Sena

Sena Seine (fr)
Sena Eiffel Dorretik ikusirik
Kokapena	Frantzia
Luzera	776 km
Arroa	78 650 km²
Emaria	500 m³/s
Iturburua	Urrezko Kosta (Borgoina)
Ibai ahoa	Mantxako kanala

Sena (frantsesez Seine) iparraldeko Frantziako ibaia da, herrialdeko garrantzitsuenetakoa, sal-erosketarako ubide historikoa baita. Paris hirian, batez ere, turismo erakarle ona ere bada.

Herrialdeko bigarren ibairik luzeena da Loiraren ostean.

Ibilbidea

Iturburua 446 metroko altueran dago, Source-Seine izeneko herri borgoinar txikian, Urrezko Kostako departamenduan. Hortik hego-ekialdetik ipar-mendebalderanzko norabidea hartzen du, eta haren ibilbidean Troyes (Aube), Melun (Sena-eta-Marne), Paris eta Rouen (Itsas Sena) udalerriak zeharkatzen ditu, besteak beste.

Itsasoratzea Le Havretik gertu egiten du, administratiboki Itsas Senako departamenduan eta geografikoki Mantxako kanalean.

Azkenik, aipatutakoez gain, sortaldetik sartaldera Essonne, Val-de-Marne, Senako Gainak, Sena-Saint-Denis, Val-d'Oise, Yvelines, Eure eta Calvados izeneko departamenduak ere zeharkatzen ditu.

Ibaiadarrak

• Aube (Es) - 248 km
• Yonne (Ez) - 293 km
• Loing (Ez) - 166 km
• Essonne (Ez) - 90 km
• Orge (Ez) - 50 km
• Marne (Es) - 525 km
• Oise (Es) - 302 km
• Epte (Es) - 100 km
• Andelle (Es) - 54 km
• Eure (Ez) - 225 km
• Risle (Ez) - 140 km. Senaren ibai-ahora eramaten du ura.

(Oharra: Es=Eskuina Ez=Ezkerra)

Uharteak

• Île de la Cité (Paris)
• Île Saint-Louis (Paris)

Ikus, gainera

• Frantziako geografia