Gerediaga Elkartea

Gerediaga Elkartea
Datuak
Mota	kultur elkartea
Herrialdea	Espainia
Historia
Sorrera	1965eko ekainaren 7a
Jasotako sariak	Lauaxeta Saria (2011) ; Elkar sariak (2016)
	webgune ofiziala;

Gerediaga Elkartea 1965eko ekainaren 7an sortu zuten Durangaldean, "Durango Merinaldeko Adiskideen Gerediaga Elkartea" izenarekin, eskualdeko bizitza sozial eta kulturala berpiztu nahian. Frankismoaren testuinguruan, Elkarteen lege berri bat aprobetxatuz sortua, izan ere, Bizkaian erregistratu zen lehenengo kultur elkartea izan zen.^[1] Egoitza nagusia Abadiñon daukate, Astolako Auzitegi Etxean.

Talde sortzailean, hurrengo lagunak egon ziran: Luis Mari Altzibar Arrinda, Maria Rosario Astola Sertucha, J. Maria Astola Sertucha, Maria Arrate Salazar Sarasua, Vicente Capanaga Totoricaguena, Jesús Astigarraga Eizaguirre, Julian Berriozabalgoitia Bilbao, Carmen Miranda Subieta, Maria Concepción Astola Sertucha, Salvador Solaegui Ispizua, Jose Luís Lizundia Askondo, eta Leopoldo Zugaza Fernández.

Egitasmoak[aldatu | aldatu iturburu kodea]

Astola Aldizkaria[aldatu | aldatu iturburu kodea]

Astola Aldizkaria 2007an jaio zen, publiko orokorrari begira, Durangaldeari buruzko ikerketa gaiak eta historia biltzeko asmoarekin. Aldizkaria euskaraz zein gaztelaniaz idazten da eta urtean behin argitaratzen da.^[2]

Euskal Herriko Artzai Txakur Txapelketa[aldatu | aldatu iturburu kodea]

1967an egin zen lehenengo Euskal Herriko Artzai Txakur Txapelketa, Mañarian. Urtero, Durangaldeko elizate edo uri baten egiten bada ere, parte-hartzaileak Bizkaia, Gipuzkoa, Araba, Nafarroa eta Ipar Euskal Herriko artzainak dira.^[3]

Durangoko Azoka[aldatu | aldatu iturburu kodea]

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Durangoko Azokaren gaineko zortzi datu.

1965ean, elkarte sortu berria zela antolatutako lehenengo ekintzetarikoa izan zen Durangoko Azoka, Euskal Herriko liburugintza eta diskogintzako ekoizpena ezagutarazteko, baita euskalgintzako sektoreen topalekua izateko ere.^[4]

Ezpatadantzari Eguna[aldatu | aldatu iturburu kodea]

Merinaldeko Ezpatadantzari Eguna 1967. urtean antolatu zen lehenengoz, Iurretan. Dantzari dantza, edo Ezpatadantza, galtzeko arriskua zelako. Egun horretan, dantzari dantza osoa, aurreskua eta erregelak dantzatzen dira. 2009az geroztik ere Dantzaroa ospatzen da, non eskualdeko beste dantza batzuk ere lekua dute: Garaiko Gernikako Arbola dantza, Elorrion Errebonbilloen arma alardea, Durangoko Platilo Soinua, Iurreta eta Garaiko nesken sokadantza, Gorularien estanpa, Arkudantza eta Domingillo dantza.^[5]

Merinalde Eguna[aldatu | aldatu iturburu kodea]

Durangoko Merinalde Eguna Gerediaga baselizan egiten da, foru zelaiean dagoen eraikinean, egun Bizkaiko Batzar Nagusien egoitzetako bat dena. 1997tik eta bi urterik behin, Durangaldeko Teila saria banatzen du Gerediaga Elkarteak Durangoko Merinaldeko kanpoko norbaiti, Durangaldearekin izan duen lotura aitortzeko eta eskualdearen alde egindako lana eskertzeko.^[6]