Jafet

Sem, Cam eta Jafet

Jafet (hebreeraz יפת, Yapheth, grezieraz Ἰάφεθ, turkieraz Yafes, Iapheth, Latinez Iafeth edo Iapetus, Arabieraz يافث) Noeren hirugarren semea izan zen, Sem eta Camen anaia. Genesi liburuaren arabera, zintzo jokatu zen aitarekin, eta bedeinkapena jaso zuen harengandik. Seme-alaba ugari izan zituen eta lurralde askotara zabaldu zen haren arraza. Genesian agertzen den zerrenda etnikoari jarraiki, Europako herrien eta arrazen aita da Jafet.