Elba ibaia
- Artikulu hau ibaiari buruzkoa da; uhartea gaitzat duena beste hau da: Elba uhartea
|
||||||
|---|---|---|---|---|---|---|
|
||||||
| Kokapena | Txekia, Alemania | |||||
| Luzera | 1.091 km | |||||
| Arroa | 1.408.268 km² | |||||
| Emaria | ahoan: 711 m³/s | |||||
| Iturburua | Krkonoše, Txekia | |||||
| Ibai ahoa | Ipar Itsasoa | |||||
 |
||||||
Elbe (txekieraz: Labe; alemanez: Die Elbe; behe-alemanieraz: De Ilv) Erdialdeko Europako ibairik handienetakoa da. Txekian jaioa, Alemania zeharkatzen du, ura Ipar itsasora eramateko.
Eduki-taula |
[aldatu] Ibilgua
Bohemian jaio eta, 1.091 kilometro egin ondoren, Ipar itsasoan isurtzen du ura.
Jaio ondoren, hegora jotzen du. Bohemiako mendiak igaro eta Alemanian barneratu ondoren, Dresden, Magdeburgo, Wittenberg eta Hanburgo hirietatik igarotzen da.
Hanburgon hasten den eta 104 km luze eta 6,5-16 km zabal den delta handi batean zabaltzen da. Cuxhaven hiritik hurbil itsasoratzen da.
[aldatu] Ibai-adarrak
Eskuinaldetik, Elster Beltza eta Havel ibaien ura jasotzen du; Mulde eta Saale ibaienak ezkerraldetik.
[aldatu] Nabigagarritasuna
Elba ibaiaren 846 km-an ibil daitezke neurri handiko ontziak eta, horregatik, Europako erdialdeko ibaibide luzeenetakoa da. Ubide ugariek lotzen dute Elba beste ibaiekin eta itsasoarekin.
[aldatu] Historia
VIII. mendeaz geroztik, Elba-Saale ibaiek egiten zuten Karlomagnoren lurren ekialdeko muga. Elba ibaiak zerikusi handia izan du betidanik Europako ekonomian, ubidea izaki.
Versaillesko itunak (1919) hainbat naziotako ontziak bertan ibiltzeko eskubidea eman zuen, eta irekita jarraitu zuen 1936ra arte. Bigarren Mundu Gerran, Errusiako eta Estatu Batuetako osteak Torgaun elkartu ziren, Elba ibaiaren ertzean (1945eko apirila).
[aldatu] Irudigaleria
-
Elba ibaia Alemaniako Königstein gotorlekutik gertu.
-
Elba ibaia Dresden hirian.
-
Elba ibaia Hanburgon.
-
Elba ibaiaren bokalea eta Trischen uhartea.
,_Elbe,_Trischen.jpg)
[aldatu] Ikus, gainera
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
