Ulysse 31

Wikipedia, Entziklopedia askea
Jump to navigation Jump to search
Ulysse 31
Formatua Marrazki bizidunak
Iraupena 24-25 minutu
Egilea Jean Chalopin
Nina Wolmark
Protagonistak
Herria  Frantzia
 Japonia
TB katea France 3
Emisioa 1981eko urriaren 10a
1982ko apirilaren 3a
Atalak 26 atal

Ulysse 31 (euskaraz Ulises 31, japonieraz 宇宙伝説ユリシーズ31 Uchū Densetsu Yurishīzu Sātīwan, literalki Ulises 31 Espazio Kondaira) frantziar-japoniar marrazki bizidun telesail bat da. Homeroren Odisea idazlana eta Ulises greziar heroi klasikoaren istorioan oinarritua dago, baina etorkizunean eta espazioan girotua. Jean Chalopin eta Nina Wolmarkek sortu zuten.

1980ko hamarkadaren hasieran herrialde askotako haurren artean sekulako arrakasta izan zuen marrazki bizidun telesaila izan zen, tartean Euskal Herrian.

Argumentua[aldatu | aldatu iturburu kodea]

K.o. XXXI. mendea. Ulises, Odiseus espaziontziaren agindupean, Ziklope erraldoia hil eta bere seme Telemako barne dagoen haur preso talde bat erreskatatu du, honek berarekiko jainkoen berebiziko haserrea piztuko du. Poseidon jainkoak Zeusi laguntza eskatu eta Ulises Olinpoko unibertsoan barna bere eskifaia izoztuarekin batera noraezean ibiltzera zigortua izango da, hauek Hades jainkoaren erresuma topatu arte, orduan Lurrera itzultzeko baimena izango dutelarik. Bitartean, espazio bidaian greziar mitologiako jainko eta izaki ugarirekin topo egingo dute, betiere etorkizunera egokituak daudela.

Pertsonaiak[aldatu | aldatu iturburu kodea]

  • Ulises (ユリシーズ Yurishīzu) - Pertsonaia nagusia eta Odiseus espaziontziaren kapitaina.
  • Telemako (テレマーク Teremāku) - Ulisesen semea eta espazio bidaiaren zatirik handienean espaziontziko bigarrena agintean. Thais/Thémis/Yumiren lagun eta babeslea.
  • Thais/Thémis/Yumi (ユミ Yumi) - Izatez Zotra planeta zurikoa, neska agitz ederra. Bere azala urdina da, ezti koloreko begiak eta botere telepatikoak ditu. Bere anai Numaios espaziontziko gainontzeko eskifaiarekin batera hibernazio egoeran dago.
  • Nono (ノノ Nono) - Telemakoren robota eta laguna.
  • Shirka (シルカ Shiruka) - Odiseus espaziontziko ordenagailu nagusia.
  • Zeus (ゼウス Zeusu) - Jainkoen jainkoa.
  • Poseidon (ポセイドン Poseidon) - Itsasoetako jainkoa.
  • Hades (アデス Adesu) - Hildakoen erresuma edo beste munduko jainkoa. Ulisesek Lurrera itzuli nahi baldin badu derrigorrez topatu beharreko erresuma.

Kanpo loturak[aldatu | aldatu iturburu kodea]