Lehenengo Intifada

Wikipedia(e)tik
Hona jo: nabigazioa, Bilatu
Lehenengo Intifada
Israel-Palestina Gatazka
Jabalya1988roadblock.jpg
Israelgo armadaren checkpoint bat, Jabalia 1988an
Data 1987ko abenduaren 8a1993ko irailaren 13a
Lekua Israel eta Palestinako Lurraldeak
Emaitza Madrilgo Bake Biltzarra eta Osloko hitzarmenak
Gudulariak
 Israel  Palestina
Buruzagiak
Yitzhak Shamir Marwan Barghouti eta besteak
Galerak
160 israeldar 2.162 palestinar

Lehenengo Intifada edo Lehenengo Palestinar Intifada palestinarrek israeldar agintearen aurka 1987tik 1993ra bitartean egindako matxinada izan zen. Jabaliako errefuxiatu gunean hasi eta Gaza, Zisjordania eta Ekialdeko Jerusalemen zehar arin zabaldu zen. Lehendabiziko aldia izan zen okupatutako lurraldeetako jendeak nazio moduan jokatu zuela.

Palestinarren ekintzak hasieran desobedientzia zibil baketsua eta erresistentzia mugimendua barne hartzen zituen. Greba orokorrak, israeldar produktuei boikotak, zergak ordaintzeko ukoak, graffitiak eta barrikadak egon ziren, baina hainbatentzat manifestazioetan gertatutako istiluak izan dira sinbolikoenak, non gazteek soldaduei harriak botatzen baitzizkieten.

Palestinarren arteko indarkeria ere beste ezaugarri nagusi bat izan zen. Israelen aldeko ustezko kolaboratzaileak exekutatzea ohikoa izan zen; izan ere, Israelgo armadak 1.100 palestinar eta hauek 164 israeldar hil zituztela kalkulatzen duten bitartean, palestinarrek 1.000 herrikide inguru akabatu zituzten ustezko kolaborazioak zirela-eta. Hala ere, erdiak baino gutxiagok izan zituzten probatutako harremanak etsaiekin.

Yitzhak Shamir eta Jassir Arafat alde bietako agintari nagusiak izan ziren garai hartan, hurrenez hurren Israel eta Palestinakoak. Azkenean, Osloko hitzarmenarekin amaiera eman zioten lehenengo matxinada honi.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Lehenengo Intifada Aldatu lotura Wikidatan