Eusebio Maria Azkue
| Datu pertsonalak | ||
|---|---|---|
| Izen osoa | Eusebio Maria de los Dolores Azkue Barrundia | |
| Jaio | 1813ko apirilaren 13a | |
| Lekeitio (Bizkaia) | ||
| Hil | 1873ko azaroaren 11 | |
| Lekeitio (Bizkaia) | ||
Eusebio Maria de los Dolores Azkue Barrundia (Lekeitio, Bizkaia, 1813ko apirilaren 13a - Lekeitio, Bizkaia, 1873ko azaroaren 11) euskal idazlea izan zen. Resurrección María Azkueren aita izan zen.
Eduki-taula |
[aldatu] Biografia
Bilboko frantziskotarretan egin zituen lehen ikasketak.
Karlisten alde borrokatu zen lehen karlistaldian. Gerra amaituta, Marotoren hitzarmena ez baitzuen aintzat hartu, Ferrolera joan zen nautika ikasketak egitera. Pilotu gisa zenbait urtez itsasoan ibili eta gero, nautika irakasle aritu zen Bermeon, Mundakan eta azkenik Lekeition.
Matematikazale eta olerkaria zen, “poeta depurado, sin dejar de ser popular” (Villasante 1979, 272. or.).
Mundakan idatzi zituen poesia gehienak, 1860. urte inguruan.
Eusebioren poesiak Resurrección María semeak argitaratu zituen aita hil ondoren, Parnasorako bidea (1896) izenburupean. Mota guztietako olerkiak ditu: onerazpenekoak (deboziozkoak), ipuinak, iolasgarriak, kondairazkoak, irrigarriak, ziri-bertsoak (epigramak), pozgarriak eta benetakoak, semearen sailkapenaren arabera. Bertatik ezagutzen zuen euskaldunen bizitzaren alderdi desberdinak deskribatu ditu modu koloretsuz, epigrametan eta satiretan halako malizia kutsu bat erakusten duelarik.
[aldatu] Lanak
[aldatu] Poesia
- Parnasorako bidea (1979, Hordago)
[aldatu] Bertsoa
- Euskarazko vertsoak (1991, Labayru)
[aldatu] Eusebio Maria Azkueri buruzko lanak
- Eusebio Erkiaga, "Bizkaiko olerkari bat: Eusebio Maria Dolores Azkue Barrundia" Olerti, I, 67-79. (1961)
- Eusebio Erkiaga, "Eusebio Maria D. Azkue gizon eta idazle" E, (1973)
[aldatu] Kanpo loturak
- (Euskaraz) Eusebio Maria Azkue literaturaren zubitegian
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
