City of London

Wikipedia(e)tik
Hona jo: nabigazioa, Bilatu
Londres Hiria
City of London
Erresuma Batuko konderria
Bandera Armarria
Hiriburua Londres
Estatua
Herrialdea
 Erresuma Batua
 Ingalaterra
Geografia
 -  Guztira 2.90 km2
Biztanleria
 -  zenbatespena 8.072 bizt.
Webgunea
Webgunea
City of London-en ikuspegia.

City of London deituriko eremua Londres erdigunean dagoen hiria eta konderria da aldiberean. Izan ere Erresuma Batuko finantzen udalbarruti garrantzitsuena da, bai eta munduko nagusienetarikoa ere.

Historian zehar, Londres hiria Cityaren eta West Enden inguruan egituratu izan da. Azkenengo hamarkadetan, izugarrizko eraikinak jaso dituzte Cityan; adibidez, Tower 42 (1990era arte Ingalaterrako eraikinik altuena, "Nat West Tower" gisa ezagutua) eta orain dela gutxiko 30 St Axe, 2003an egindakoa eta, bere itxura dela eta, the Gherkin edo '(ozpinetako) pepinoa' ere deitua.

Historia[aldatu | aldatu iturburu kodea]

K.a. 47 urtearen inguruan markatariak ezarri ziren eremu honetan baina erromatarrek K.a. 43 urtean konkistatu eta Londinium hiria sortu zuten orain City-a dagoen muinoan. Erromatarren inperioaren gainbeherarekin batera hiriak ere behera egin zuen.

Ingelesen lehen erregea kontsideratzen den Alfredo Handia, Wessexekoak erromatarren hiri zaharra okupatu zuen eta 886tik aurrera berriztu egin zuen harresi berriak ezarrik eta ibaiertzean kaiak eraikiz. X mendean dagoeneko orduan hiriburua zen Winchester baino handiagoa eta aberatsagoa bihurtu zen.

Erdi Aroan 25 barruti ezarri ziren. Hiria zabaldu ahala XVI mendean eremurik aberatsena sortzen hasi zen erdigunean, Royal Exchange (Burtsa) eta Ingalaterrako Bankua eraikitzerakoan. Hiriak hainbat sute izan zituen, bereziki larria 1666ko Londresko Sute Handia izan zen. Honek hiria suntsitu zuen eta berriz altxatu behar izan zen. Berreraikuntza honen sinbolo aipagarriena Christopher Wren arkitzektuaren San Paulo katedrala izan zen, 1708an bukatu zena.

XIX mendeko Industria Iraultzak Londres izugarri hedatzea ekarri zuen eta XX mendean biztanleek hiriaren periferiarako joera izan zuten. 1894an Citya eta inguruko Londresko konderria bateratzeko ahalegina egin zen baina ez zen gauzatu eta oraindik ere biek banatuta diraute. Bigarren Mundu Gerrako bonbaketek kalte handiak eragin zizkioten Londres guztiari eta baita Cityari ere, 1940an Londresko bigarren Sute Handia eragiteraino. 1970 hamarkadan dorre handiak eraiki ziren.

Ondarea[aldatu | aldatu iturburu kodea]

Cityan daude, besteak beste, San Paulo katedrala, Londresko dorrea eta Tower Bridge ("Dorreko zubia") zubi ezaguna, hiriaren ikur bereizgarrietako bat, Guildhall (udaletxe zaharra) eta Mansion House, alkatearen egoitza. Bestalde, Londresko alde honetako biztanleria oso eskasa da (7.000 biztanle inguru), baina lanegunetan 300.000 pertsona baino gehiago biltzen dira bertan. Horrenbestez, asteburuetan nahiko toki bakartia izaten da. Azkenengo urteotan, hainbesteko pilaketa dela eta, Canary Wharf auzoa nabarmendu da City-aren ordezko finantza-gune izateko.

Iruditegia[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: City of London Aldatu lotura Wikidatan