Eguraldi iragarpen

Eguraldiaren iragarpena geroaldian eta leku jakin batean atmosferaren egoera aztertzeko zientzia eta teknologiaren aplikazioa da. Gizakiok betidanik saiatu izan dugu eguraldia iragartzen. Gaur egun, eguraldia iragartzeko atmosfera ikertzen duten meteorologiaren erabideak erabiltzen dira. Hala ere, atmosferaren izaera kaotikoa eta ezaguera partzialak zehazgabe bihurtzen ditu iragarpenak, batez ere, denbora pasa ahala.

Historia

Eguraldia iragartzeko lehenengo saiakerak antzinaroan egin zuten. K.a. 650. urtean, babiloniarrek hodeien ezaguera eta astrologia erabili zuten eguraldia ikertzeko. K. a. 340n, Aristotelesek Meteorologica idatzi zuen.

Baina, meteorologia modernoaren sorrera 1837an telegrafoarekin batera. Geroztik gaur egun erabiltzen diren instrumentu guztiak sortu zituzten. Baita meteorologo famatuenak sortu ere, tartean Francis Beaufort (Beaufort eskalaren sortzaile), Robert Fitzroy (Fitzroy barometroa asmatu zuena), Lewis Fry Richardson (1922an, eguraldiaren zenbaki-iragarpen sortzailea), eta abar.

Teknikak

Datuak biltzeko honako instrumentu tradizionalak ez ezik honako hauek ere erabiltzen dira:

• Irrati-zundak
• Eguraldi-sateliteak.
• Radar meteorologikoa.

Behin datuak bilduta eguraldiaren zenbaki-iragarpen teoria erabiltzen da, superordenagailuei esker modeluak sortzeko. Gero datuak aurkitu behar dira ikusizko era batean jendea jakitun ipintzeko. Horretarako, herrialdeek agentziak sortu dituzte (Estatu Batuetan National Weather Service (NWS) edo Eusko Jaurlaritzak Euskalmet). Agentzia hauek komunikabideen bidez zabaltzen dute iragarpena.

Ikus, gainera

• Eguraldia
• Euskalmet
• Tenporak

Kanpo loturak

• Euskalmet
• (Ingelesez) AEBetako National Weather Service agentzia
• (Ingelesez) Erresuma Batuko meteorologia-agentzia
• (Frantsesez) Frantziako meteorologia-agentzia
• (Gaztelaniaz) Espainiako meteorologia-agentzia