Manuel Mari Apalategi
| Datu pertsonalak | ||
|---|---|---|
| Izen osoa | Manuel Mari Apalategi | |
| Ezizena | Ataungo Bonifazio Aita | |
| Jaio | 1901eko ekainaren 13a | |
| Ataun (Gipuzkoa) | ||
| Hil | 1984ko abuztuaren 17a | |
| Donostia (Gipuzkoa) | ||
Manuel Mari Apalategi (Ataun, Gipuzkoa, 1901eko ekainaren 13a - Donostia, Gipuzkoa, 1984ko abuztuaren 17a) apaiz eta euskal idazlea izan zen, idazterakoan Gudariarteko eta Imanol Sabiaga ezizenak ere hartu izan zituena. Apaiztu ondoren Ataungo Bonipagi Aba ezizena ere hartu zuen.
"Boletin Americano de Estudios Vascos" aldizkari argentinarraren zuzendaria izateaz gain beste argitalpen askotan idatzi izan zuen: "Zeruko Argia", "Euskal-Esnalea", "Yakintza", "Euzko Deya", "El Día eta Euzkadi" eta "Euzko Gogoa"n.
Eduki-taula |
Biografia [aldatu]
Erlijio ikasketak Altsasu, Hondarribia eta Iruñean egin zituen; gero kaputxino fraideetan apaiz ordenatu, eta P. Bonifacio de Ataun hartu zuen izena.
1919. urtetik aurrera hainbat agerkaritan esku hartu zuen, esan bezala: «Zeruko Argia», «Euskal Esnalea», «Yakintza», «Euzko Deya» eta «El Día» eta «Euzkadi» egunkarietan.
«Euzko Gogoa» aldizkarian olerkiak argitaratu zituen, eta «Boletín Americano de Estudios Vascos» delakoan euskal kulturari buruzko lanak.
Rabindranath Tagoreren Amal euskaratu eta argitara eman zuen 1933an.
Buenos Airesen Gure Aditza argitaratu zuen 1960an.
Lanak [aldatu]
Itzulpena [aldatu]
- Amal; Rabindranath Tagore (1934, Euskaltzaleak)
Kanpo loturak [aldatu]
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
