Ashura

Wikipedia(e)tik
Hona jo: nabigazioa, Bilatu
Musulman xiitarrak Malirren, Pakistan, zanjeerra praktikatzen

Ashuraren eguna (arabieraz: عاشوراء‎ Āshūrā; urduz: عاشورہ‎; persieraz: عاشورا‎; turkieraz: Aşure Günü) islamiar egutegiko Muharramaren 10. egunean ospatzen den eguna da, eta Muharrameko Doluaren klimaxa markatzen du.

Musulman xiitarrek ospatzen dute Husayn ibn Aliren martirioaren dolu gisa. Husayn Mahomaren biloba zen eta Karbalako guduan hil zen hejiraren osteko 61. urteko Muharrameko 10ean (hau da, 680. urteko urriaren 9 edo 10ean, erabiltzen den egutegiaren arabera). Sunitar musulmanek beste esanahi bat ematen diote. Ibn Abbasek dioenez Mahoma Medinara iritsi zenean juduak Ashoora izeneko eguna ospatzen ari zirela ikusi zuen. "Hau zer da?" galdetu zien eta erantzun zioten "Hau egun on bat da, egun honetan Allahk Israelen Semeak salbatu zituen eta Musak baraua egin zuen egun horretan". Orduan bere jarraitzaileei esan zien eurak "Moisengandik gertuago zeudela" eta egun horretan baraua egin behar zela.

Xiiten populazio handia dagoen eskualdetan, adibidez Afganistan, Iran, Irak, Turkia, Azerbaijan, Pakistan, Libano eta Bahrainen egun hau jai egun ofiziala da, eta talde etniko ezberdinek parte hartzen dute. Indian, non gehiengoa Hindua den baina estatua sekularra den, jai-egun ofiziala da.

Commonsen badira fitxategi gehiago, gai hau dutenak: Ashura Aldatu lotura Wikidatan