Konstantzako aintzira

Konstantzako aintzira Bodensee (de)
Satelitezko fotografia
Kokalekua	Alemania Suitza Austria 47°39′N 9°19′E
Garaiera	395 m
Eremua	571 km²
Zabalera	14 km
Luzera	63 km
Bataz besteko sakonera	14 m
Gehienezko sakonera	254 m
Betebidea	Rhin
Hustubidea	Rhin
Uharteak	Mainau, Reichenau eta Lindau uharteak
Hiriak	Uberlingen eta Friedrichshafen (D), Konstanz, Kreuzlingen, Romanshorn eta Rorschach (CH)

Konstantzako aintzira (alemanez: Bodensee) Erdialdeko Europan dagoen aintzira da, Baden-Württemberg estatuan (Alemania), Turgovia, Schaffhausen eta Sankt Gallen kantonamenduetan (Suitza) eta Vorarlberg estatuan (Austria) hedatutakoa. Suabiako itsasoa ezizenaz ezagutzen da.

Geografia eta klima

Konstantza aintzirak 571 km²-ko azalera du. Rhin ibaiak mendebaldetik datorrela aintziran sartu aurretik aintzira txikiago bat eratzen du, Untersee edo Zellersee izena duena, ertzean Radolfzell am Bodensee eta uhartean Reichenau hiri alemaniarrak dira handienak.

Uda epel eta hezea du, tenperatua 20 eta 23 Â°C artean egonkor mantentzen delarik. Udaberrian eta udazkenean Föhn haize bero eta lehorrak jotzen duenean ikuspegi ederrak agertzen dira, baina neguan behelainoa ohikoa da.

Demografia

Suabian kokaturiko aintzira honen inguruan bi milioi eta erdi pertsona bizi dira, geheinak aleman hizlariak dira. mendebaldeko ertzean izen bereko Konstantza hiria (84.000 biztanle), ekialdean aldiz Lindau (35.000). Ondoko hauek dira Konstantza aintziraren inguruko herri nagusiak:

Alemanian (mendebaldetik ekialdera):

• Baden-Württemberg estatuan:
  • Konstantza
  • Überlingen
  • Meersburg
  • Friedrichshafen
• Bavaria estatuan:
  • Lindau

Austrian:

• Vorarlberg estatuan:
  • Bregenz

Suitzan (mendebaldetik ekialdera):

• Turgovia kantonamenduan:
  • Kreuzlingen
  • Münsterlingen
  • Romanshorn
  • Arbon
• Sankt Gallen kantonamenduan:
  • Steinach
  • Rorschach