Charles Vidor

Wikipedia(e)tik
Hona jo: nabigazioa, Bilatu

Charles Vidor (Jaiotza-izena: Vidor Károly; Budapest, 1900 - Viena, 1959) Estatu Batuetako zinemagilea izan zen, jatorriz hungariarra. Familia judu bateko semea zen, eta Hungariako armadan ibili zen Lehen Mundu Gerran. Alemaniako UFA (Universum Film AG) produkzio-etxean lan egin zuen, eta 1924an Estatu Batuetara joan zen. The Mask of Fu Manchu (1932) izan zuen lehen film luzea. Columbia produkzio-etxerako lan egin zuen, eta, besteak beste, Chopin, George Sand, Hans Christian Andersen eta Franz Liszten biografiak filmatu zituen. Gilda (1946) du filmik bikainena eta ezagunena. Beste film aipagarri batzuk: Blind Alley (1939); Cover Girl (1944); A Song to Remember (1945); The Loves of Carmen (1948); Love Me or Leave Me (1955); A Farewell to Arms (1957, Adio armei).

Vienan hil zen, bihotzeko atake baten ondorioz, 58 urte zituela. Song Without End filma zuzentzen ari zen, hil zenean, eta George Cukorrek ordeztu zuen zuzendari-lanetan.

Kanpo loturak[aldatu | aldatu iturburu kodea]

Erreferentziak[aldatu | aldatu iturburu kodea]