Derrick Rose

Ibilbidea
Draft NBA	Chicago Bulls

Derrick Rose
	; (2017) Irudi gehiago
Bizitza
Jaiotzako izen-deiturak	Derrick Martell Rose
Jaiotza	Chicago, 1988ko urriaren 4a (36 urte)
Herrialdea	Ameriketako Estatu Batuak
Bizilekua	Chicago
Lehen hizkuntza	ingelesa
Hezkuntza
Heziketa	Simeon Career Academy (en) ; (2003 - 2007) ; University of Memphis (en) ; (2007 - 2008)
Jarduerak
Jarduerak	saskibaloi jokalaria
Ibilbidea
Draft NBA	Chicago Bulls
	Parte-hartzailea 2010eko Munduko Saskibaloi Txapelketa ; 2014 FIBA Basketball World Cup (en) ;
Posizio edo espezialitatea	antolatzailea
Kirol zenbakia	1; 25
Pisua	86 kilogramo
Altuera	191 zentimetro
Jasotako sariak	ikusi Rookie Sariaren irabazleak (2009) ; NBA All-Rookie Team (2009) ; NBAko Jokalari Baliotsuenaren Saria (2011) ; All-NBA Team (2011) ;
	drosehoops.com

Derrick Martell Rose (1988ko urriaren 4a - ) saskibaloi jokalari estatubatuarra da, 2008-09 denboralditik NBAn Chicago Bullseko jokalaria. 1,91 metro neurtzen ditu.

Biografia

Rose Chicagon jaio zen, Illinoisen, 1988ko urriaren 4an. Englewooden hazi zen, Chicago hegoaldeko arriskuz betetako auzo batean eta Brenda Rosen semerik gazteena zen, Dwayne, Reggie eta Allanen ondoren. Hirurak izan ziren saskibaloi jokalari jaioak eta inguruko kantxetan irakatsi zien Rose kirol horren nondik-norakoak^[1].

Mutilak gero eta trebezia gehiago erakusten zuen eta atentzioa deitu zuen Chicagotik kanpora ere, amak harremanak mugatzea erabaki zuelarik, ez baitzuen NBAko bidean, semea galtzerik nahi.

Hastapenak kirolean

Bigarren Hezkuntzako ikasketak bere jaioterriko Simeon Career Academyn egin zituen eta 2 urtez izan ziren garaile estatuko txapelketan. Kontuan izan behar da, ordura arte, Illinoisko eskola batek sekula lortu gabeko garaipena zela hori.

Azken denboraldian, ekipoa lehena zihoan Oak Hill Academy eskolari irabazteraino eraman zuen, 78-75 lortu zutelarik telebista nazionalean botatzen ari ziren partidan. Eskolako ibilbidean, bere ekipoak 120 garaipen lortu zituen, 12 bakarrik galduz.

Unibertsitatea

Derrickek denboraldi bakarra jokatu zuen Memphiseko unibertsitateko Tigersekin eta 14,9 puntu, 4,7 asistentzia eta 4,5 errebote partidako batezbestekoak lortu zituen. 2008ko Final Fourrerako klasifikatzera lortu zuten eta Kansasko unibertsitatearen aurka borrokatu zuten finala. Jayhawksek Tigers luzapenean garaitu zuen 75-68, azken titulua lortu zutenetik 20 urte pasa ondoren.

9 partidatan, 20 puntu edo gehiago saskiratu zituen eta AEBetako Conference USAko pasatzaile hoberena izan zen.

2008an, NBAko Draft-ean hautagai izan zen, NBAranzko pausoa eman zuelarik.

NBA

2008-09 denboraldia: Urteko Rookie

Lehen postuan aukeratu zuten 2008ko NBA Draft-ean Chicago Bullsen eskutik^[2].

NBAn eginiko lehen denboraldian, 20 puntu baino gehiago saskiratu zituen ligako lehen 45 partidetan, Michael Jordanen ondoren, Bulls lehen rookiea izan zelarik.

