Uigur

Uigur; ئۇيغۇر
	; Uigur jendea, Khotan hiriko (Xinjiang) igandeko azokan.
Biztanleak guztira
	11,37 milioi
Biztanleria nabarmena duten eskualdeak
	Txinako Xinjiang eskualdea; Kazakhstan; Kirgizistan; Uzbekistan; Turkia ; Errusia; Tajikistan; Pakistan
Hizkuntza
	Uigurrera
Erlijioa
	Musulman sunia; Musulman sufia
Zerikusia duten beste giza taldeak
	Herri turkikoak

Uigur^[2] (uigurrera: ئۇيغۇر, txinera tradizionalez: 維吾爾; txinera sinplifikatuz: 维吾尔; pinyinez: Wéiwú'ěr) Ekialdeko Asian eta Erdialdeko Asian bizi den talde etniko turkikoa da. Gaur egun uigurrak Txinako Herri Errepublikaren mende dagoen Xinjiang edo Ekialdeko Turkestan eskualde autonomoan bizi dira gehien bat. Uigurren komunitateak daude, baita ere, Erdialdeko Asiako herrialde askotan, batez ere Kazakhstanen, Kirgizistanen eta Uzbekistanen.

Talde txikiagoak daude Mongolian, Pakistanen, Afganistanen, Errusian eta Txinako Hunan probintziako Taoyuang konderrian, Txinaren hego-erdialdean^[3]. Bestalde, Txinako hiri handienetan uigurren auzoak daude^[4].

Txinako gobernuak uigurren kontrako eskala handiko errepresio neurri gogorrei ekin zien 2014an, Xi-Jinping txinatar presidentearen urte horretako bisitaren kontrako protesten ondoren. Mendebaldeko hainbat herrialdek eta hedabidek berretsi dute Txinako agintariak uigurren genozidio bat eramaten ari direla aurrera, metodo hauexen bitartez: atxiloketa masiboak, han etniako txinatar funtzionarioen immigrazioa, berreziketa programak, erabateko kontrol teknologikoa eta emakumeen antzutze behartua.^[5]^[6]