Sari Van Veenendaal

Wikipedia, Entziklopedia askea

 

Sari Van Veenendaal

Bizitza
JaiotzaNieuwegein, 1990eko apirilaren 3a (34 urte)
Herrialdea Herbehereetako Erresuma
Jarduerak
Jarduerakfutbolaria
Ibilbidea
Taldeak Urteak J G
FC Utrecht2008 / 2010
FC Twente2010 / 2015980
Netherlands women's national football team2011 /
Arsenal Football Club2015 / 2019ko ekaina
Atletico Madril2019ko uztaila / 2020ko ekaina
PSV Vrouwen2020ko uztaila / 2022ko ekaina
 
Posizio edo espezialitateafutbol atezaina
Altuera177 zentimetro
Jasotako sariak
IMDB: nm7442333 Facebook: sarivveenendaal Twitter: SarivVeenendaal Instagram: sarivveenendaal FIFA: 386927 UEFA: 250040883 Edit the value on Wikidata

Sari van Veenendaal (Nieuwegein, Herbehereak; 1990eko apirilaren 3a) herbeherear futbolari ohia da. Atezain jokatzen zuen eta bere azken taldea PSV Eindhoven izan zen. Herbeheretako Selekzioarekin nazioartekoa izan zen, eta kapitaina ere izan zen.

2017an Eurokopa irabazi zuen, eta 2019ko Munduko Txapelketan finalista izan zen, gainera, txapelketa horretako atezain onena hautatu zuten. 2019an munduko atezain onenaren The Best saria jaso zuen. Bere hitzetan, erreflexuak eta distantzia laburreko erremateak gelditzeko gaitasuna nabarmentzen zituen.

2022ko Emakumezkoen Eurokopa amaitu ondoren, non bere herrialdea final-laurdenetan kanporatuta geratu zen, jokalekuetatik erretiratuko zela iragarri zuen.[1]

Futbolari bilbidea[aldatu | aldatu iturburu kodea]

Hastapenak[aldatu | aldatu iturburu kodea]

12 urterekin hasi zen futbolean, beste kirol batzuk probatu ondoren, jokalari profesional gehienek baino geroago.[2] Bere kabuz entrenatu zuen, Hope Solo jokalari estatubatuarrari begira, eta ez zen hasi entrenamendu berariazkorik jasotzen, harik eta HvA voetbaltraject taldearekin bat egin zuen arte. Gero, 17 urterekin hasi zen jokatzen Utretch FC taldean, 2009-2010 denboraldian Herbeheretako Kopa irabazi zuen Angela Christen ordezko lanetan.[3][4] Ligan bi partidu bi baino ezin izan zituen jokatu taldean egon zen bitartean, AmsterdamgoJohan Cruyff unibertsitatean ikasten ari zela.[5]

Twente taldearekin tituluak[aldatu | aldatu iturburu kodea]

Sari van Veenendaal, 2011n ligako lehen titulua ospatzen
Txapeldunen Ligan PSGaren aurka jokatzen, 2014. urtean

2010ean, Twente FC taldeak fitxatu zuen. Irailaren 23an hasi zen, Heerenveen taldearen aurka 2-0 irabazita. Egun horretatik aurrera, atezain titularra izan zen, 20 partida jokatu eta Eredivision irabazi zuen lehen denboraldian, 2011ko maiatzaren 12an Willem II garaitu zionean 7.000 ikusleren aurrean.[6] Kopan, RCL taldeak kanporatu zituen.

Bigarren denboraldian BeNe Superkopa galdu zuten Belgikako Liejako Standard talde txapeldunarekin lehiatuta. [7] 2011ko irailaren 29an hasi zen Txapeldunen Ligan, final-hamaseirenetako joanean, eta 0-2 irabazi zuen WFC Rossiyankaren aurka.[8] Errusiako itzulerako partidan 1-0 galdu zuten, eta kanporatuak izan ziren. Ligako txapeldunordeak izan ziren ADO Den Haag taldearen atzetik. Van Veenendaal ligako hamargarren jardunaldian partidatik bota egin zuten, bere ibilbidean izandako kanporatze bakarra. Kopan finalerdietan kaleratuak izan ziren VVVren aurka jokatuta.[6]

