Washington Irving

Wikipedia(e)tik
Hona jo: nabigazioa, Bilatu
Washington Irving

Washington Irving (New York, 1783ko apirilaren 3– Tarrytown, New York, 1859ko azaroaren 28) idazle estatubatuarra izan zen. Istorio laburren egilea izan zen batik bat. Bere lanik ezagunenen artean The Legend of Sleepy Hollow eta Tales of the Alhambra daude. Geoffrey Crayon, Diedrich Knickerbocker eta Jonathan Oldstyle ezizenak ere erabili izan zituen.

Biografia[aldatu | aldatu iturburu kodea]

Lege ikasketak hasi bazituen ere, ez zituen bukatu eta bidaiak egiten eta, aldi berean, idazten hasi zen. Hasierako lanetan New Yorkeko gizartearen satira egin zuen. Ordukoak dira: Salmagundi: or the whim-whams and opinions of Lancelot Langstaff (1807-1808, "Salmagundi: edo Lancelot Langstaff-en iritzi eta ateraldiak") eta History of New York (1809, "New York-eko historia").

1818an Amerika utzi eta Ingalaterrara joan zen, eta hamazazpi urtez han bizi izan zen. Ingalaterran zelarik idatzi zuen The sketch-book (1819-1820, "Zirriborroen liburua"), Europako elezahar askoren bertsioa ematen duena. Europan barrena egindako bidaietatik sortu zitzaion The Alhambra (1832, "Alhambra") izeneko ipuin bilduma, Irvingen ezagunena dudarik gabe.

Atzera Estatu Batuetara itzulita, Sunnysiden (Tarrytown, New Yorketik gertu), hartu zuen bizilekua, eta han eman zituen bere bizitzako azken urteak. Hil aurretxoan bukatu zuen Life of Washington obra. Irvingen lanetan ezaugarri erromantikoak antzematen dira: historiaren eta gauza exotikoen ardura, eta herri ohiturekiko interesa. Zubi lana egin zuen Europako kulturaren eta Estatu Batuetako kultura hasi berriaren artean.

Bibliografia hautatua[aldatu | aldatu iturburu kodea]

  • Bracebridge Hall
  • The Devil and Tom Walker
  • The Sketch Book of Geoffrey Crayon
  • The Legend of Sleepy Hollow
  • Rip Van Winkle
  • Tales of a Traveler
  • A History of New York
  • Letters of Jonathan Oldstyle
  • The Life of Washington Irving
  • Tales of the Alhambra

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Washington Irving Aldatu lotura Wikidatan

Erreferentziak[aldatu | aldatu iturburu kodea]