Alda

Alda
Euskal Herria
Kokapena
Herrialdea	Araba
Udalerria	Harana
Administrazioa
Posta kodea
Geografia
Koordenatuak	42°45′10″N 2°19′50″W
Demografia

Alda Arabako herria da. Haranako erdialdean eta 815 metrotan kokatuta dago, Biarra errekak herrigunea zeharkatzen duelarik. Udalerriko herriburua da, bertan baitago udaletxea. Ipar-mendebaldean Erroitegi (Arraia-Maeztu), ipar-ekialdean Uribarri Harana, hego-ekialdean Gastiain (Lana) eta hego-mendebaldean Done Bikendi Harana mugakide ditu.

Geografia

Aldako kaskoko kaleek ipar-hego orientazioa dute eta hiru etxe multzo bereizten dira. Etxeak banatzen dituzte Biarra errekak hegoaldetik, eta errepideak iparraldetik. San Pedro eliza eta parrokia da eraikin nabarmenena, baina zenbait etxek badituzte 16, mendeko elementuak, hala nola armarriak eta erdi-puntuko arkua duten sarrerak. Herriko erdiguneko plazak La Rimona du izena.

Hirigunearen mendebaldean errota ere badago, 1647. urtekoa. Bi errotarri gordetzen dira bertan: zuria, irina lortzeko erabiltzen zena, eta beltza, pentsutarakoa.

Iparraldean, errepidea igarota, Harana udalerriko udaletxea dago, 20. mendeko eraikin administratibo bat.

Historia

Herriaren lehenengo aipamen idatzia XIII. mendekoa da. Bestela, Gaztelako Enrique Trastámara erregeak bereganatu zuen hurrengo mendean, eta ondoren Gaonatarren leinukoen menpe egon zen XVI. mendea arte. Hauen ostean, euren ondorengoak ziren Lazkanotarrak herriko jaun bihurtu ziren, eta azkenik Capovillargo markesa Aldaren jabea izan zen.

Administratiboki, Kontrastaren barruan egon zen 1659 arte, herria banatu zenean. Beraz, udalerri independentea bihurtu zen, Uribarri Harana herria ere bere barnean zuena baina 1940ko hamarkadan Kontrasta eta Done Bikendi Haranarekin fusionatu zen, Harana udalerri berria sortuz.

Demografia

2007ko urtarrilaren 1eko erroldaren arabera, auzoak 54 biztanle ditu, udalerri osoan 313 pertsona bizi diren bitartean.

Aldako biztanleria

2000	2001	2002	2003	2004	2005	2006	2007
52	55	54	55	55	56	55	54

Garraioa

Eskualdeko Garraioa sareak linea bat ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 19a Alda Santikurutze Kontrasta • Uribarri Harana • Done Bikendi Harana • Oteo • Orbiso • Bujanda • Antoñana Alda Santikurutze

Kultura

Jaiak

• Urtarrilaren 20a: San Sebastian.
• Otsailaren 5a:: Santa Agata.
• Maiatzaren 3a: Maiatzeko gurutzea.
• Maiatzaren 15a (San Isidro): San Gregorio.
• Ekainaren 19a: San Gervás.
• Ekainaren 29an: San Petri

Ikus, gainera

• Araba
• Arabako Mendialdeko kuadrilla
• Done Bikendi Harana
• Entzia-Iturrietako Partzuergoa
• Harana
• Kontrasta
• Uribarri Harana

Kanpo estekak

• Alda Haranako webgunean

• Datuak: Q2832238
• Multimedia: Alda, Harana-Valle de Arana / Q2832238

Euskarazko Wikipedian bada atari bat, gai hau duena: Euskal Wikiatlasa