Anastasio Zubia

Anastasio Zubia
Bizitza
Jaiotza	Araotz, 1916ko abenduaren 5a
Herrialdea	Gipuzkoa, Euskal Herria
Heriotza	1983ko abenduaren 15a (67 urte)
Jarduerak
Jarduerak	saltzaile ibiltaria eta mugalaria

Anastasio Zubia (Araotz, Oñati, 1916ko abenduaren 5a -1983ko abenduaren 15a) saltzaile ibiltari eta mugalaria izan zen. Gernetako Erdietxe baserrian jaio eta Txomena (Araotz) eta Milikua (Arantzazu) etxeetan bizi izan zen. Legazpin Patrizio Etxeberriaren lantegian ere jardundakoa da.

Oñatin, Aretxabaletan, Eskoriatzan eta Arabako Lautadako herri askotan zituen bezeroak, 1960an adibidez Gipuzkoako eta Arabako 1.159 etxetara heldu zen eta 6.190 bezerorengana. Izarak, mahoizko telak, mahai-tresneria eta abar garraiatzen zituen astoarekin. Elgeako mendilerroaren pasabideak baliatzen zituen horretarako, Artia eta Usakotxenakoak. Gerra Zibilaren ondorengo hamarkadetan bereziki garrantzitsua izan zen bere jarduera. Ehiztari eta arrantzale moduan ibilitakoa izan zen.

2018an berari buruzko liburua egin zuten Migel Anjel Kortabarria eta Jose Antonio Azpiazu herrikideek.

Salmenta herriak

Araban, Barrundia, Donemiliaga, Asparrena eta Zalduondo gaur egungo udalerritan ibili zen. Jeneroaren gordelekuak zituen Heredian (Barrundia), Axpuru eta Narbaxan (Donemiliaga) eta Arriolan (Asparrena).

Arabatik Gipuzkoara ekartzen zituen bueltan patatak, arbi haziak, garia eta garagarra.

Kanpo estekak

• “Anastasio Zubia. Araozko saltzaile ibiltaria. Bere bizimodua, garaia eta giroa” liburuaren aurkezpena (2018).

• Datuak: Q94433283