Berriro eskuratu zuen saria abenduan eta, otsailean, 2009ko All-Star Weekendeko Rookie Challengen hartu zuen parte. 4 puntu sartu zituen eta 7 asistentzia eginez lideratu zituen rookieak, Skills Challengen txapeldun izan zelarik eta lortu zuen lehen rookie bilakatuz.

Denboraldiaren bukaeran, NBAko urteko rookie egin zuten 16.8 puntu, %47,5 kanpo jaurtiketa, 6,3 asistentzia eta 3,9 errebota partidako batazbestekoarekin eta rookie bosteko hoberenaren kide bilakatuz.

Playoff-etako estreinaldian, Rosek 36 puntu saskiratu zituen, 11 asistentzia banatu eta 4 errebote harrapatu zituen Boston Celticsen aurkako garaipenean, luzapenan 105-103 garaitu zutelarik. 36 puntu horiek Kareem Abdul-Jabbaren marka berdindu zuten, playoffeko lehen partidan puntu gehien saskiratzen lehenak izan zirelarik eta historiako bigarren jokalaria izan zen playoffeko debutean 35 puntutik gora eta 10 asistentzia, behintzat, lortzen.

Azkenean, 7 partiden buruan, Boston Celticsek Chicago garaitu zuen.

2009-10 denboraldia: All Star

NBAn bigarren denboraldia hasi bezain laster, lesio bat izan zuen orkatilean eta lanak eman zizkion txapelketaren lehen zatian, baina, sendatu zenean, Rose gero eta hobeto aritu zen eta baita ekipoa ere berarekin, playoffs postuetara eramanez eta baita sophomore lehiatzera ere, NBAko All-Star Gamen kokatuz lehen aldiz.

Lesioak han eta hemen, ez Rosenak bakarrik, Bullsek playoffsetatik jaitsi beharrean izan ziren eta hortxe geratuko zela zirudien, baina, azken sprintean, borroka finalaren bidean geratu zen taldea.

Apirileko partidan honetan egin zuen lan ikusgarriaren ondoren, Rose Ekialdeko Konferentziako jokalari hoberena izan zen.

Behin playoffsetan sarturik, Rosen Chicago Bullsak LeBron Jamesen Cleveland Cavaliersen aurka egin behar izan zuten eta haien aurrean makurtu behar izan zuten 5 partiden buruan, baina ez zen garaipen erraza izan, bigarren urtez playoffs bikainak burutuz.

Uda hartan, AEBetako federazioak AEB Saskibaloiko Turkiako Mundialean ordezkatzeko deitu zion, helburua erraztasun handiz lortu zutelarik.

2010-2011 denboraldia: MVP

Denboraldi honetan, NBAko izan eztabaidaezina zen jada. Hasiera gorabeheratsua izan bazuten ere, Rose eta bere lagunek 62 garaipen lortu zituzten 20 porroten aurrean.

Rosen lan pertsonala ikusgarria izan zen: 25,0 puntu partidako, 7,7 asistentzia partidako eta 4,1 errebote partidako. Honek denak All-Star partidara eraman zuen bigarren aldiz eta denboraldiko MVP (Most Valuable Player) egin zuten, sekula lortu izan zuen jokalaririk gazteena izanez. Bera eta Michael Jordan izan ziren lortu zuten bulls bakarrak.

Playoffsetan, Chicago Bullsek Indiana Pacers eta Atlanta Hawks garaitu zituzten lehen eta bigarren bueltan hurrenez-hurren. Rosek bere errekorra gainditu zuen playoffs partida batean, 44 puntu saskirauz Atlanta Hawksen aurka.

Ekialdeko Konferentziaren finalean, Miami Heaten aurka jokatu zuten eta kantxa faktorea bere alde zuten, baina porrotera joan ziren 5 partiden buruan, Miamiko Chris Bosh, Dwyane Wade eta LeBron Jamesk osatutako Big Threea garaitezina izan baitzen.

