Ruslan Khasbulatov

Ruslan Khasbulatov
	; (2011) Irudi gehiago
	Ahotsa
; 11. Chairman of the Supreme Soviet of the Russian Federation (en)	; 1991ko uztailaren 10a - 1993ko urriaren 4a ; ← Boris Jeltsin - baliorik ez →
; 11. Chairman of the Supreme Soviet of the Russian Federation (en)
Bizitza
Jaiotza	Grozny, 1942ko azaroaren 22a
Herrialdea	Sobietar Errepublika Sozialisten Batasuna (1942 - 1991); Errusia (1991 - 2023)
Lehen hizkuntza	txetxenera
Heriotza	Mozhaysky District (en) , 2023ko urtarrilaren 3a (80 urte)
Hezkuntza
Heziketa	Lege Fakultatea, Moskuko Estatu Unibertsitatea 1965)
Hezkuntza-maila	Doctor of Economics (en)
Hizkuntzak	errusiera; txetxenera
Jarduerak
Jarduerak	politikaria, unibertsitateko irakaslea, ekonomialaria eta legelaria
Lantokia(k)	Sobietar Errepublika Sozialisten Batasuna eta Txetxenia
Enplegatzailea(k)	Plekhanov Russian Economic University (en)
Jasotako sariak	ikusi Merited Scientist of the Russian Federation ; Medal "For Labour Valour" ;
Sinesmenak eta ideologia
Erlijioa	islama
Alderdi politikoa	Sobietar Batasuneko Alderdi Komunista

Ruslan Imranovitx Khasbulatov, errusieraz Руслан Имранович Хасбулатов (Grozni, Txetxenia, 1942ko azaroaren 22a - Olgino, 2023ko urtarrilaren 3a) errusiar politikari eta ekonomialaria izan zen.

Biografia

1970ean Ekonomia zientzietako doktore titulua atera zuen. Irakaskuntzan aritu zen urte askoz. 1990eko martxoan Diputatuen Kongresurako diputatu aukeratua izan zen eta urte bereko ekainean, Sobiet Gorenaren lehendakariorde. 1991ko abuztuan ganberaren behin-behineko presidente eta hautagai erreformista hautatu zuten diputatuek. 1991ko estatu-kolpe saioaren ondoren Alderdi Komunista uztea erabaki zuen. 1991ko urrian, Diputatuen Kongresuak Errusiar Federakundeko Sobiet Gorenaren lehendakari aukeratu zuen. Behin eta berriz leporatu zitzaion Khasbulatovi diru publikoak xahutzea eta despota jarrerak izatea. Berak gogor kritikatu zituen Egor Gaidar liberalak abiarazitako erreforma ekonomikoak, Estatuaren monopolioak desegin baino lehen prezioak liberalizatu izana, batik bat, bere esanetan horren ondorioz jaitsi baitzen errusiarren bizi-maila modu jasanezinean. 1993ko urriko istiluak zirela-eta, Parlamentuaren lehendakari-kargutik kendu eta espetxeratua izan zen; istiluen eragileetako bat izana leporatu zitzaion. 1994an amnistiarekin espetxetik atera eta berehala, politika utziko zuela jakinarazi zuen.

Ekonomiari buruzko hogei bat liburu idatzi zituen, batzuk atzerrian ere argitaratu direnak, Austrian, Italian eta Indian esate baterako, eta baita artikuluak eta bestelako argitalpen zientifikoak ere.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q537251
Multimedia: Ruslan Khasbulatov / Q537251