Neerlandako eta Belgikako federazioek hurrengo denboraldietan txapelketak batzea erabaki zuten.[9] 2012-2013an federazio bakoitzeko 8 talde lehiatu ziren, eta Twente izan zen Neerlandako lehen fasea pasatu zuen taldea.[10] Ondoren, bigarren fasea jokatu zen, dibisio bakoitzeko lehen lau taldeekin. Twentea irabazle izan zen berriro bigarren fasean, eta lehen BeNe Liga irabazi zuen.[11][12] Herbeheretako Kopan txapeldunordeak izan ziren, ADO Den Haag-en aurka penalti-txandan galduta.[6]

Bi herrialdeetako taldeak zituen talde bakar batekin bateratu zen Liga 2013-2014 denboraldian. Ordukoan ere txapeldun izan zen Twente-rekin, Liejako Standard taldeak baino 2 puntu gehiagorekin.[6][13] Txapeldunen Ligan, Glasgow Cityren atzetik taldeko bigarren pasatu ziren azken txandetara, eta Lyongo Olympique ahalguztidunak kanporatu zituen 10-0 orokorrean. Kopako finalerdietan, Ajax taldeak penalti-txandan kanporatu zituen.

Liejako Standard taldearen atzean, bigarren postuan geratu ziren BeNe Ligan, eta Ajax taldearen aurka jokatuta irabazi zuten Herbehereetako Kopa.[14][6] Txapeldunen Ligan, final-hamaseirenetan kanporatuak izan ziren berriro, ordukoan 3-1eko tarte doituagoan, PSGren aurka.

Arsenaleko etapa[aldatu | aldatu iturburu kodea]

Van Veenendaal Ligako Kopa ospatzen 2015ean
Arsenalarekin jokatzen, 2017an
Arsenaleko jokalariek 2019ko liga ospatzen

2015eko udan Arsenal taldearekin fitxatu zuen, eta iritsi bezain laster izan zen titularra.[15] 2015eko uztailaren 23an egin zuen debuta Warforden aurka 3-0 irabazita WSL Cup-en. Finalean txapeldunak izan ziren Notts Countyren aurka 3-0 irabazita.[16] Ligan geratzen ziren 4 partidak jokatu zituen, eta 2015eko abuztuaren 23an egin zuen ligako debuta, Chelsearen aurkako partidan, 0-2 galduta. Hirugarren postuan amaitu zuten.[17]

2016. urtean FA Cup irabazi zuten. Van Veenendaal erabakigarria izan zen; izan ere, final-zortzirenetan eta -laurdenetan, Arsenalek Birmingham Cityk eta Notts Countyk kaleratu zituen penalti-txandan. Finalaurrekoan 7-0 irabazi zioten Sunderlandi, eta finalean Chelseari 1-0.[18] Ligan txapelketako 16 partiden titularra izan zen, 14 gol baino ez zituen jaso eta berriz hirugarren postuan gelditu ziren.[17]

2017an, FAk urte naturalak erabili beharrean, egutegia egokitzea eta denboraldiak Europako formatua erabiliz jokatzea erabaki zuen.[19] Zortzi partidako Liga jokatu zen, eta Van Veenendaalek 7 partida jokatu zituen eta hirugarren postu errepikatu zuten.[17] FA Cup-en, final-laurdenetan kanporatuak izan ziren, 1-0 galdu baitzuten Birmingham City taldearen aurka.

