Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Parasitismo

Wikipedia, Entziklopedia askea
Hona jauzi: nabigazioa, Bilatu
Eltxoa bizkarroi hematofagoa da, aldi berean akaroen ostalaria izan daitekeena.

Parasitismoa bi organismoren arteko elkarrekintza biologikoa da. Organismoetako batek, parasito edo bizkarroiak, onura lortuko du harreman horretatik eta bestea, ostalaria, kaltetua irtengo da. Ostalariaren organismo barruan bizi diren parasitoak, endoparasitoak dira eta kanpoan bizi direnak, ektoparasitoak.

Parasitismoa espezie batek bere biziraupen gaitasuna handitzeko beste espezie batzuk erabiltzean datzan prozesua da. Oinarrizko beharrak asetuko ditu honela bizkarroiak: elikadura beharrak, ugalketarako barreiadura... Aldi berean, parasitoak kaltea eragingo dio ostalariari.

Parasitismoa organismo baten bizitza osoan zehar eman daiteke edo aldi konkretu batzuetan soilik. Parasitoa den espeziearentzat abantaila nabariak sortzen dituen momentutik aurrera, prozesu itzulezina bihurtuko da eta belaunaldiz belaunaldi igorriko zaie ondorengoei. Honen ondorioz, aldaketa fisiologiko eta morfologikoak jasango ditu bizkarroiak.

Bizkarroiak ere organismoak direnez, hirugarren espezie batentzat ostalari bihur daitezke. Bizkarroi bat parasitatzen duen bizkarroiari, hiperparasito esaten zaio.

Ikus, gainera[aldatu | aldatu iturburu kodea]