta Maruvek Errusian kontzertuak emateko data batzuk itxita zeuzkan aldez aurretik. 2014tik Errusia eta Ukraina artean sortutako gatazka politiko eta militarragatik, polemikoa da Ukrainan musikariek Errusian kontzertuak ematea. Maruvek uko egin zion kontratua sinatzeari eta Eurovisionera joateari baldintza horietan. Telebista erakundeak Vidbir lehiaketan bigarren eta hirugarren sailkatu zirenei eskatu zien orduan Eurovisionera joatea Ukraina ordezkatzeko, baina haiek ere uko egin ziotenean, telebista erakundeak bertan behera utzi zuen otsailaren 27an Ukrainaren partaidetza.

Palestinar ikurren agerraldiak

Israel-Palestina Gatazka dela eta, Palestinar ikurren ezusteko agerraldiak izan ziren finalean. Artista gonbidatu bezala abesten zuen Madonnaren emanaldian, bi dantzarik Israeldar eta Palestinar banderak erakusten zituzten bizkarrean, eta emanaldiaren amaieran bi dantzari hauek sorbaldaz sorbalda agertu ziren, eskailera batzuk igo ahala. Geroago, Islandiako partaideek, Hatari taldeko kideek, Palestinar ikurrak erakutsi zituzten kamara aurrean telebozketaren botoak jaso zituztenean, eta Expo Tel Aviveko ikuslegoaren zati nabarmen batek txistuekin erantzun zuen.

Kanpo estekak

(Ingelesez) Eurovision 2019 webgune ofiziala

Datuak: Q9095390
Multimedia: Eurovision Song Contest 2019 / Q9095390

Eurovision Abesti Lehiaketa

Eurovision Abesti Lehiaketaren edizioak

1956 • 1957 • 1958 • 1959 • 1960 • 1961 • 1962 • 1963 • 1964 • 1965 • 1966 • 1967 • 1968 • 1969 • 1970 • 1971 • 1972 • 1973 • 1974 • 1975 • 1976 • 1977 • 1978 • 1979 • 1980 • 1981 • 1982 • 1983 • 1984 • 1985 • 1986 • 1987 • 1988 • 1989 • 1990 • 1991 • 1992 • 1993 • 1994 • 1995 • 1996 • 1997 • 1998 • 1999 • 2000 • 2001 • 2002 • 2003 • 2004 • 2005 • 2006 • 2007 • 2008 • 2009 • 2010 • 2011 • 2012 • 2013 • 2014 • 2015 • 2016 • 2017 • 2018 • 2019 • ~~2020~~ • 2021 • 2022 • 2023 • 2024 • 2025 • 2026

Besteak

Webgune ofiziala

[11] Ukrainak bertan behera utzi zuen partaidetza, zozketa ondoren hilabete bat beranduago.

[12] Errepikatzen diren bi lerro ingelesez.

[13] Esamolde bat abkhazieraz.

[14] Hiru hitz turkieraz.

[15] Lerro batzuk danieraz eta alemanez ere.

[16] Errepikatzen den lerro bat ipar samieraz.

[17] Finala ospatu eta lau egun geroago, Bielorrusiar epaimahaiaren emaitzak gaizki gehitu zirela adierazi zuen EBUk, eta hau zuzentzeak emaitza ofizialetan aldaketa batzuk eragin zituen.

[18] Lerro batzuk danieraz eta alemanez ere.

[19] Hiru hitz turkieraz.

[20] Errepikatzen den lerro bat ipar samieraz.

[21] Bi lerro arabieraz.

[22] Errepikatzen diren bi lerro ingelesez.

[TelAviv-1] Tel Aviv to host Eurovision 2019!

[2] 42 countries to compete in Eurovision 2019

[3] Ukraine withdraws from Eurovision 2019

[4] La UER en Israel: "Eurovisión no se hará en Jerusalén si los países se niegan a participar"

[5] Eurovision 2019: Three cities officially submit bids to host contest

[6] All Aboard! Reaching for the stars: Theme artwork for Eurovision 2019 revealed!

[7] Meet the Eurovision 2019 hosts: Bar Refaeli, Erez Tal, Assi Azar and Lucy Ayoub

[Wiwibloggs-8] 1 2 3 Eurovision 2019: KAN teases Gal Gadot involvement, postcards, an all-star interval mash-up and more at EXPO Tel Aviv press conference

[9] Madonna actuará durante el Festival de Eurovisión 2019

[10] Eurovision’19: Semi-Final Allocation Draw to Take Place at Tel Aviv Museum of Art

[1]

[2]

[3]

[4]

[5]

[6]

[7]

[8]

[9]

[10]

[z 1]

[fe1 1]

[fe1 2]

[fe1 3]

[fe2 1]

[fe2 2]

[f 1]

[f 2]

[f 3]

[f 4]

[f 5]

[f 6]