2017-2018 denboraldian, Ligako Kopa irabazi zuten berriro, finalean 1-0 irabazi baitzioten Manchester Cityri.[20] 2017. urteko urrian, taldea entrenatzailez aldatu zen, taldera ekarri zuen Pedro Martínez Losak kluba utzi eta Joe Montemurro iritsi zen. Titularitateari eutsi zion denboraldiaren amaierara arte, eta Ligako 18 partidetatik 14 jokatu zituen eta hirugarren postuan geratu ziren berriro. 2018ko martxoan izendatu zuten hileko jokalari.[17][21] Titularra izan zen FA Cup-en finalean, eta 3-1 galdu zuen Chelsearen aurka.[22]

2018-2019 denboraldian, Joe Montemurrok Lyongo Olympiqueko Pauline Peyraud-Magnin fitxatu zuen.[23] Peyraud-Magnin ligako titular izaten hasi zen, baina denboraldiko azken partidetan Van Veenendaalek titularitatea berreskuratu zuen, etorri berria zen atezain frantsesak bere selekzioarekin lagunarteko partida batean lesionatu baitzen, eta lehen aldiz Liga irabazi zuten.[24][17] Van Veenendaalek ligako 20 partidetatik 7 jokatu zituen, 2 gol baino ez jasota. Ligako Kopan, penaltien bidezko finala galdu zuten Manchester City-ren aurka.[25] 7 partidetatik 5 jokatu zituen, finala barne, eta 3 gol jaso zituen; FA Cup-en, berriz, final-hamaseirenetan jokatu zuen, non Crawley Wasps taldea kanporatu zuten 4-0 emaitzarekin , eta aulkian geratu zen final-zortzirenetan, Chelsearen aurka 3-0 irabazi zutela.

Atlético Madril[aldatu | aldatu iturburu kodea]

2019ko uztailaren 20an Atlético Madrilek fitxatu zuen.[26] Lola Gallardorekin partekatu zuen titulartasuna, eta Atléticorekin jokatu zuen Spartak Suboticaren aurka 2019ko irailaren 12an, eta 2-3 irabazi zuen Txapeldunen Ligako final-hamaseirenetako joanean.[27] Uda horretan, Urteko Atezain Onenaren The Best sarirako izendatu zuten. Azkenean, irabazi egin zuen, eta 2019ko irailaren 23an FIFAren Milango Galan eman zioten saria[28] Gala horretan bertan aukeratu zuten denboraldiko Hamaika Idealean.[29] Txapeldunen Ligako itzulerako protagonista izan zen, bigarren zatian penalti bat gelditu zuenean. Atlético zortzirenetara pasatu zen, etxean 1-1 berdindu ondoren.[30] Urriaren 22an, France Football aldizkariak jakinarazi zuen Van Veenendaal Urrezko Baloia irabazteko 20 hautagaietako bat zela.[31] Bere errendimendua eta Frantziako Munduko Futbol Txapelketan egindako jarduera onak zirela eta, Estatistikaren eta Historiaren Nazioarteko Federazioak (IFFHS) ere aukeratu zuen atezain onena.[32] The Guardian egunkari britaniarrak ere urteko 20 futbolari onenen eta zerrendako lehen atezainen artean aukeratu zuen.[33] Ligako 21 partidetatik 10 jokatu zituen Covid-19ko pandemia zela-eta bertan behera utzi baino lehen, eta ligako txapeldunorde geratu zen. Erregina Koparen partida ere jokatu zuen Betisen aurka, baina sevillarrak pasatu ziren penalti-multzoan irabazita.

PSV Eindhoven[aldatu | aldatu iturburu kodea]

2020ko maiatzaren 14an denboraldi baterako PSV Eindhoven taldeak fitxatu zuela iragarri zuen.[34]

Hautaketa[aldatu | aldatu iturburu kodea]

Van Veenendaal Selekzioarekin, Belgikaren aurkako partida batean

Hasiera[aldatu | aldatu iturburu kodea]

2011ko martxoaren 7an egin zuen debuta Herbehereetako Selekzioarekin, Zipre Kopan 6-0 irabazita.[35][36] Selekzioaren deialdietan ohikoa izaten hasi zen eta lagunarteko batzuk ere jokatu zituen. 2013ko Eurokopan parte hartzeko deitu zuten, baina Loes Geurts aukeratu zuen hautatzaileak talde-faseko hiru partidetarako, eta Van Veenendaalek ez zuen minutu bakar bat ere jokatu.

