Bruno Ganz

Wikipedia, Entziklopedia askea
Hona jauzi: nabigazioa, Bilatu
Bruno Ganz
Bruno Ganz DFF Tokyo 2005.jpg
Bizitza
Jaiotza Zürich1941eko martxoaren 22a
Herrialdea  Suitza
Lanbidea
Lanbidea antzerki aktorea eta zinema aktorea
Lan nabarmenak Der Untergang
Jasotako sariak
IMDb nm0004486

Bruno Ganz (Zurich, Suitza, 1941eko martxoaren 22a) suitzar antzezlea da.

Biografia[aldatu | aldatu iturburu kodea]

1969an, Goetheren Torquato Tasso obraren antzezpenean parte hartu zuen, Edith Clever eta Jutta Lamperekin batera. Joera iraultzaileak bultzatuta, Berliner Schaubühne konpainiaren sorrera sustatu zuen, eta konpainia horretako antzezle izan zen 1970etik 1975era. Talde harekin jokatu zituen, besteak beste, Ibsenen Peer Gynt, Kleisten "Homburgeko printzea" eta Gorkiren "Udatiarrak" (1975). Gorkiren obra hura zinemara eraman zuen, eta beste zenbait film ere egin zituen, hala nola "O-ko markesa" (1975, Eric Rohmer), "Amerikar adiskidea" (1977, Wim Wenders), "Aiztoa buruan" (1978, Reinhard Hauff), Brasilgo mutikoak, "Nosferatu, gaueko banpiroa" (1978, Werner Herzog), "Hiri zurian" (1983, Alain Tanner) eta "Berlin gaineko zerua" (1987, Wim Wenders).

1993-1994an, Salzburgon jardun zuen Shakespeareren Coriolano antzezten. Azpimarratzekoak dira, halaber, Friedrich Hölderlinen olerkiez Ganzek egindako interpretazio sentiberak. Thomas Bernhardek Ganzi eskaini zion "Ehizaldia" obra.

2004an Der Untergang filman Adolf Hitlerren papera antzeztu zuen.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Bruno Ganz Aldatu lotura Wikidatan