Santikurutze Kanpezu

Santikurutze Kanpezu
Euskal Herria
Elizaren ikuspegia, Gazteluaren plazatik.
Kokapena
Herrialdea	Araba
Udalerria	Kanpezu
Administrazioa
Posta kodea	01110
INE kodea
Geografia
Koordenatuak	42°40′11″N 2°21′03″W
Demografia
Biztanleria	822 (2022:  )

Santikurutze Kanpezu (ofizialki Santa Cruz de Campezo / Santikurutze Kanpezu) Arabako herria da, Kanpezu udalerriaren herriburua. 2007ko urtarrilaren 1eko erroldaren arabera, auzoak 854 biztanle ditu. Ega ibaiaren bazterrean dago.

Historia

Kontzeju hau Kodes mendilerroaren hegalean dago. Erromatar historialarien arabera, Kanpezuko lurraldean barduliarren euskal tribua bizi zen. 823. urtean Abd-Al-Karin arabiar jeneralak ibarra suntsitu zuen.

XII mendean arma-plaza garrantzitsua izan zen. Hurrengo mendean Gaztelak eskuratu zuen eta 1256 urtean Alfontso X.ak hiri gutuna eman zion. 1368an Nafarroako Erresumak eskuratu zuen, baina bost urte beranduago itzuli behar izan zuen. Santikurutze Kanpezun bazen judutegi bat, 1474ko zerga-agirietan jasoa. Sancho Fortuniones de Piédrolaren dorrea existitu izan zen, XV. mendean Rojas familiak eskuratu eta XIX. mendean komentu frantziskotarra bihurtu zena.

Demografia

Santikurutze Kanpezuko biztanleria

2000	2001	2002	2003	2004	2005	2006	2007
807	828	829	809	824	826	823	854

Garraioa

Araba Bus sareko  lineak zerbitzua ematen dio herri honi:

Araba Bus  Zerbitzua   Hasiera   Ibilbidea   Amaiera ⁠ 6 Gasteiz (geltokia) Gasteiz (Bastiturri) • Gasteiz (epaitegiak) • Gasteiz (unibertsitatea) • Argandoña • Andollu • Trokoniz • Ixona • Egileta • Azazeta • Birgaragoien • Birgarabarren • Maeztu • Atauri • Antoñana • Santikurutze Kanpezu (gasolindegia) • Santikurutze Kanpezu (markesina) • Zuñiga • Azedu • Antzin • Mendilibarri • Murieta • Zufia • Zubielki • Lizarra (zezen-plaza) Lizarra (geltokia)

Gainera, Eskualdeko Garraioa sareak 2 linea ditu herrian:

Eskualdeko Garraioa  Zerbitzua   Hasiera   Ibilbidea   Amaiera ⁠ 19a Alda Santikurutze Kontrasta • Uribarri Harana • Done Bikendi Harana • Oteo • Orbiso • Bujanda • Antoñana Alda Santikurutze⁠ 19b Santikurutze Bernedo • Angostina • Kinta • Durruma Kanpezu • Bujanda Santikurutze

Kultura

Inauterietan "Toribio" izeneko pertsonaia ateratzen da.

Ondasun nabarmenak

• Andre Mari eliza
• Ibernaloko Andre Mariaren baseliza

Bibliografia

• Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Ikus, gainera

• Antoñana
• Araba
• Arabako Mendialdeko kuadrilla
• Bujanda
• Kanpezu
• Orbiso
• Oteo

Kanpo estekak

• Datuak: Q932902
• Multimedia: Santa Cruz de Campezo / Santikurutze Kanpezu / Q932902