2015eko Munduko Txapelketarako ere deitu zuten.[37] Geurtsen ordezkoa izan zen lehen partidan, Herbehereek 1-0 irabazi zion Zeelanda Berriari. Geurtsek lesioa zuela eta, ekainaren 11n talde-faseko bigarren partida jokatu zuen Txinaren aurka. Partida sekulakoa izan zen, eta Van Veenendaalek emanaldi nabarmena izan zuen, Txinak 10 aldiz tiro egin baitzuen hiru makilen artean, baina deskontu denboran baino ezin izan zuen markatu, eta ondorioz, Herbehereak 1-0 galdu zuen.[38] Lesioa gaindituta, Geurtsek titularitatea berreskuratu zuen hirugarren partidan. Herbehereak 1-1 berdindu zuten anfitrioien aurka, eta final-zortzirenetan taldeko hirugarren sailkatu ziren. Japoniaren aurreko final-zortzirenetan ere, hautatzaileak berriro hautatu zuen Geurts atea babesteko. Japoniarrek 2-1 irabazi zuten eta Munduko Txapelketatik kanporatuak izan ziren.

2017 Eurokopa[aldatu | aldatu iturburu kodea]

Anfitrioi gisa, Herbehereak salbuetsita zeuden 2017. urteko Eurokopako sailkapen-fasetik. Van Veenendaal izan zen prestatze-aldiko atezain titularra, eta Herbeheretako Federazioak mundu mailako lehen mailako aurkariak hautatu zituen, hala nola Estatu Batuak, Alemania edo Frantzia. Eurokopan titularra izan zen eta 3 gol baino ez zituen jaso jokatu zituen 6 partidetan. Talde-fasean, Norvegiaren (1-0) eta Danimarkaren (1-0) aurkako partidetan zeroan mantendu zuen atea; gainera, partidako jokalari onena hautatu zuten, eta Belgikaren aurrean gol bakarra jaso zuen (2-1).[39][40][41][42] Final-laurdenetan eta finalerdietan, atea zeroan mantendu zuen berriro, Suediaren (2-0) eta Ingalaterraren (3-0) aurka.[43][44] Finalean, Danimarkari aurre egin zioten berriro, eta orduko horretan 4-2 irabazi eta txapelketa irabazi zuten.[45][46][47] Van Veenendaal Hamaika Idealean aukeratu zuten.[48] Txapelketa ostean, talde osoa hartu zuten Mark Rutte lehen ministroak, Edith Schippers Kirol ministroak, eta Orhurr-Nassauko Ordenako Zaldun izendatu zituzten.

2019ko munduko txapelketa[aldatu | aldatu iturburu kodea]

Van Veenendaal sailkapen-faseko titularra izan zen 8 partidetatik 7tan, eta partidetako batean, Norvegiaren aurkakoan, bi gol baino ez zituen jaso. Taldeko bigarren geratu ziren, eta play off-ak jokatu zituzten; Danimarka eta Suitza kaleratu ondoren sailkatu ziren, eta Van Veenendaalek ez zuen parte hartu.[49]

Bitartean, 2018ko Algarve Kopa jokatu zuten, eta Van Veenendaalek bi partida jokatu zituen. Finala Suediaren aurka jokatu behar zuten, baina partida bertan behera utzi zuten eguraldi txarrarengatik, eta bi selekzioei onartu zitzaien Txapelduntza.[50]

Herbehereak 2019ko Munduko Txapelketaren azken faseko E taldean sartu ziren. Van Veenendaal izan zen Herbehereetako selekzioak txapelketan jokatu zituen 7 partiden titularra. 2019ko ekainaren 11n egin zuten debuta Zeelanda Berrian, 1-0 garaipenarekin.[51] Bigarren partidan Kameruni 3-1 irabazi zioten.[52] Taldeko txapeldun nor izango zen erabakitzeko partidan 2-1 irabazi zioten Kanadari.[53]

