Palentzia

Biztanleria-piramidea 2025; Guztira: 36.547 gizon, 40.822 emakume
	Iturria: Instituto Nacional de Estadística

Palentzia; Palencia
	Espainiako udalerria
	Irudi gehiago
Administrazioa
Estatu burujabe	Espainia
Autonomia	Gaztela eta Leon
Probintzia	Palentziako probintzia
Alkatea	Alfonso Polanco
Izen ofiziala	Palencia
Jatorrizko izena	Palencia
Posta kodea	34001–34006
INEk ezarritako kodea	34120
Herriburua	Palencia
Geografia
Koordenatuak	42°01′N 4°32′W / 42.02°N 4.53°W
Azalera	94,71 km²
Altitudea	749 m
Mugakideak	Villamuriel de Cerrato, Dueñas, Santa Cecilia del Alcor, Autilla del Pino, Grijota, Husillos, Fuentes de Valdepero, Villalobón eta Magaz de Pisuerga
Demografia
Biztanleria	77.466 (2025)
Dentsitatea	818 bizt/km²
Informazio gehigarria
Telefono aurrizkia	979
Hiri senidetuak	Bourges
Matrikula	P
	aytopalencia.es

Palentzia^[1] (gaztelaniaz eta ofizialki, Palencia) izen bereko probintziako hiriburua da eta haren hegoaldean dago kokatuta.

Carrión-eko ibarrean kokatuta dago, ibaiak Pisuergarekin bat egiten duen lekutik gertu.

Azken erroldaren arabera 77.466 biztanle zituen 94,71 km²-ko azaleran.

Banaketa administratiboa

Erdiguneko auzoak

Centro-Catedral
Centro-La Puebla
Centro-Salón de Isabel II
Centro-San Pablo

Zabalguneko auzoak

Campo de la Juventud
El Carmen
Pan y Guindas
Nueva Balastera
San Telmo - Santiago
Madrid
San Juanillo
Eras del Bosque
Ave María

Kanpoko auzoak

Allende el Río
Ntra. Sra. de los Ángeles
Santa Marina
San Antonio
Cristo del Otero

Geografia

Udalerri mugakideak

Honako udalerri hauek ditu mugakide: Villamuriel de Cerrato, Dueñas, Santa Cecilia del Alcor, Autilla del Pino, Grijota, Husillos, Fuentes de Valdepero, Villalobón eta Magaz de Pisuerga.

Mapa — Palentzia eta ondoko udalerrien arteko muga administratiboak.

Demografia

Oharra: grafiko hau Wikidatan jasotako datuetatik egin da, automatikoki. Daturen bat aldatu edo eguneratu behar izanez gero, egizu Wikidatan bertan.

Ekonomia

Merkataritza eta industria (ehungintza, janari industria, kimika industria) dira ekonomia jarduera nagusiak^[3].

Historia

Erromatar hiria izan zen (Pallantia). Apezpiku egoitza izan zen IV. mendetik aurrera. Musulmanek suntsitu ondoren, basamortu bihurtua geratu zen Palentziako lurraldea, baso guztiak bota baitzituzten haiek. Nafarroako Antso Nagusiak hiria berriro eraiki zuen (1032), apezpiku egoitza berritu zuen eta eskubide batzuk eman zizkion (1035-II-17). Alfontso VIII.a Gaztelakoak Espainiako lehenengo unibertsitatea sortu zuen han (1208), 1262. urtean Salamancara eraman zena^[3].

Ondasun nabarmenak

Aipagarriak dira , besteak beste, 1321-1516 bitartean eraikitako katedrala (Juan de Flandesen erretaula nagusia, 1509; Jan Joest de Haarlemen Ama Errukitakoa triptikoa, 1505; Grecoren San Sebastian, 1580; Pedro Berrugueteren diptiko bat eta Mateo Cerezoren Santa Katalinaren ezkontza mistikoak), San Miguel eliza (XII-XIII. mendeak), San Pablo monasterioko eliza gotikoa (XVI-XVII. mendeak) eta Santa Clara eliza gotikoa (XIV-XV. mendeak)^[3].