Samuel Eto'o

Wikipedia(e)tik
Hona jo: nabigazioa, Bilatu
Samuel Eto'o
Samuel 2011.jpg
Bizitza
Jaiotza Douala1981eko martxoaren 10a (36 urte)
Herrialdea  Kamerun
 Espainia
Hezkuntza
Hizkuntzak frantsesa
Lanbidea
Lanbidea futbolaria
Ibilbidea
Taldeak Urteak J G
Flag of None.svg Club Africain -
Flag of None.svg Real Madril Castilla Club de Fútbol 1996-1997
Flag of None.svg Club Deportivo Leganés 1997-1998 30 4
Flag of None.svg Kamerungo futbol selekzio nazionala 1997-2014 118 56
Flag of None.svg Real Madril 1997-2000 3 0
Flag of None.svg RCD Espanyol 1999-1999 0 0
Flag of None.svg RCD Mallorca 2000-2000 19 6
Flag of None.svg RCD Mallorca 2000-2004 120 48
600px Blue HEX-00529F Gold HEX-FFDF1A White Purple HEX-A2214B Red HEX-E1393D.svg Bartzelona Futbol Kluba 2004-2009 145 108
Flag of None.svg Internazionale Football Club 2009-2011 67 33
Flag of None.svg FC Anzhi Makhachkala 2011-2013 53 25
Flag of None.svg Chelsea Football Club 2013-2014 21 9
Flag of None.svg Everton Football Club 2014-2015 14 3
Flag of None.svg Antalyaspor 2015-
Flag of None.svg UC Sampdoria 2015-2015 18 2
 
Posizio edo espezialitatea aurrelaria
Kirol zenbakia 5
Pisua 75 kilogramo
Altuera 179 zentimetro
IMDb nm2067634
www.samueletoo-officiel.com

Samuel Eto'o Fils (Nkon, Kamerun, 1981eko martxoaren 10a - ) futbol aurrelaria da, egun Inter de Milangoa. Kokapen egokienak bilatzeko eta baloia jaurtizeko abileziak munduko futbolaririk hoberenetakoa bihurtu du Samuel Eto'o. Izan ere, 2003, 2004 eta 2005ean jaso du Urteko Afrikako Futbolariaren Saria, hiru aldiz jarraian lortu duen lehendabizikoa. Gainera, 2004an (Diego Forlan-ekin batera) eta 2005ean Pichichi saria irabazi du Espainiako Lehen Mailan.

2004an FC Barcelonarekin sinatu baino lehen, Eto'o Real Madrideko harrobian aritu zen sei urtez. Baina horietako azken lau eta erdiko urteak RCD Mallorcan eman zituen. Hor, 2003an Espainiako Errege Kopa irabazi zuen Recreativo de Huelva garaitu ostean.

FC Barcelona eta Real Madriden arteko aspaldiko lehia dela eta, Samuel Eto'oren salmentak hautsa astindu zuen. Garaiko Real Madrideko presidenteak, Florentino Pérezek FC Barcelonari saldu zion 24 milioi euroren truke, ligako aurrelaririk hoberenak (Ronaldo eta Raúl hain zuzen ere) dagoeneko taldean bazituela argudiatuta. Samuel Eto'ok aparteko futbolaria dela erakutsi du FC Barcelonan ere. Hor, 2004-05eko zein 2005-06ko ligak irabazi ditu, berak sartutako golei esker hein handi batean. 2005eko FIFA Urteko Munduko Futbolarien Sarian hirugarren sailkatu zen, Ronaldinho taldekidearen eta Chelsea FCko Frank Lamparden atzean. 2006ko maiatzaren 17an, Champions Leagueko finalean, Arsenal FC garaitu zuen FC Barcelonak, 1 eta 1eko berdinketa Samuel Eto'ok lortutakoan. Hori dela eta, partidako gizona hautatu zuten Eto'o.

Kamerungo selekzioarekin ere tituluak eskuratu ditu: 2000ko eta 2002ko Afrikako Nazioen Kopak zein urrezko domina 2000ko Olinpiadetan. 17 urterekin jokatu zuen estreinako partida Italiaren kontra. 2002ko Munduko Futbol Txapelketan parte hartu zuen. 2006ko Afrikako Nazioen Kopako Boli Kostaren kontrako finalaurdenean, Samuel Eto'ok sailkapena emanen zion penaltian egin zuen huts. Hala ere, gol gehien egin zituena izan zen.

Wikimedia Commonsen badira fitxategi gehiago, gai hau dutenak: Samuel Eto'o Aldatu lotura Wikidatan