Final-zortzirenetan, penalti-gol bati esker kaleratu zuten Japonia, Van Veenendaalek Yuka Momikiri 80ko minutuan geldialdi ona egin ondoren.[54] Final-laurdenetan, Italiaren aurka bere atea zeroan mantentzea lortu zuen eta 2-0 irabazi zuten.[55] Finalaurrekoan Suediaren aurka jokatu zuten. Ordura arteko jarduera onak zirela eta, herbeherear zaleek "Wij zijn niet bang, want Sari is erbij!" kanta sortu zuten. (Ez dugu beldurrik, Sari dugu eta!). Partidan zehar berriro ere emanaldi nabarmena izan zuen eta bere atea zeroan mantentzea lortu zuen, beraz, arauzko 90 minutuak golik gabe amaitu ziren. Luzapenean, Jackie Groenen taldekidearen gol batek Herbehereak finalean sartu zituen .[56] Van Veenendaalek eskua handituta amaitu zuen partida, baina garaiz berreskuratu zen finalerako.[57]

2019ko uztailaren 7an jokatu zen Herbehereen eta Estatu Batuen arteko txapelketaren finala. Partidaren aurrekoan, AEBetako jokalariek Van Veenendaal nabarmendu zuten Herbeherearren jokalari garrantzitsu.[58] Amaieran, atea zeroan uztea lortu zuen lehen erdian, baina bigarren zatian, VARek berrikusitako penalti batek markagailuan iparramerikarrak aurreratzeko aukera eman zion Megan Rapinoeri, eta, handik minutu gutxira, Rose Lavelleren beste gol batek. 2-0 irabazita Estatu Batuetako taldea izan zen Munduko Txapelketaren irabazlea.[59] Sari van Veenendaal partidaren ondoren, Atezain Onenaren Urrezko Eskularrua aukeratu zuten, jasotako 26 tirotatik 21 geldialdi egin ondoren.[60][61]

Estatistikak[aldatu | aldatu iturburu kodea]

Taldeak[aldatu | aldatu iturburu kodea]

2020ko martxoaren 1ean jokatutako azken partidarn eguneratua.

Taldea Maila Denboraldia Liga Nazio Kopak
(1) 		Nazioarteko Kopak

(2)

Guztira (3)
Partidak Golak Paseak Partidak Golak Paseak Partidak Golak Paseak Partidak Golak Paseak
FC Utrecht

Herbehereak Herbehereak
Eredivisie 2008-2009 2 0 0 - - -
2009-2010 0 0 0 - - -
Guztira taldean 2 0 0 0 0 0
FC Twente
Herbehereak Herbehereak
Eredivisie 2010-2011 20 -15 0 2 -1 0 - - - 22 -16 0 0,73
2011-2012 17 -19 0 4 -5 0 2 -3 0 23 -27 0 1,17
Liga BeNe 2012-2013 28 -22 0 4 -5 0 - - - 32 -27 0 0,84
2013-2014 24 -19 0 3 -4 0 4 -12 0 31 -35 0 1,13
2014-2015 23 -12 0 4 -5 0 2 -3 0 29 -20 0 0,69
Guztira taldean 112 -87 0 17 -20 0 8 -18 0 137 -125 0 0,91
Arsenal

Ingalaterra Inglaterra
Super League 2015 4 -3 0 7 -3 0 0 0 0 11 -6 0 0,55
2016 16 -14 0 4 -3 0 0 0 0 20 -17 0 0,85
2017 7 -7 0 2 -1 0 0 0 0 9 -8 0 0,89
2017-2018 14 -17 0 6 -7 0 0 0 0 20 -24 0 1,20
2018-2019 7 -2 0 6 -3 0 - - - 13 -5 0 0,38
Guztira taldean 48 -43 0 25 -17 0 0 0 0 73 -60 0 0,82
Atlético de Madrid

Espainia Espainia 		Lehen Mailan 2019-2020 10 -6 0 1 0 0 4 -5 0 15 -11 0 0,73
Guztira taldean 10 -6 0 1 0 0 4 -5 0 15 -11 0 0,73
Guztira ibilbidean 172 -136 0 43 -37 0 12 -23 0 227 -196 0 0,86
(1) Herbehereetako kopa, Supercopa BeNe, WSL eta FA Cup etaErregina Kopa barne
(2) Txapeldunen Ligako datuak barne(3) Ez dago lagunarteko partiden daturik

Selekzioa[aldatu | aldatu iturburu kodea]

2020ko martxoaren 10ean jokatutako azken partidan eguneratua.

