Alfabeto ziriliko

Zirilikoa alfabeto bat da, grezierako alfabetoan oinarritua, batez ere errusieraz eta beste hainbat hizkuntzaz erabilia, Europa ekialdeko eta antzinako SESBaren eragineko eremuan.

Hizkuntzak

Berde ilunez: alfabeto zirilikoa erabiltzen duten herrialdeak
Berde argiz: alfabeto zirilikoa beste alfabeto batekin batera erabiltzen duten herrialdeak

Alfabeto hori erabiltzen duten hizkuntza batzuk hauek dira: abkhaziera, bielorrusiera, bulgariera, errusiera, jakutera, kazakhera, komiera, mazedoniera, moldaviera, mongoliera, serbiera, tatarera, tajikera, turkmenera, ukrainera, uzbekera eta beste batzuk.

Historia laburra

X. mendean asmatu zuen Bizantziar Inperioko misiolari batek Bulgarian, ziurrenik Ohrideko San Klementek. Zirilo eta Metodio santuek IX. mendean asmatu zuten alfabeto glagolitikoan oinarrituta dago: Bizantziar Inperioko misiloari horiek Biblia herri eslaviarrentzat itzulti zuten. Biblia horren hizkuntza eslaviera eklesiastiko zaharra da, Tesalonikan ikasi zuten dialekto eslaviar batean oinarritua. Eliza ortodoxo errusiarrak hizkuntza hori erabili zuen IX eta XII. mendeetan. XIV. mendean eslaviera eklesiastikoa (egun ere erabilia) azaldu zen. Gaur egungo alfabetoa 1708ko xedapenetan datza eta 1918 erreforma bat egin zen, lau letra kendu zirenean.

Letrak eta ahoskera

Alfabeto zirilikoa

Larria Xehea Izena Hotsa А а A /a/ Б б Be /b/ В в Ve /v/ frantsesez ville bezala Г г Ge /g/ euskaraz gero bezala Д д De /d/ Е е Ye /je/ Ё ё Yo /jo/ Ж ж Je /ʒ/ mendebaldeko bizkaieraz jakin bezala edo frantsesez jupe bezala И и i /i/ Й й I laburra /j/ euskaraz bai bezala К к Ka /k/ Л л El /l/ М м Em /m/ Н н En /n/ О о O /o/ П п Pe /p/ Р р Er /r/ euskaraz gorri bezala С с Es /s/ euskal zeta Т т Te /t/ У у U /u/ euskaraz zu bezala ф Ф Ef /f/ Х х Kha /x/ gipuzkeraz jan bezala Ц ц Tze /ts/ euskaraz hitz bezala Ч ч Txe /tʃ/ euskaraz etxe bezala Ш ш Xa /ʃ/ euskaraz goxo bezala Щ щ Xtxa /ʃtʃ/ euskal ixa + te ixa Ъ ъ Ikur gogorra bustiduratik eza adierazten du Ы ы Yery /ɨ/ Ь ь Ikur leuna /ʲ/ bustidura adierazten du Э э E /ɛ/ Ю ю Yu /ju/ euskaraz Loiu bezala Я я Ya /ja/ gipuzkeraz ogiya bezala

Kanpo loturak

Wikimedia Commonsen badira fitxategi gehiago, gai hau dutenak: Alfabeto ziriliko

• Alfabeto zirilikoz idatzitako izenak euskarara aldatzeko transkripzio-sistema, Euskaltzaindiaren 156. araua.
• (Ingelesez) "Cyrillic" Unicode kode taulak (PDF)
• (Ingelesez) "Cyrillic Supplement" Unicode kode taulak (PDF)