2010eko Shanghaiko nazioarteko erakusketa

Wikipedia(e)tik
Hona jo: nabigazioa, Bilatu
Erakusketaren maskota.

2010eko Shanghaiko nazioarteko erakusketa (txineraz: 2010上海世界博览会), Txinako Herri Errepublikako Shanghai hirian 2010eko maiatzaren 1etik urriaren 31ra bitartean antolatuko den nazioarteko erakusketa izango da.

2010eko erakusketaren lema "Hiri hobea, bizitza hobea" izango da eta Shanghairen hazkunde eta garapen handiaren ikur bihurtu nahi du. Munduan antolatutako nazioarteko erakusketa guztietan bisitari gehien erakarriko dituen erakusketa izatea espero da, 70 milioi pertsona.

Aukeraketa[aldatu | aldatu iturburu kodea]

2002ko abenduaren 3an, Nazioarteko Erakusketen Bulegoaren 132. bilerak Monakoko Printzearen jauregian egindako bileran, lau bozketa egin ziren. Bozketan erakusketa antolatzeko aurkeztutako bost hiriek hartu zuten parte eta bozketen emaitzak honakoak izan ziren:

Nazioarteko erakusketaren aukeratze bozketa
Hiria Herrialdea 1. bozketa 2. bozketa 3. bozketa 4. bozketa
Shanghai  Txina 36 38 44 54
Yeosu  Hego Korea 28 34 32 34
Mosku  Errusia 12 10 12
Querétaro  Mexiko 6 6
Wrocław  Polonia 6

Pabilioiak[aldatu | aldatu iturburu kodea]

Erakusketa gunearen maketa.

Orain arte 192 herrialde eta nazioarteko 50 erakundek baieztatu dute erakusketan parte hartuko dutela. Herrialde bakoitzak pabilioi bat eraikitzeko eskubidea dauka, edo beste herrialde batzuekin batzea, Afrikako hainbat herrik egingo duten moduan.

Herrialdeetako pabilioiak[aldatu | aldatu iturburu kodea]

Bilbo Shanghaiko erakusketan[aldatu | aldatu iturburu kodea]

Sakontzeko, irakurri: Bilboren berritzea

Erakusketan munduko 113 hirietako hirigintza hobekuntzak erakusten ari dira, horien artean Bilboren eraberritzea aukeratu zen. "Bilbao Guggenheim ++" izenarekin, Bilbok 1990eko hamarkadan hasitako eraberritzea erakutsiko du Shanghaiko erakusketan. Bilboko stand-ean hiriaren maketa eta Jesus María Lazkano euskal margolariaren Bilbo MMX margolana erakusten dira.

Bilboren erakustokia 2010eko maiatzaren 1ean zabaldu zuen Iñaki Azkuna Bilboko alkateak[1].

Abuztuaren 22an Bilboren eguna ospatu zen eta arratsaldeko 18:30etan Fito & Fitipaldis taldearen kontzertua hasi zen.

Sakontzeko[aldatu | aldatu iturburu kodea]

Txartelak eta prezioak[aldatu | aldatu iturburu kodea]

Erakusketara gunera sartzeko txartelen prezioak honakoak dira:

  • Egun normala: 160 yuan (17,7 euro inguru).
  • Egun berezia: 200 yuan (22 euro).
  • Arratsalde bat: 90 yuan (10 euro).
  • Hiru egun normal: 400 yuan (44,4 euro).
  • Zazpi egun normal: 900 yuan (100 euro).

Azpiegiturak[aldatu | aldatu iturburu kodea]

Sakontzeko, irakurri: Shanghaiko metroaren luzapenaren kronologia

2009an ondorengo metro tarteak zabaldu ziren:

  • 7. linea: Qihua Kalea - Huamu kalea tartea (35 kilometro eta 28 geltoki).
  • 9. linea: Yishan kalea - Yanggao kalea tartea (14,5 kilometro eta 10 geltoki).
  • 11. linea:
    • Jiading iparraldea - Jiangsu kalea tartea (33 kilometro eta 17 geltoki).
    • Jiading Hiri Berria - Anting tartea (13 kilometro eta 4 geltoki).

2010ean[aldatu | aldatu iturburu kodea]

2010ean 80 kilometro baino gehaigo zabaldu ziren, tartean erakusketa gunera zuzenean ailegatzen den Shanghaiko metroaren 13. linea:

  • 2. linea:
    • Mendebalderako luzapena, Songhong kaletik - Xujingera (8 kilometro eta 3 geltoki).
    • Ekialderako luzapena, Longyang kalea - Shanghai Pudong Nazioarteko Aireportua tartean (30,6 kilometro eta 12 geltoki).
  • 7. linea: Qihua kalea - Meilanhu tartea (10 kilometro eta 5 geltoki).
  • 10. linea:
    • Jiangwan Hiri Berria - Hongqiao Tren geltokia tartea (36 kilometro eta 28 geltoki).
    • Longxi kalea - Hanghua Xincun tartea.
  • 13. linea: Lupu zubia - Changqing kalea tartea (4 kilometro eta 3 geltoki).

Erreferentziak[aldatu | aldatu iturburu kodea]

  1. http://www.eitb.com/albisteak/mundua/osoa/409800/bilboko-gunea-zabaldu-dute-shanghaiko-erakusketan/ Eitb.com webguneko albistea.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: 2010eko Shanghaiko nazioarteko erakusketa Aldatu lotura Wikidatan


Aurrekoa
Zaragoza 2008
Nazioarteko Erakusketa
2010
Ondorengoa
Yeosu 2012

Koordenatuak: 31°11′39″N 121°29′11″E / 31.194118°N 121.486387°E / 31.194118; 121.486387