Selekzioak Urtea Europa(4) Mundikoak (4) Lagunartekoak Guztira Batez besteko golak
Partidak Golak Paseak Partidak Golak Paseak Partidak Golak Paseak Partidak Golak Paseak.
Absolutua

Herbehereak Herbehereak 		2011 0 0 0 0 0 0 2 2 0 2 2 1,00
2012 0 0 0 - - - 2 3 0 2 3 1,50
2013 0 0 0 0 0 0 2 2 0 2 2 1,00
2014 - - - 2 1 0 2 3 0 4 4 1,00
2015 - - - 1 1 0 5 5 0 6 6 1,00
2016 - - - - - - 10 21 0 10 21 2,10
2017 6 3 0 2 0 0 6 4 0 14 7 0,50
2018 - - - 5 2 0 3 2 0 8 4 0,50
2019 6 3 0 7 5 0 5 2 0 18 10 0,56
2020 0 0 0 - - - 1 3 0 1 3 3,00
Total carrera 12 6 0 17 9 0 38 39 0 67 62 0,93
(4) Sailkapen faseko partidak barne. Salbuetsitako eta UEFA garapen torneo daturik ez dago
Iturria: Neerlandesako Futbol Selekzioa.

Munduko partaidetzak[aldatu | aldatu iturburu kodea]

Lehiaketa Maila Herrialdea Emaitza Partidak Golak
2015eko Munduko Kopa Aelekzio Absolutua Kanada Kanada Final-zortzirenak 1 -1
2019ko Munduko Kopa Selekzioa Absolutua Frantzia Frantzia Txapeldunordeak 7 -5
Guztira – 8 -6

Eurokopetako partaidetzak[aldatu | aldatu iturburu kodea]

Lehiaketa Kategoria Herrialdea Emaitza Partidak Golak
Emakumeen Eurokopa 2013 Selekzio Absolutua Suedia Suedia Taldeen fasea 0 0
Emakumeen Eurokopa 2017 Selekzio Absolutua Herbehereak Herbehereak Txapeldunak 6 -3
Guztira – 6 -3

Tituluak[aldatu | aldatu iturburu kodea]

Txapelketa nazionalak[aldatu | aldatu iturburu kodea]

Titulua Taldea Herrialdea Denboraldia
KNVB kopa FC Utrecht Herbehereak Herbehereak 2009-2010
Eredivisie FC Twente Herbehereak Herbehereak 2010-2011
BeNe Liga FC Twente Herbehereak Herbehereak
Belgika Belgika 		2012-2013
BeNe Liga FC Twente Herbehereak Herbehereak
Belgika Belgika 		2013-2014
KNVB kopa FC Twente Herbehereak Herbehereak 2014-2015
FA WSL Cup Arsenal Ingalaterra Ingalaterra 2014-2015
FA Women's Cup Arsenal Ingalaterra Ingalaterra 2015-1206
FA WSL Cup Arsenal Ingalaterra Ingalaterra 2017-2018
FA Women's Super League Arsenal Ingalaterra Ingalaterra 2018-2019

Nazioarteko txapelketak[aldatu | aldatu iturburu kodea]

Titulua Taldea Herrialdea Urtea
Eurokopa Herbehereetako selekzioa Herbehereak Herbehereak 2017
Algarve Kopa Herbehereetako selekzioa Portugal  Portugal 2018

Banakako goraipamenak[aldatu | aldatu iturburu kodea]

Bereizketa Urtea
Herbehereak-Danimarka partidako jokalari onena Eurokopako multzoen fasean 2017
Eurokopako Hamaika Ideala 2017
Orange-Nassauko Ordenako Zalduna 2017
Munduko Kopako Urrezko Eskularrua 2019
FIFA The Best - Atezain onena 2019
FIFPro World11 Emakumeak 2019
Urrezko Baloirako izendatua 2019
IFFHSren arabera atezain onena 2019
The Guardian-en arabera munduko 20. jokalari onena 2019

Erreferentziak[aldatu | aldatu iturburu kodea]

