Edward Drinker Cope

Wikipedia(e)tik
Hona jauzi: nabigazioa, Bilatu
Edward Drinker Cope
Cope Edward Drinker 1840-1897.png
Bizitza
Jaiotza Filadelfia1840ko uztailaren 28a
Herrialdea  Ameriketako Estatu Batuak
Heriotza Filadelfia1897ko apirilaren 12a (56 urte)
Heriotza modua berezko heriotza (unknown value
giltzurrun-gutxiegitasun akutua
Sifilia)
Familia
Seme-alabak
Hezkuntza
Hizkuntzak ingelesa
Lanbidea
Lanbidea geologoa, paleontologoa, zoologoa eta unibertsitateko irakaslea
Jasotako sariak
Kidetza Bavarian Academy of Sciences and Humanities

Edward Drinker Cope (1840ko uztailaren 28a, Filadelfia, Pennsylvania, Ameriketako Estatu Batuak - 1897ko apirilaren 12a) amerikar paleontologo, herpetologo eta iktiologoa izan zen. Eskola neo-lamarkistaren sortzailea izan zen. Familiako kuakero aberats batean jaio zen eta txikitatik zientziarekiko zuen interesa demostratu zuen. 19 urte zituela bere lehen artikulu zientifikoa argitaratu zuen. Familia Filadelfiatik Haddonfieldera mugitu zen, New Jerseyn, baina berak erresidentzia mantendu zuen Filadelfian.

Copek formakuntza zientifiko eskasa zuen, eta landa lanerako trebetasun berezia. Ameriketako Estatu Batuetako mendebaldera hainbat bidaia egin zituen 1870ko hamarkadan eta 1880ko hamarkadan zehar, askotan United States Geological Surveyko kide gisa. Othniel Charles Marshekin batera lehia bizia abiatu zuen fosilak aurkitzeko, Hezurren Gerra izenarekin ezaguna. Dirutza handia galdu zuen lan horretan eta fosil asko saldu behar izan zituen. Arrazoi ezezagunak direla eta hil zen 1897ko apirilaren 12an.

Bere lanak Ameriketako Estatu Batuetako paleontologia definitzen lagun zuen. Asko idatzi zuen, bere bizitza osoan 1.400 argitalpen zientifiko, nahiz eta asko zehatzak ez zirela zioten bere aurkariek. 1.000 ornodun baino gehiago deskribatu zituen, horien artean ehunka arrain eta dozenaka dinosauro. Teoria bat eman zuen ugaztunen hortzen inguruan. Bere izena daraman "Coperen araua", zeinetan esaten den ugaztunen familia guztiek denbora geologikoan handiago egiteko joera dutela, ez da bere lanean zehazki agertzen.