2011-2012 denboraldia: lesioen denboraldia

2011ko abenduan, Roseek 94,8 milioiko klausula sinatu zuen (72,8 milioi euro) 5 denboraldiko epean. Horrek, talde osoaren soldaten %30a betetzen zuen, jokalari bati ordaindu ahal zaion maximoa hain zuzen ere. Gauzak horrela, NBAko soldata arau berri bat sortu zen Derrick Rose Araua deritzona, aurretik aipatutako baldintza betetzen duena.

Derrick-ek All Starean ere parte hartu zuen, bigarren jokalaririk bozkatuena izan zelarik, Dwight Howarden atzetik, denboraldi horretan, 21,8 puntu, 7,9 asistentzia eta 3,4 erreboteko batazbestekoa lortu zituelarik.

Derrick ez zuen denboraldi ona izan, lesioak zirela-eta, 37 partida galdu baitzituen (76 ziren denera). Kontuan izan behar da, aurreko 3 denboraldietan 6 partida besterik ez zituela galdu. Hala ere, Bulls berriro izanz en garaile denboraldi horretan (50-16).

Playoffsetako lehen partidan, Philadelphia 76ersen aurka, Rose (23 pt, 9 erreb, 9 ast) ezker belauna lesionatu zuen salto egiterakoan; partidaren azken minutuetan izan zen, 1:22 besterik ez baitzen geratzen eta Chicago irabazten zihoan 12 puntuz.

Rosek belauneko lotailu gurutzatuaaren haustura izan zuela informatu zuten eta denboraldian geratzen zena eta hurrengoaren hasiera ere galdu beharko zituen. Chicagok eraztunarenganako zituen itxaropenak kolpe handia hartu zuten gertakizun honekin eta lehen bueltan bota zituzten 4-2 eta, espero ez zen bezala, 76ers pasatu ziren aurrera.

2012ko maiatzean, Derrickek 8 eta 12 hilabete arteko errekuperazioaren beharra izan zuela iragarri zuten.

2012-2013 denboraldia: errekuperazioa eta espekulazioak

All Star-eko geldialdia eta gero (Otsaila bukaeran), Derrick Rose itzuliko zen itxaropena zabaldu zuten, baina martxoaren bukaeran gauzak berdin jarraitzen zuen. Prentsa eta zaleak irrikitzen zeuden eta Chicago eta Rose bera ere presionatzen zuten itzultzeko, baina erabat ondo egon arte ez zela pistara itzuliko komunikatu zuten.

Martxoaren 8rako eman zioten alta, baina Rose ez zegoen itzulerarako mentalki prestatuta. Adidas eta gainontzeko patrozinatzaileen kanpainak ugaritu ziren, baina ez zen emaitzik izan. Rosek ez zuen arriskatu nahi izan eta hurrengo denboraldirako gorde zen, 2013-14rako.

Lesioak gora eta behera eta izar handiena geldi bazituen ere, Bullsek Playoffsetarako sailkatzea lortu zuen, 45-37. Ekialdeko Konferentzian, 5. izan ziren eta Brooklyn Netsen aurka egin behar izan zuten lehen bueltan. Semifinaletan, NBAko garaile izan zen Miami Heat garaitu zuten, baina makurtu beharrean izan ziren hurrengo 4 partidetan.

Bigarren bueltan eliminatuta izanda ere, askorentzat, Jordanen ondorengo denboraldi hoberena izan zen hau.

Estatistikak

Denboraldi erregularra

Urtea	Ekipoa	PJ	PT	MPP	%TC	%3P	%TL	RPP	APP	ROB	TPP	PPP
2008	Chicago	81	80	37.0	.475	.222	.788	3.9	6.3	.8	.2	16.8
2009	Chicago	78	78	36.8	.489	.267	.766	3.8	6.0	.7	.4	20.8
2010	Chicago	81	81	37.4	.445	.332	.860	4.1	7.7	1.05	.63	25.0
2011	Chicago	39	39	35.3	.435	.312	.812	3.4	7.9	.9	.7	21.8
2013	Chicago	10	10	31.1	.354	.340	.844	3.2	4.3	.9	.4	15.9
Total		289	288	36.6	.460	.312	.815	3.8	6.8	.9	.4	20.8
All-Star		3	2	21.0	.517	.667	.500	1.3	4.0	1.3	.0	11.0