  1. ↑ Raquel Calderón. (2 de agosto de 2022). «Sari van Veenendaal dice adiós al fútbol» marca.com.
  2. ↑ «Veenendaal: Goalkeeping award a very important step» FIFA 20 de septiembre de 2019.
  3. ↑ «FC Utrecht - Eredivisie Vrouwenvoetbal» eredivisievrouwenvoetbal.nl.
  4. ↑ «Eredivisie Vrouwen» knvb.nl.
  5. ↑ «SARI VAN VEENENDAAL» beneleague.com.
  6. ↑ a b c d e «HISTORIE FC TWENTE VROUWEN» F.C. Twente.
  7. ↑ «FC Twente vrouwen verliezen Supercup duel» twentesport.com 31 de agosto de 2011.
  8. ↑ «UEFA Women's Champions League 2012 - Twente-Rossiyanka» UEFA 28 de septiembre de 2011.
  9. ↑ «Best of Belgian and Dutch unite in BeNe League» UEFA 22 de enero de 2013.
  10. ↑ «Overzicht - BeNe League - Europa - Resultaten, programma's, standen en nieuws - Women Soccerway» Soccerway.
  11. ↑ «FC Twente kampioen BeNe League» NOS.nl 25 de mayo de 2013.
  12. ↑ «Twente beat Standard to win first BeNe League» uefa.com 27 de mayo de 2013.
  13. ↑ «Overzicht - BeNe League - Europa - Resultaten, programma's, standen en nieuws - Women Soccerway» Soccerway.
  14. ↑ «Twente-vrouwen sluiten hoofdstuk af met bekerwinst» fcupdate.nl 13 de mayo de 2015.
  15. ↑ Arsenal Ladies sign Dominique Janssen and Sari Van Veenendaal. 10 de julio de 2015.
  16. ↑ Lavery, Glenn. (1 de noviembre de 2018). «TWO-GOAL NOBBS HELPS ARSENAL WIN THE CONTINENTAL TYRES CUP» Football Association.
  17. ↑ a b c d e «League Tables» Football Association.
  18. ↑ Phillips, Owen. (14 de mayo de 2016). Women's FA Cup final: Arsenal Ladies 1-0 Chelsea Ladies. .
  19. ↑ Women's Super League to switch to winter season in 2017. BBC 12 de julio de 2016.
  20. ↑ Garry, Tom. (14 de marzo de 2018). Continental Tyres Cup Final: Arsenal Women 1-0 Manchester City Women. .
  21. ↑ Frith, Will. (16 de abril de 2018). «#FAWSL 1 Player of the Month for March: Ellen White» She Kicks.
  22. ↑ Garry, Tom. (5 de mayo de 2018). Women's FA Cup final 2018: Arsenal Women 1-3 Chelsea Ladies. BBC.
  23. ↑ Pauline Peyraud-Magnin: Arsenal Women sign goalkeeper from Lyon. BBC 12 de julio de 2018.
  24. ↑ «Team news: An update on Peyraud-Magnin» Arsenal 5 de abril de 2019.
  25. ↑ Garry, Tom. (23 de febrero de 2019). Women's Continental League Cup final: Arsenal 0-0 Manchester City (2-4 pens). BBC.
  26. ↑ «Sari van Veenendaal, refuerzo de lujo para la portería rojiblanca» Atlético de Madrid 20 de julio de 2019.
  27. ↑ «Spartak Subotica-Atlético Madrid - UEFA Women's Champions League» UEFA 12 de septiembre de 2019.
  28. ↑ «PREMIO THE BEST A LA GUARDAMETA DE LA FIFA» FIFA 23 de septiembre de 2019.
  29. ↑ «FIFA FIFPro World11 Femenino» FIFA 23 de septiembre de 2019.
  30. ↑ Calonge, Lorenzo. (26 de septiembre de 2019). Un Atlético destemplado pasa a octavos de la Champions. Grupo Prisa.
  31. ↑ «Les dix leçons à retenir de la liste des 30 du Ballon d'Or France Football 2019» France Football 22 de octubre de 2019.
