Arthur C. Clarke

Arthur C. Clarke
(1965) Irudi gehiago
Bizitza
Jaiotzako izen-deiturak	Arthur Charles Clarke
Jaiotza	Minehead, 1917ko abenduaren 16a
Herrialdea	Erresuma Batua
Bizilekua	Sri Lanka
Heriotza	Kolonbo, 2008ko martxoaren 19a (90 urte)
Hobiratze lekua	Kanatte Cemetery (en)
Heriotza modua	: bihotz-gutxiegitasuna
Familia
Ezkontidea(k)	Marilyn Mayfield (en)  (1953 -  1964)
Hezkuntza
Heziketa	Londresko King's College Richard Huish College, Taunton (en)
Hizkuntzak	ingelesa
Jarduerak
Jarduerak	asmatzailea, gidoilaria, eleberrigilea, zientzia-fikzio idazlea, esploratzailea, idazlea, fisikaria eta saiakeragilea
Lan nabarmenak	ikusi Rendezvous with Rama The Fountains of Paradise 2001: A Space Odyssey 2010: Odyssey Two 2061: Odyssey Three (en) 3001: The Final Odyssey (en)
Jasotako sariak	ikusi Britainiar Inperioko Ordenaren komendadorea  (1989) Nebula Award for Best Novel  (1974) : Rendezvous with Rama Stuart Ballantine Medal  (1963) Kalinga Saria  (1961) Marconi Prize  (1982) Damon Knight Memorial Grand Master Award  (1986) Nebula Award for Best Novel  (1980) : The Fountains of Paradise Hugo Award for Best Novel  (1974) : Rendezvous with Rama Hugo Award for Best Novel  (1980) : The Fountains of Paradise Knight Bachelor  (1994) Science Fiction and Fantasy Hall of Fame  (1997) Theodore von Kármán Award  (1996) Geffen Award for Best Translated Science Fiction Novel  (2005) : Childhood's End Sri Lankabhimanya  (2005) Hugo Award for Best Short Story  (1956) : The Star (en) Hugo Award for Best Dramatic Presentation  (1969, 1985) : 2001: A Space Odyssey, 2010: The Year We Make Contact International Fantasy Award  (1952) : The exploration of space (en) Retro Hugo Award for Best Short Story  (2004) : The Nine Billion Names of God (en) International Space Hall of Fame  (1989) John W. Campbell Memorial Award for Best Science Fiction Novel  (1974) : Rendezvous with Rama Locus Award for Best Novel  (1974) : Rendezvous with Rama
Kidetza	Zientzien Mundu Akademia
Izengoitia(k)	Charles Willis eta E.G. O'Brien
Genero artistikoa	zientzia-fikzioa zientzia-dibulgazioa utopia
Zerbitzu militarra
Adar militarra	Royal Air Force
Sinesmenak eta ideologia
Erlijioa	agnostizismoa
arthurcclarke.org eta clarkefoundation.org

Sir Arthur Charles Clarke (Minehead, Somerset, Ingalaterra, 1917ko abenduaren 16a - Kolonbo, Sri Lanka, 2008ko martxoaren 19a) zientzia-fikzio generoko idazlea, asmatzailea eta futurista izan zen. Haren lan ezagunena da 2001: espazioko odisea (jatorrizko izenburua, ingelesez: 2001: A Space Odyssey). Izan ere, Stanley Kubrick zinemagile famatuarekin batera idatzitako gidoia film arrakastatsu bihurtu zen. Robert A. Heinlein eta Isaac Asimov idazleekin batera, sarritan Zientzia-fikzioaren Hiru Handiak (Big Three) izenaz ezaguna den multzoan aipatzen dute.

Bizitza

1937 eta 1945 bitartean, hainbat fanzinetan idatzi laburrak argitaratu zituen. 1948 urtean BBC irrati-telebista katearen lehiaketa batentzat idatzi zuen bere lehendabiziko lan arrakastatsua: The Sentinel, ("Zelataria"). Idatzi laburra da, baina hantxe dago 2001: espazioko odisea historia arrakastatsuaren oinarria.

Zientzia-fikzioko eta zabalkuntza zientifikoko lan asko idatzi zituen, mota askotakoak. Hitzordua Rama-rekin (Rendezvous with Rama) edo Paradisoko Iturriak (The Fountains of Paradise) lanak zientzia-fikzio gogorra, zientifikoena edo Hard Science Fiction barruan kokatzen dira. Aldiz, The Sentinel edo The City and the Stars idazlanetan erlijio gaiak sartzen ditu, eta beste batzuetan, Richter 10 adibidez, gai sozialak erabiltzen zituen zientzia-fikzioarekin nahastuta.

Arthur C. Clarke, idazlea izateaz gain, zientifikoa ere bazen, eta satelite eta telekomunikazioei buruz hainbat lan eta idazki egin zituen. Lan horien ondorioz, orbita geoestazionarioak Clarkeren orbitak izenaz dira ezagunak.

Ospetsu egin dira Clarkeren esaera batzuk, batez ere zabalkuntza zientifikoko Etorkizunaren profilak (1962) (Profiles of the Future; an Inquiry into the Limits of the Possible) liburuan argitaratuak eta Clarkeren Legeak izenaz ezagunak. Horietan guztietan famatuena da, seguruenik, Clarkeren Hirugarren Legea: «Nahiko aurreratuta dagoen edozein teknologia, magiatik bereiztea ezinezkoa da».

Sri Lankan bizi zen, eta nazionalitate bikoitza zuen: Erresuma Batukoa eta Sri Lankakoa. Oraindaino ez da haren lanik euskaratu.

Estiloa eta ibilbidea

Hasierako idazlanetan trama zientifiko baten inguruan garatzen du kontakizuna, amaiera harrigarriren batekin osatu ohi zituenak. Tonua, orokorrean, aseptiko samarra da, artifizio eta apaingarri gabe, plazaratutako ideiak izan daitezen irakurlearen arreta mantentzen dutenak. Estilo horretan ondo dosifikatutako umore fina da zirrikitu bakarra.

Hiru periodo bereizi ohi dira haren ibilbidean:

• 1950eko hamarkadako eleberri utopiko/humanistak, tartean Zelataria.
• 1970eko hamarkadako zorroztasun zientifikoa, Clarkeren obra zientzia fikzio gogorraren barnean kokaraziko duena. Hitzordua Ramarekin tarte horretan sartzen da.
• 1980ko eta 1990eko hamarkadetako idazlanak, non gehienetan beste idazlerekin batera idazten duen eta joera politiko-sozialagoa agertzen duen.

Omenaldiak

Arthur C. Clarke, Marconi International Fellowship saria jasotzen, 1982an.

• Asteroide bat 4923 Clarke izendatu zuten (2001 zenbakia zuena dagoeneko erabilita zegoen, Albert Einsteini eskainia).
• Inverlochen (Australia) aurkitutako dinosauro mota bati Serendipaceratops arthurcclarkei izena jarri zioten.

Erreferentziak

Wikimedia Commonsen badira fitxategi gehiago, gai hau dutenak: Arthur C. Clarke

• Datuak: Q47087
• Multimedia: Arthur C. Clarke / Q47087
• Aipu famatuak: Arthur C. Clarke