Playoffs

Urtea	Ekipoa	PJ	PT	MPP	%TC	%3P	%TL	RPP	APP	ROB	TPP	PPP
2009ko NBAko Playoffsa	Chicago	7	7	44.7	.492	.000	.800	6.3	6.4	.6	.7	19.7
2010ko NBAko Playoffsa	Chicago	5	5	42.4	.456	.333	.818	3.4	7.2	.8	.0	26.8
2011ko NBAko Playoffsa	Chicago	16	16	40.6	.396	.248	.828	4.3	7.7	1.4	.7	27.1
2012ko NBAko Playoffsa	Chicago	1	1	37.0	.391	.500	1.000	9.0	9.0	1.0	1.0	23.0
Total		29	29	42.0	.427	.243	.823	4.6	7.3	1.1	.6	25.2

Errekorrak

Puntuak: 44

vs Atlanta Hawks, 2011ko maiatzaren 6a

Kanpo jaurtiketen ehunekoa: 12-14(.857)

vs Oklahoma City Thunder, 2009ko martxoaren 18a

Gauzatutako kanpo jaurtiketak: 18

vs San Antonio Spurs, 2011ko otsailaren 17a

Saiatutako kanpo tiroak: 33

33, vs Washington Wizards, 2010eko urtarrilaren 15a
33, vs Phoenix Suns, 2010eko azaroaren 24a

Gauzatutako jaurtiketa libreak: 12

vs Milwaukee Bucks, 2011ko martxoaren 26a

Gauzatutako jaurtiketa libreak: 18(OT)

vs Indiana Pacers, 2011ko martxoaren 18a

Saiatutako jaurtiketa libreaks: 21(OT)

vs Indiana Pacers, 2011ko martxoaren 18a

Gauzatutako Tripleak: 6

vs Atlanta Hawks, 2011ko martxoaren 22a
vs Washington Wizards, 2015eko urtarrilaren 14a

Saiatutako Tripleak: 11

vs Utah Jazz, 2011ko martxoaren 12a

valign="top"

Erreboteak: 12

12, vs Phoenix Suns, 2010eko azaroaren 24a
12, vs Detroit Pistons, 2010eko abenduaren 26a

Errebote ofentsiboak: 5

vs Atlanta Hawks, 2008ko azaroaren 11

Errebote defentsiboak: 11

11, vs Phoenix Suns, 2010eko azaroaren 24a
11, vs Detroit Pistons, 2010eko abenduaren 26a

Asistentziak: 17

vs Miwaukee Bucks, 2011ko martxoaren 26a

Lapurretak: 6

vs New York Knicks, 2010eko abenduaren 25a

Tapoiak: 3

3, vs Boston Celtics, 2010eko apirilaren 13an
3, vs Washington Wizards, 2010eko abenduaren 22a
3, vs Miami Heat, 15 de enero de 2011ko urtarrilaren 15a
3, vs Cleveland Cavaliers, 2011ko urtarrilaren 22a
3, vs Toronto Raptors, 2011ko apirilaren 2a

Galerak: 9

vs Golden State Warriors, 2011ko otsailaren 5a

Jokatutako minutuak: 55:20(2 OT)

vs New York Knicks, 2009ko martxoaren 9a

Bizitza pertsonala

Amonak jarri zion Pooh ezizena txiki-txikitan Winnie de Pooh bezain pottoloa eta horia zela-eta.

Ezkerreko bizepsan, saskibaloiko baloi bat duen azti baten tatuaia du, goian Poohdini idatzita duelarik. Esanguratsua da datu hau, txikitan, mediekuen orratzenganako fobia ian baitzuen eta ez baitzuen zauriak josten uzten.

Partiden aurrean motibatzeko, Lil Wayne raperoaren I'm me abestia entzuten omen zuen.

2012an, seme bat izan zuen eta P.J. deitu zion.