Mortadelo eta Filemon
Mortadelo eta Filemon (Mortadelo y Filemón jatorrizko gaztelaniazko bertsioan) gaztelaniazko komiki sorta arrakastatsua da, Francisco Ibáñez Talavera bartzelonarrak 1950eko hamarkadaren amaieran sortutakoa, Pulgarcito aldizkarian Mortadelo y Filemón, agencia de información izenarekin. Izan ere, Jose Escobar hirikidearen Zipi eta Zaperen aurretik, Espainian egindako komiki lanik itzuliena da. Pertsonaia nagusiak Mortadelo eta Filemón Pi lankideak dira: lehenengoak, mozorrotzeko gaitasun apartekoak, xelebrearena egiten du; bigarrenak, serioarena. Euskaraz 1960ko hamarkadan argitaratu ziren haien istorioak, Pan-pin aldizkarian eta Txorizo eta Txistorra izenekin.
Pertsonaiak
Bikoteaz gain, El Superintendente Vicente (edo El Súper, TIAko buruzagia), Profesor Bacterio (TIAko irakasle eroa), Ofelia (Superren idazkaria, Mortadeloz maitemindua), Irma (beste idazkaria, hala Mortadelo nola Filemon erakartzen dituena).
Beste hizkuntza batzuetan
- Clever & Smart alemanez, norvegieraz eta txekieraz.
- Mort & Phil ingelesez.
- Mortadel et Filémon edo Futt et Fil frantsesez.
- Mortadelo e Salaminho (Brasil) eta Mortadelo e Salamão (Portugal) portugesez.
- Mortadella e Filemone edo Mortadello e Polpetta italieraz.
- Paling & Ko nederlanderaz.
- Flink och Fummel suedieraz.
- Flip & Flop danieraz.
- Älli ja Tälli finlandieraz.
- Zriki Svargla & Sule Globus serbo-kroazieraz.
- Mortadelc pa File eslovenieraz.
- Dörtgöz ve Dazlak turkieraz.
- Αντιριξ και Συμφωνιξ (Antirix kai Symphonix) grekoz.
Zineman
Marrazki bizidunetakoez gain, aktore errealekin egindako bi film zinemaratu dituzte orain arte: La gran aventura de Mortadelo y Filemón (2003) eta Mortadelo y Filemón. Misión: Salvar la Tierra (2008).