Olympique Lyonnais

Olympique Lyonnais

Ezizena(k)	Les Gones, Lyon, OL
Sorrera	1950 (1899)
Futbol zelaia	Parc Olympique Lyonnais edukiera: 41.044 lagun inaugurazioa: 1926
Presidentea	Jean-Michel Aulas
Entrenatzailea	Rudi Garcia
Liga	Ligue 1
2019-20	7.a
Webgunea	Webgune ofiziala
Etxekoa 　 Kanpokoa

Parc Olympique Lyonnais

Olympique Lyonnais (OL) edo Lyongo Olinpiarra Frantziako futbol talde onenetakoa da, Lyon hirikoa. Zazpi Liga irabazi ditu, denak jarraian, eta honetaz gain bost kopa ere bai.

Etxeko partiduak Stade de Gerland estadioan jokatu ohi zituen, baina 2016tik aurrera Parc Olympique Lyonnais estadio berrian jokatzen du.

Historia

Historialari batzuek taldea 1899an sortu zela dioten arren —urte hartan sortu baitzen unibertsitateko Lyon Olympique Universitaire—, 1950an eratu zen gaur egungo elkarte profesionala Olympique Lyonnais izenarekin. 60. hamarkadan Lucien Jasseron entrenatzailearen eskutik bi Kopa irabaztea lortu zuen eta 1973an hirugarren kopa bat ere lortu zuen.

1987an Jean-Michel Aulas negoziogizonak erosi zuen eta OL-Europa planari abia zuen. UEFA Koparako sailkatu zen pare bat aldiz eta Intertoto Kopa ere irabazi zuen 1997an. XXI mendea hasi zenerako Frantziako talderik aberatsena zen eta jokalari bikainek jokatu zuten bertan, batzuek aipatzekotan: Michael Essien, Florent Malouda, Juninho Pernambucano, Cris, Éric Abidal, Mahamadou Diarra, Patrick Müller eta Karim Benzema. 2002an lehenengo Liga irabaztea lortu zuen eta beste sei etorri ziren jarraian.

Azken urteetan Frantziako bigarren taldea bihurtu da Paris Saint-Germainen atzetik.

Uniformea

Taldearen ekipamendua elastiko zuria eta galtza urdinak izan dira beti eta bularrean Lyon hiriko koloreak diren urdina eta gorriarekin "V" itxurako lerroak eraman izan ditu. 1976an uniformea erabat aldatu eta kolore gorria hartu zuen baina 1990an berriz ere ekipamendu zurira itzuli zen, detaile urdin eta gorriak zituelarik.

Historikoa

1955-1961

1961-1967

1971-1976

1976-1990

1990-tik

Azken urteak

2015-2016

2016-2017

2017-2018

2017-2018

2019-2020

Palmaresa

Frantzian: 21

• Ligue 1 (7): 2002, 2003, 2004, 2005, 2006, 2007, 2008.
• Frantziako Kopa (5): 1964, 1967, 1973, 2008, 2012.
• Ligako Kopa (1): 2001.
• Trophée des champions (Superkopa) (8): 1973, 2002, 2003, 2004, 2005, 2006, 2007, 2012.

Europan: 1

• Txapeldunen Liga (0): finalerdiak 2010an.
• UEFA Intertoto Kopa (1): 1997.

Jokalari ezagunak

Jean Tigana, Sonny Anderson, Frédéric Kanouté, Mahamadou Diarra, Cris, Michael Essien, Tiago Mendes, Miralem Pjanic, Juninho, Lisandro Lopez, Éric Abidal, Fred, Hugo Lloris, Karim Benzema, Samuel Umtiti.

Euskal taldeen aurkako partidak

Hauek dira Europako txapelketa ofizialetan Olympique Lyonnaisek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
2003-04	Txapeldunen Liga	Final zortzirenak	Real Sociedad Olympique Lyonnais	0-1 1-0	Olympique Lyonnais Real Sociedad
2012-13	UEFA Kopa	Liga fasea	Olympique Lyonnais Athletic	2-1 2-3	Athletic Olympique Lyonnais
2013-14	Txapeldunen Liga	kanporaketa	Olympique Lyonnais Real Sociedad	0-2 2-0	Real Sociedad Olympique Lyonnais

Emakumezkoen taldea

Sakontzeko, irakurri: «Olympique Lyonnais (emakumezkoen taldea)»

FC Lyon taldearen emakumezkoen atala eratu zen 1970an eta hor dago taldearen jatorria. 2004an Olympique Lyonnais-en barnean sartu zen eta maila nabarmen igo zuen. Ordutik aurrera Frantziako eta Europako talde indartsuena bihurtu da, sei aldiz irabazi baitu Txapeldunen Liga .

• Garaipenak:
  • Txapeldunen Liga:
    • Txapelduna (6): 2011, 2012, 2016, 2017, 2018, 2019
    • Finalista (2): 2010, 2013
  • Nazioarteko Emakumeen Txapelketa (1): 2012
  • Frantziako Liga (17): 1991, 1993, 1995, 1998, 2007, 2008, 2009, 2010, 2011, 2012, 2013, 2014, 2015, 2016, 2017, 2018, 2019
  • Frantziako Kopa (10): 2003, 2004, 2008, 2012, 2013, 2014, 2015, 2016, 2017, 2019

Kanpo estekak

• (Frantsesez)(Ingelesez) OLren webgune ofiziala

• Datuak: Q704
• Multimedia: Olympique Lyonnais