Ignacio Comonfort
Wikipedia(e)tik
Ignacio Comonfort (Puebla, 1812 - Guanajuato, 1863) Mexikoko jeneral eta politikaria izan zen. Santa Annaren diktaduraren aurka jarri ondoren, Errepublikako behin-behineko lehendakari hautatu zuten 1855ean. Apaizei, militarrei eta kontserbadoreei egin behar izan zien aurre. 1857an, estatu-kolpea eman zuen, baina Juarezek menderatu zuen 1858an. Estatu Batuetara egin zuen ihes. Mexikora itzuli zenean, Maximiliano enperadorearen aldekoek hil zuten Guanajuaton.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