  32. ↑ Menayo, David. (28 de noviembre de 2019). La atlética Sari Van Veenendaal, elegida mejor portera del 2019 por la IFFHS. Unidad Editorial.
  33. ↑ Laverty, Rich. (6 de diciembre de 2019). The 100 best female footballers in the world 2019. .
  34. ↑ «Van Veenendaal elige al PSV.» PSV Eindhoven 14 de mayo de 2020.
  35. ↑ «Sari van Veenendaal» Vrouwenvoetbal Nederland 7 de julio de 2013.
  36. ↑ «Profile» onsoranje.nl.
  37. ↑ «Trio miss cut in Netherlands squad» UEFA.
  38. ↑ «Copa Mundial Femenina de la FIFA Canadá 2015™ - Partidos - RP China-Países Bajos» FIFA 12 de junio de 2015.
  39. ↑ «Eurocopa femenina 2017 - Historia - Holanda-Noruega» UEFA 16 de julio de 2017.
  40. ↑ «Eurocopa femenina 2017 - Historia - Holanda-Dinamarca» UEFA 20 de julio de 2017.
  41. ↑ «Todas las jugadoras del partido del Europeo femenino» UEFA 6 de agosto de 2017.
  42. ↑ «Eurocopa femenina 2017 - Historia - Bélgica-Holanda» UEFA 24 de julio de 2017.
  43. ↑ «Eurocopa femenina 2017 - Historia - Holanda-Suecia» UEFA 29 de julio de 2017.
  44. ↑ Díaz, Juan. (3 de agosto de 2017). «Holanda tumba a Inglaterra y está en la final» UEFA.
  45. ↑ Huerta, Daniel. (6 de agosto de 2017). «Holanda alcanza la gloria tras una gran final» UEFA.
  46. ↑ «Wiegman kiest Oranjeselectie voor WEURO 2017» onsoranje.nl 14 de junio de 2017.
  47. ↑ «Official UEFA Women's EURO 2017 Best Eleven» UEFA 7 de agosto de 2017.
  48. ↑ «El Mejor Once oficial de la EURO femenina» UEFA 7 de agosto de 2017.
  49. ↑ «Women's World Cup - Sari van Veenendaal» UEFA.
  50. ↑ «Finale Algarve Cup tussen Oranje en Zweden afgelast wegens regenval» nu.nl 7 de marzo de 2018.
  51. ↑ «Copa Mundial Femenina de la FIFA Francia 2019™ - Partidos - Nueva Zelanda - Países Bajos» FIFA 11 de junio de 2019.
  52. ↑ «Copa Mundial Femenina de la FIFA Francia 2019™ - Partidos - Países Bajos - Camerún» FIFA 15 de junio de 2019.
  53. ↑ «Copa Mundial Femenina de la FIFA Francia 2019™ - Partidos - Países Bajos - Canadá» FIFA 20 de junio de 2019.
  54. ↑ «Copa Mundial Femenina de la FIFA Francia 2019™ - Partidos - Países Bajos - Japón» FIFA 25 de junio de 2019.
  55. ↑ «Copa Mundial Femenina de la FIFA Francia 2019™ - Partidos - Italia - Países Bajos» FIFA 29 de junio de 2019.
  56. ↑ «Copa Mundial Femenina de la FIFA Francia 2019™ - Partidos - Países Bajos - Suecia» FIFA 3 de julio de 2019.
  57. ↑ Cohen, Emma. (3 de julio de 2019). «Estados Unidos-Países Bajos: virtudes y puntos débiles» FIFA.
  58. ↑ «Naeher y Van Veenendaal, duelo bajo palos» FIFA 5 de julio de 2019.
  59. ↑ «Copa Mundial Femenina de la FIFA Francia 2019™ - Partidos - Estados Unidos - Países Bajos» FIFA 7 de julio de 2019.
  60. ↑ «Copa Mundial Femenina de la FIFA 2019™ - Premios - Guante de Oro adidas» FIFA.
  61. ↑ «Informe técnico de la Copa Mundial Femenina de la FIFA Francia 2019™» FIFA.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Sari_Van_Veenendaal&oldid=9663464"(e)tik eskuratuta